Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24-moddalari, Byudjet kodeksining 27, 99-moddalari, “2026 yil uchun Oʻzbekiston Respublikasining Davlat byudjeti toʻgʻrisida”gi 2025 yil 25 dekabrdagi OʻRQ-1105-sonli Qonuniga muvofiq hamda xalq deputatlari Navoiy viloyati Kengashining 2025 yil 29 dekabrdagi VII-22-165-5-0-K/25-sonli qarorini inobatga olib, xalq deputatlari Tomdi tumani Kengashi qaror qiladi:

1. Oʻzbekiston Respublikasining “2025 yil uchun Oʻzbekiston Respublikasining Davlat byudjeti toʻgʻrisida”gi 2025 yil 25 dekabrdagi OʻRQ-1105-sonli Qonuni hamda xalq deputatlari Navoiy viloyati Kengashining 2025 yil 29 dekabrdagi VII-22-165-5-0-K/25-sonli qarori ijro va rahbarlik uchun qabul qilinsin.

2. Xalq deputatlari Navoiy viloyati Kengashining 2025 yil 29 dekabrdagi VII-22-165-5-0-K/25-sonli qaroriga muvofiq, Tomdi tumanining tuman mahalliy byudjetining 2026 yil uchun daromadlari 64166572,0 ming soʻm, xarajatlari 64166572,0 ming soʻmga tasdiqlanganligi maʼlumot uchun qabul qilinsin.

3. Quyidagilar:

2026 yil uchun tuman mahalliy byudjeti daromadlari prognozi 1-ilovaga muvofiq;

2026 yil uchun tumanning tuman byudjetidan hududiy byudjet mablagʻlarini taqsimlovchilarga ajratiladigan mablagʻlarning cheklangan miqdorlari 2-ilovaga muvofiq;

2026 yil uchun tuman byudjetiga umumdavlat soliqlaridan ajratmalar normativlari 3-ilovaga muvofiq tasdiqlansin. Bunda, ajratmalar normativlari boʻyicha tuman mahalliy byudjetining taqsimotini oʻrnatilgan tartibda Tomdi tumani boʻyicha Gʻaznachilik boʻlimi tomonidan amalga oshirilishi belgilab qoʻyilsin;

2026 yil uchun tumanning tuman byudjeti shaxsiy gʻazna hisob varaqlarida turgan byudjet mablagʻlarining yoʻl qoʻyiladigan eng kam miqdori 588274,0 ming soʻm etib tasdiqlansin.

4. 2026 yil uchun tumanning tuman byudjeti zaxira jamgʻarmasi hajmlari 591006,0 ming soʻm miqdorida belgilanganligi maʼlumot uchun qabul qilinsin.

Belgilab qoʻyilsinki, tuman byudjetini ijro etishda yuqori turuvchi byudjetdan ularga ajratiladigan byudjetlararo transfertlarning prognozidan oshgan qismi uchun tegishli byudjetining zaxira jamgʻarmasi miqdorlariga aniqlashtirish kiritilmaydi.

5. Oʻzbekiston Respublikasining mazkur qonuni bilan 2026 yilda xalq deputatlari Kengashlarini mahalliy byudjetlarni boshqarishda, xususan mahalliy byudjet xarajatlarini hududiy byudjet mablagʻlari taqsimlovchilar kesimida tasdiqlash va ularning Kengash oldidagi hisobdorligini belgilash boʻyicha vakolatlari kengaytirilganligi inobatga olinsin.

Shuningdek, 2026 yilda quyidagi soliq turlari:

a) tuman byudjetiga toʻliq hajmda oʻtkaziladi:

jismoniy shaxslardan olinadigan mol-mulk soligʻi;

jismoniy shaxslardan olinadigan yer soligʻi;

jismoniy shaxslarga tegishli mol-mulkni ijaraga berishdan oladigan yillik daromadi toʻgʻrisidagi deklaratsiyaga asosan toʻlaydigan, shuningdek yakka tartibdagi tadbirkorlar toʻlaydigan jismoniy shaxslardan olinadigan daromad soligʻi;

suv resurslaridan foydalanganlik uchun soliq;

aylanmadan olinadigan soliq;

yuridik shaxslarning mol-mulkiga solinadigan soliq, bundan yirik soliq toʻlovchilar tomonidan toʻlanadigan soliq mustasno;

yuridik shaxslardan olinadigan yer soliq, bundan yirik soliq toʻlovchilar tomonidan toʻlanadigan soliq mustasno;

davlat aktivlarini ijaraga berishdan tushumlar.

6. Tuman hokimining birinchi oʻrinbosari (O. Madenov), Iqtisodiyot va moliya boʻlimi (M. Abdimalikov), Davlat soliq inspeksiyasi (Q. Xolmuminov) va masʼul tashkilot, muassasalar bilan birgalikda:

tegishli byudjetni birinchi navbatda ish haqi va unga tenglashtirilgan toʻlovlar, oziq-ovqat va dori-darmon va kommunal xizmatlar xarajatlarining rejalashtirilishini nazarda tutgan holda shakllantirish;

mahalliy byudjetining prognoz koʻrsatkichlarni oʻz vaqtida va samarali bajarish;

byudjet mablagʻlaridan maqsadli va samarali foydalanish;

byudjet intizomiga rioya etilishi ustidan nazorat va masʼuliyatni yanada kuchaytirish;

tuman mahalliy byudjetiga soliqlar va boshqa majburiy toʻlovlarning toʻliq tushumini taʼminlash;

byudjet daromadlar bazasini oshirish va qoʻshimcha rezervlarni aniqlash zarurligiga alohida eʼtibor qaratsin.

7. Tuman davlat soliq inspeksiyasi (Q. Xolmuminov) Oʻzbekiston Respublikasi Soliq kodeksida belgilangan vakolatlaridan kelib chiqib:

soliqlarning toʻliq va toʻgʻri hisoblanishini hamda ushbu soliqlarni oʻz vaqtida byudjetga undirilishi ustidan soliq nazoratini kuchaytirish;

yer soligʻi, suv resurslaridan foydalanganlik uchun soliq va mol-mulk soliqlari boʻyicha doimiy tahlililar oʻtkazgan holda, soliqlarni toʻliq hisoblanishini taʼminlash hamda ushbu soliq toʻlolari boʻyicha soliq qarzdorligiga yoʻl qoʻymaslik choralarini koʻrish;

aylanmadan soliq turi boʻyicha soliq toʻlovchilar tomonidan naqd pul aylanmalarining soliq hisobotlarida toʻliq aks ettirilishi ustidan doimiy soliq nazoratini oʻrnatish hamda zarur hollarda xronometraj va kameral soliq nazorati tadbirlarini oʻtkazish;

mazkur yoʻnalishda jaoatchilik nazoratini kuchaytirish maqsadida fuqarolarga xarid chekini talab qilib olishni targʻib etuvchi ijtimoiy roliklar hamda video materiallar tayyorlab, ijtimoiy tarmoqlar va ommaviy axborot vositalarida keng targʻibot-tashviqot ishlarini olib borishga alohida eʼtibor qaratsinlar.

Bunda, xatlov ishlarini samarali tashkil etish orqali yer va mol-mulk soligʻining soliq bazasini oshirish vazifasi yuklatilsin.

Kadastr agentligi tuman boʻlimi (O. Hamdamov) bilan birgalikda tumanda mavjud soliq toʻlovchilarning mol-mulklari maydonlarini chuqur tahlil etgan holda ushbu mol-mulklarga nisbatan soliqlarni toʻliq hisoblanishini taʼminlasin.

8. Tuman hokimining birinchi oʻrinbosari (O. Madenov), tuman davlat soliq inspeksiyasi (Q. Xolmuminov):

noruda qurilish materiallarini qazib olish sohasida noqonuniy faoliyat olib borayotgan karerlarni aniqlash boʻyicha xatlovlar oʻtkazish;

xatlov natijalari boʻyicha aniqlangan noqonuniy faoliyat olib borayotgan karerlar faoliyatini qonuniylashtirish hamda ularni soliq bazasiga qamrab olish;

noruda qurilish materiallarini qazib olish sohasida faoliyat olib borayotgan karerlar tomonidan qazib olinayotgan noruda qurilish materiallar hajmining soliq hisobotlarida toʻliq aks ettirilishi ustidan doimiy nazorat oʻrnatsin.

Bunda, ushbu sohada faoliyat olib borayotgan karerlarning qazib olish hajmlarini doimiy tahlil qilib borish hamda zarur hollarda qazib olish hajmlarini aniqlashda mahalliy byudjetning qoʻshimcha manbalari hisobidan “marksheydrlik” xizmatlaridan foydalanish lozimligi alohida belgilab qoʻyilsin.

9. Kambagʻallikni qisqartirish va bandlik boʻlimi (S. Aytbayev) ovul fuqarolar yigʻinlari bilan birgalikda jismoniy shaxslarning yer va mol-mulk soliqlari boʻyicha joriy hisoblangan soliqlarni hamda ushbu soliqlardan mavjud soliq qarzdorliklarini undirish yuzasidan soliq organlariga amaliy yordam koʻrsatsin.

10. Xalq deputatlari viloyat Kengashning mahalliy byudjet, iqtisod islohotlarni amalga oshirish, investisiyalar va tadbirkorlikni rivojlantirish masalalari boʻyicha doimiy komissiyasi (T. Tishkanbayev):

mahalliy byudjetning qoʻshimcha manbalaridan foydalanish toʻgʻrisidagi hokimlik tomonidan taqdim etilgan takliflari asosida byudjet qonunchiligiga toʻliq rioya etilgan holda Kengash qaror loyihasini ishlab chiqilishiga;

Kengash qarori asosida mahalliy byudjetning qoʻshimcha manbalari hisobidan ajratilgan mablagʻlarni samarali va maqsadli foydalanishi ustidan nazorat oʻrnatishga, natijalari boʻyicha tavsiyalar berishga, monitoring qilishga;

mahalliy byudjet xarajatlarining qonunchilikda belgilangan qismining jamoatchilik fikri asosida shakllantirilgan tadbirlarni moliyalashtirishga yoʻnaltirilishida ishtirok etadi va ushbu mablagʻlarning maqsadli sarflanishi ustidan nazoratni amalga oshirishga masʼul etib belgilansin.

11. Tuman hokimining birinchi oʻrinbosari (O. Madenov), tuman iqtisodiyot va moliya boʻlimi (M. Abdimalikov) xalq deputatlari tuman Kengashi kotibiyati bilan birgalikda:

tuman byudjeti shakllangan qoʻshimcha mablagʻlarining kamida 30 foizini jamoatchilik fikri asosida shakllantiriladigan tadbirlarni moliyalashtirish uchun “Fuqarolar tashabbusi jamgʻarmasi”ga yoʻnaltirsin.

Bunda, tuman xalq deputatlari, Yoshlar ishlar agentligi, tuman hokimligi huzuridagi Jamoatchilik kengashi hamda yangi joriy etilgan hokim yordamchilari byudjet jarayonida fuqarolarning faol ishtirokini taʼminlash maqsadida aholiga keng targʻibot-tashviqot ishlarini olib borishga masʼul etib belgilansin;

mahalliy byudjetning qoʻshimcha manbalari hisobidan xarid qilingan tovarlar va xizmatlar, qurilish, rekonstruksiya qilish va taʼmirlash ishlari olib borilayotgan obʼyektlar roʻyxati, shuningdek qurilish-taʼmirlash ishlarining moliyalashtirilishi toʻgʻrisidagi maʼlumotlar har chorak yakunlariga koʻra, keyingi chorak birinchi oyining 10 sanasiga qadar majburiy tartibda hokimlikning rasmiy veb-saytiga joylashtirib borilsin.

12. Tuman hokimining birinchi oʻrinbosari (O. Madenov), xalq deputatlari tuman Kengashi kotibiyati va tegishli tashkilot, muassasa rahbarlari:

mahalliy byudjet daromad va xarajatlarining prognoz koʻrsatkichlari bajarilishi hamda soliq bazasini kengaytirish yuzasidan koʻrilgan chora-tadbirlar;

ajratilgan byudjet mablagʻlaridan maqsadli va samarali foydalanishi yuzasidan erishilgan natijalar boʻyicha Kengashga bir chorakda kamida bir marotaba hisobot kiritib borsin.

13. Tuman hokimligi Qonunda belgilangan ayrim soliqlar va toʻlov stavkalari, soliq solish tartiblari hamda boshqa maʼlumotlarni ommaviy axborot vositalarida yoritilishini taʼminlasin.

14. Mazkur qaror “Tamdы sharuagerі” gazetasida rasmiy eʼlon qilinsin hamda tuman hokimligining rasmiy veb-saytiga joylashtirilsin.

15. Ushbu qaror rasmiy eʼlon qilingan kundan boshlab kuchga kiradi.

16. Mazkur qaror bajarilishini nazorat qilish xalq deputatlarituman Kengashining Mahalliy byudjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari doimiy komissiyasi va tuman hokimligi zimmasiga yuklatilsin.