Oʻzbekiston Respublikasi Soliq kodeksining 429, 437, 445, 452-moddalari, Oʻzbekiston Respublikasi Prezidentining 2020-yil 3-dekabrdagi “Resurs soliqlari va mol-mulk soligʻini yanada takomillashtirish toʻgʻrisida”gi PF-6121-sonli Farmoni, hamda Xalq deputatlari Navoiy viloyat Kengashining “Navoiy viloyati boʻyicha 2026-yil 9-yanvardagi “Navoiy viloyati boʻyicha 2026-yilda yuridik va jismoniy shaxslar uchun ayrim soliqlarni hisoblab chiqarish maqsadida qoʻllaniladigan koeffitsiyentlar, mutlaq miqdor summalarini tasdiqlash toʻgʻrisida”gi VII-23-1-5-0-K/26-sonli qaroriga asosan Uchquduq tuman soliq inspeksiyasining 2025-yil 9-dekabrdagi 27-06349-sonli xati hamda Uchquduq tuman boʻyicha 2026-yilda yuridik va jismoniy shaxslar uchun ayrim soliqlarni hisoblab chiqarish maqsadida qoʻllaniladigan koeffitsiyentlar, mutlaq miqdor summalarini tasdiqlash maqsadida “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq, Xalq deputatlari tuman Kengashi qaror qiladi:

1. Oʻzbekiston Respublikasi Prezidentining 2020-yil 3-dekabrdagi “Resurs soliqlari va mol-mulk soligʻini yanada takomillashtirish toʻgʻrisida” gi PF-6121-son Farmoni shuningdek, Xalq deputatlari Navoiy viloyat Kengashining “Navoiy viloyati boʻyicha 2026-yil 9-yanvardagi “Navoiy viloyati boʻyicha 2026-yilda yuridik va jismoniy shaxslar uchun ayrim soliqlarni hisoblab chiqarish maqsadida qoʻllaniladigan koeffitsiyentlar, mutlaq miqdor summalarini tasdiqlash toʻgʻrisida”gi VII-23-1-5-0-K/26-sonli qaroriga muvofiq, tuman soliq inspeksiyasining 2026-yil uchun soliq stavkalariga kamaytiruvchi va oshiruvchi koeffitsiyentlarini qoʻllagan holda “Tumanda 2026-yil uchun qishloq xoʻjaligiga moʻljallanmagan yerlar uchun yuridik shaxslar boʻyicha mutloq miqdorda belgilangan bazaviy soliq stavkasi, jismoniy shaxslar bazaviy soliq stavkalari, suv resurslaridan foydalanganlik soligʻi stavkasi, yer qaʼridan foydalanilganlik uchun soliq stavkalari” boʻyicha takliflari maʼlumot uchun qabul qilinsin.

2. Mahalliy soliqlar va boshqa majburiy toʻlovlarning stavkalarini qonunchilikda belgilangan miqdorlar doirasida:

Qishloq xoʻjaligiga moʻljallanmagan yerlar uchun yuridik shaxslar boʻyicha mutloq miqdorda belgilangan bazaviy soliq stavkasi hamda Jismoniy shaxslar boʻyicha mutloq miqdorda 1 kv.m. uchun belgilangan bazaviy soliq stavkalari boʻyicha soliq stavkasi mahallalar kesimida 1-ilovaga;

Suv resurslaridan foydalanganlik soligʻi stavkasi 2-ilovaga;

Yer qaʼridan foydanilganlik uchun soliq stavkasi 3-ilovaga muvofiq tasdiqlansin.

3. “UCHQUDUQ” gazetasi (F. Yandashova), tuman hokimligi axborot xizmati rahbari-matbuot kotibi (R. Qodirova)ga:

Uchquduq tuman boʻyicha yuridik va jismoniy shaxslar uchun ayrim soliqlarni hisoblab chiqarish maqsadida qoʻllaniladigan koeffitsiyentlar, mutlaq miqdor summalari toʻgʻrisidagi maʼlumotlarni “Uchquduq” gazetasida hamda tuman hokimligining rasmiy veb saytida eʼlon qilish tavsiya etilsin.

4. Xalq deputatlari shahar Kengashining 2025-yil 4-yanvardagi VII-4-1-5-76-K/25-sonli qarori 2026-yil 1-yanvardan oʻz kuchini yoʻqotgan deb hisoblansin.

5. Uchquduq tuman soliq inspeksiyasi (A. Usmonov)ga:

Soliq stavkalarini barcha soliq toʻlovchilarga soliq toʻlovchilarning shaxsiy kabineti orqali yetkazilishini taʼminlash;

2026-yilning 20-dekabriga qadar keyingi soliq davri uchun soliq stavkalarini belgilangan tartibda xalq deputatlari tuman Kengashiga kiritish vazifalari yuklatilsin.

6. Mazkur qarorning bajarilishini nazorat qilish tuman hokimining birinchi oʻrinbosari (S. Hamrayev) va xalq deputatlari tuman Kengashining barcha doimiy komissiyalari zimmalariga yuklansin.

7. Ushbu qaror 2026-yil 1-yanvardan eʼtiboran kuchga kiradi.