Oʻzbekiston Respublikasining “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-sonli Qonuniga, Oʻzbekiston Respublikasi Byudjet kodeksining 99-moddasi hamda tuman Soliq inspeksiyasining 2025-yil 2-dekabridagi 20-184058-sonli xati hamda Oqdaryo tumanida 2026-yilda suv resurslaridan foydalanganlik uchun soliq stavkasiga va noruda qurilish materiallari uchun belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar miqdorini belgilash toʻgʻrisida tuman Soliq inspeksiyasining 2025-yil 12-dekabrdagi 82-sonli bildirish xati va takliflariga muvofiq “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga asosan xalq deputatlari Oqdaryo tumani Kengashining yettinchi chaqiriq, yigirma uchinchi sessiyasi qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-sonli Qonuniga, Oʻzbekiston Respublikasi Byudjet kodeksining 99-moddasi hamda tuman Soliq inspeksiyasining 2025-yil 2-dekabridagi 20-184058-sonli xati hamda Oqdaryo tumanida 2026-yilda suv resurslaridan foydalanganlik uchun soliq stavkasiga va noruda qurilish materiallari uchun belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar miqdorini belgilash toʻgʻrisida tuman Soliq inspeksiyasining 2025-yil 12-dekabrdagi 82-sonli bildirish xati rahbarlik va ijro uchun qabul qilinsin.

2. Tuman Soliq inspeksiyasi hududlarning iqtisodiy rivojlanganlik darajasi hamda tuman hokimligining 2026-yil uchun belgilangan mahalliy byudjet prognozidan kelib chiqib, tuman boʻyicha 2026-yilda suv resurslaridan foydalanganlik uchun soliq, yer qaʼridan foydalanganlik uchun soliq va qishloq xoʻjaligiga moʻljallanmagan yerlar boʻyicha yer soligʻi stavkalarining Mutlaq miqdorlariga nisbatan kamaytiriluvchi va oshiriluvchi koeffitsientlarni qoʻllash boʻyicha takliflari inobatga olinsin.

3. Suv resurslaridan foydalanganlik uchun soliq stavkalariga 2026-yil uchun qoʻllaniladigan koeffitsientlar 1-ilovaga;

hamda Noruda qurilish materiallari uchun (sementdan tashqari) belgilangan qatʼiy stavkalariga 2026-yil uchun qoʻllaniladigan koeffitsientlar 2-ilovaga muvofiq tasdiqlansin.

4. Tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari-iqtisodiyot va moliya boʻlimi boshligʻi (E.Ashurov), tuman Iqtisodiyot va moliya boʻlimi boshligʻi oʻrinbosari (N.Ismoilov), tuman Soliq inspeksiyasi (M.Ruzimamatov) bilan birgalikda mazkur qaror oʻz vaqtida va samarali bajarilishini taʼminlash choralarini koʻrsin.

5. Mazkur qaror tegishli tahririyatlar va ommaviy axborot vositalarida yoritilishi tavsiya etilsin hamda tuman hokimligining rasmiy veb saytiga joylashtirilsin.

6. Mazkur qaror bajarilishini nazorat qilish xalq deputatlari Oqdaryo tumani Kengashining mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (R.Rabbanaqulov) hamda tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari-iqtisodiyot va moliya boʻlimi boshligʻi (E.Ashurov) zimmasiga yuklatilsin.