Oʻzbekiston Respublikasi Budjet kodeksining 27- va 99-moddalari, “2026-yil uchun Oʻzbekiston Respublikasining Davlat budjeti toʻgʻrisida”gi 2025-yil 25-dekabrdagi OʻRQ-1105-sonli Qonuniga va xalq deputatlari Samarqand viloyati Kengashining 2025-yil 30-dekabrdagi VII-24-191-7-0-K/25-sonli qaroriga hamda Oʻzbekiston Respublikasi Soliq kodeksining 445- va 452-moddalariga muvofiq, tuman soliq inspeksiyasining 2025-yil 30-dekabrdagi (27-10392-son) xatini inobatga olib, xalq deputatlari Toyloq tumani Kengashining oʻn sakkizinchi sessiyasi, qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat budjeti toʻgʻrisida”gi Qonuni hamda xalq deputatlari Samarqand viloyati Kengashining 2025-yil 30-dekabrdagi VII-24-191-7-0-K/25-sonli qarori (keyingi oʻrinlarda qaror deb yuritiladi) va Oʻzbekiston Respublikasi Soliq kodeksining 445 va 452-moddalari rahbarlik va ijro uchun qabul qilinsin.

2. Tuman soliq inspeksiyasi hududlarning iqtisodiy rivojlanganlik darajasi hamda tuman hokimligining 2026-yil uchun belgilangan mahalliy budjet prognozidan kelib chiqib, tuman boʻyicha 2026-yilda suv resurslaridan foydalanganlik uchun soliq stavkalarining mutlaq miqdorlariga nisbatan kamaytiriluvchi va oshiriluvchi koeffitsiyentlarni qoʻllash boʻyicha takliflari inobatga olinsin.

2026-yil uchun Toyloq tumani hududida suv resurslaridan foydalanganlik uchun soliq stavkasi 1-ilovaga hamda noruda qurilish materiallari uchun (sementdan tashqari) belgilangan qatʼiy stavkasi 2-ilovaga muvofiq tasdiqlansin.

Bunda, xalq deputatlari tuman Kengashiga ushbu qarorning 1- va 2-ilovalariga asosan belgilangan soliq stavkalariga nisbatan kamaytiruvchi va oshiruvchi koeffitsentlarni qoʻllash tavsiya etilsin.

3. Tuman hokimining birinchi oʻrinbosari A.Sharipov, tuman iqtisodiyot va moliya boʻlimi (R.Qahorov), tuman soliq inspeksiyasi (Z.Sindorov) bilan birgalikda mazkur qaror oʻz vaqtida va samarali bajarilishini taʼminlash choralarini koʻrsin.

4. Tuman hokimligi axborot xizmati (A.Mirzoyev) hamda “Qoʻshchinor” gazetasi (M.Yuldashova)ga maskur qaror boʻyicha maʼlumotlar yoritilishi tavsiya etilsin hamda tuman hokimligining rasmiy veb-saytiga joylashtirilsin.

5. Mazkur qaror bajarilishini nazorat qilish xalq deputatlari Toyloq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (F.Sidikov) hamda tuman hokimining birinchi oʻrinbosari (A.Sharipov) zimmasiga yuklatilsin.

6. Mazkur qaror qabul qilingan kundan boshlab kuchga kiradi.