Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24 moddalari, Budjet kodeksining 99-moddasi, Oʻzbekiston Respublikasining 2025 yil 25-dekabrdagi “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonuniga muvofiq, Xalq deputatlari Navoiy viloyati Kengashining 2025-yil 29-dekabrdagi VII-22-165-5-0-K/25 qarori hamda Oʻzbekiston Respublikasi Iqtisodiyot va Moliya Vazirligi Navoiy viloyati Iqtisodiyot va moliya bosh boshqarmasining 2025-yil 29-dekabr 01-12/20-01-38/3530-sonli xatiga muvofiq, Xalq deputatlari Gʻozgʻon shahar Kengashi qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonuni ijro va rahbarlik uchun qabul qilinsin.

2. Xalq deputatlari Navoiy viloyati Kengashining 2025-yil 29-dekabrdagi VII-22-165-5-0-K/25 qarori muvofiq, Gʻozgʻon shahar mahalliy budjetining 2026-yil uchun daromadlari 17 334 580 ming soʻm ming soʻm, xarajatlari 41 014 312 ming soʻmga ming soʻm prognoz qilinganligi hamda viloyat budjetidan ajratiladigan tartibga soluvchi budjetlararo transfertlar 23 679 732 ming soʻm ming soʻm miqdorida tasdiqlanganligi maʼlumot uchun qabul qilinsin.

3. 2026-yil uchun Gʻozgʻon shahrini rivojlantirishning asosiy makroiqtisodiy koʻrsatkichlari prognozi hamda 2026-yilga maqsadli moʻljallari 1-ilovaga muvofiq, 2026-yil uchun shahar mahalliy budjeti daromadlari prognozi 2-ilovaga muvofiq maʼlumot uchun qabul qilinsin.

4. 2026-yil uchun shaharning hududiy budjet mablagʻlarini taqsimlovchilarga ajratiladigan mablagʻlarning cheklangan miqdorlari 3-ilovaga muvofiq tasdiqlansin.

5. 2026-yil uchun shahar budjetiga umumdavlat soliqlaridan ajratmalar normativlari 4-ilovaga muvofiq tasdiqlansin.

6. 2026-yil uchun shahar mahalliy budjetining daromadlari va xarajatlarining prognozi 5-ilovaga muvofiq maʼlumot uchun qabul qilinsin.

7. 2026-yil uchun Navoiy viloyatining viloyat budjetidan Gʻozgʻon shahar mahalliy budjetiga ajratiladigan tartibga soluvchi budjetlararo transfertlar miqdori 6-ilovaga muvofiq tasdiqlansin.

8. 2026-yil uchun shahar budjeti zahira jamgʻarmasi hajmi oʻtgan yilgidan kam boʻlmagan miqdorda 314 575,0 ming soʻm etib tasdiqlansin.

Shahar budjetining 2026-yil uchun zahira jamgʻarmasi oldingi yildagi hajmdan kam boʻlmagan miqdorda shakllantirilsin.

Shahar budjetini ijro etishda yuqori turuvchi budjetdan ajratiladigan budjetlararo transfertlarning prognozidan oshgan qismi uchun tegishli budjetlarining zahira jamgʻarmalar miqdorlariga aniqlashtirish kiritilmasligi maʼlumot uchun qabul qilinsin.

9. 2026-yil uchun shahar budjeti shaxsiy gʻazna hisobvaraqlarida turgan budjet mablagʻlarining yoʻl qoʻyiladigan eng kam miqdori 325 476,0 ming soʻm miqdorda belgilansin.

10. Xalq deputatlari shahar Kengashiga keyingi soliq davri uchun qishloq xoʻjaligiga moʻljallanmagan yer uchastkalari uchun belgilangan soliq stavkalariga tegishlicha kamaytiruvchi va oshiruvchi koeffisiyentlarni hududda joylashgan daha, massiv, mahalla, koʻcha kesimida kiritilishini taʼminlash tavsiya etilsin.

11. Oʻzbekiston Respublikasining mazkur Qonuni bilan 2026-yilda xalq deputatlari Kengashlarini mahalliy budjetlarni boshqarishda, xususan mahalliy budjet xarajatlarini hududiy budjet mablagʻlari taqsimlovchilar kesimida tasdiqlash va ularning Kengash oldidagi hisobdorligini belgilash boʻyicha vakolatlari kengaytirilganligi inobatga olinsin.

Shuningdek, 2026-yilda quyidagi soliq turlari:

a) tuman va shaharlar budjetiga toʻliq hajmda oʻtkaziladi:

jismoniy shaxslardan olinadigan mol-mulk soligʻi;

jismoniy shaxslardan olinadigan yer soligʻi;

mol-mulkni ijaraga berishdan oladigan yillik daromad toʻgʻrisidagi deklaratsiyaga asosan jisioniy shaxslar tomonidan toʻlanadigan, shuningdek yakka tartibdagi tadbirkorlar tomonidan toʻlanadigan jismoniy shaxslardan olinadigan daromad soligʻi;

suv resurslaridan foydalanganlik uchun soliq, bundan elektr stansiyalari tomonidan toʻlanadigan soliq mustasno;

qoʼshilgan qiymat soligʼi 20 foizi

noruda qurilish materiallari boʻyicha yer qaʼridan foydalanganlik uchun soliq.

aylanmadan olinadigan soliq

yuridik shaxslarning mol-mulkiga solinadigan soliq (yirik soliq toʻlovchilar tomonidan toʻlanadigan soliq bundan mustasno)

yuridik shaxslardan olinadigan yer soligʻi (yirik soliq toʻlovchilar tomonidan toʻlanadigan soliq bundan mustasno)

jismoniy shaxslardan olinadigan daromad soligʻi tushumlarining kamida 66 foizi (yirik soliq toʻlovchilar tomonidan toʻlanadigan soliq bundan mustasno)

jarimalar

yigʼimlar

davlat boji

davlat aktivlarini ijaraga berishdan tushumlar.

12. Shahar hokimining birinchi oʻrinbosari - iqtisodiyot va moliya boʻlimi boshligʻi N. Zoyirov, Soliq inspeksiyasi S. Raimov masʼul tashkilotlar bilan birgalikda:

tegishli budjetlarni birinchi navbatda ish haqi va unga tenglashtirilgan toʻlovlar, oziq-ovqat va dori-darmon va kommunal xizmatlar xarajatlarining rejalashtirilishini nazarda tutgan holda shakllantirish;

mahalliy budjeti prognoz koʻrsatkichlarni oʻz vaqtida va samarali bajarish;

budjet mablagʻlaridan maqsadli va samarali foydalanish;

budjet intizomiga rioya etilishi ustidan nazorat va masʼuliyatni yanada kuchaytirish;

tegishli mahalliy budjetlarga soliqlar va boshqa majburiy toʻlovlarning toʻliq tushumini taʼminlash;

budjet daromadlar bazasini oshirish va qoʻshimcha rezervlarni aniqlash zarurligiga alohida eʼtibor qaratsin.

13. Shahar soliq inspeksiyasi S. Raimov Oʻzbekiston Respublikasi Soliq kodeksida belgilangan vakolatlaridan kelib chiqib:

soliqlarning toʻliq va toʻgʻri hisoblanishini hamda ushbu soliqlarni oʻz vaqtida budjetga undirilishi ustidan soliq nazoratini kuchaytirish;

yer soligʻi, suv resurslaridan foydalanganlik uchun soliq va mol-mulk soliqlari boʻyicha doimiy tahlillar oʻtkazgan holda, soliqlarni toʻliq hisoblanishini taʼminlash hamda ushbu soliq toʻlovlari boʻyicha soliq qarzdorligiga yoʻl qoʻymaslik choralarini koʻrish;

aylanmadan soliq turi boʻyicha soliq toʻlovchilar tomonidan naqd pul aylanmalarining soliq hisobotlarida toʻliq aks ettirilishi ustidan doimiy soliq nazoratini oʻrnatish hamda zarur hollarda xronometraj va kameral soliq nazorati tadbirlarini oʻtkazish;

Bunda, mazkur yoʻnalishda jamoatchilik nazoratini kuchaytirish maqsadida fuqarolarga xarid chekini talab qilib olishni targʻib etuvchi ijtimoiy roliklar hamda video materiallar tayyorlab, ijtimoiy tarmoqlar va ommaviy axborot vositalarida keng targʻibot-tashviqot ishlarini olib borishga alohida eʼtibor qaratsinlar.

xatlov ishlarini samarali tashkil etish orqali yer va mol-mulk soligʻining soliq bazasini oshirish vazifasi yuklatilsin.

14. Shahar soliq inspeksiyasi S. Raimov, Kadastr agentligi shahar boʻlimi R. Qoʻnishov 2026 yildan boshlab yuridik shaxslar mol-mulk soligʻini hisoblashda koʻchmas mulklarga 1 kv.metr uchun minimal miqdorlar joriy etilganligidan kelib chiqib, shaharda mavjud soliq toʻlovchilarning mol-mulklari maydonlarini chuqur tahlil etgan holda ushbu mol-mulklarga nisbatan soliqlarni toʻliq hisoblanishini taʼminlasin.

15. Shaharsoliq inspeksiyasi S. Raimov, tegishli tashkilotlar bilan birgalikda:

noruda qurilish materiallarini qazib olish sohasida noqonuniy faoliyat olib borayotgan karerlarni aniqlash boʻyicha xatlovlar oʻtkazish;

xatlov natijalari boʻyicha aniqlangan noqonuniy faoliyat olib borayotgan karerlar faoliyatini qonuniylashtirish hamda ularni soliq bazasiga qamrab olish;

noruda qurilish materiallarini qazib olish sohasida faoliyat olib borayotgan karerlar tomonidan qazib olinayotgan noruda qurilish materiallar hajmining soliq hisobotlarida toʻliq aks ettirilishi ustidan doimiy nazorat oʻrnatsin.

Bunda, ushbu sohada faoliyat olib borayotgan karerlarning qazib olish hajmlarini doimiy tahlil qilib borish hamda zarur hollarda qazib olish hajmlarini aniqlashda mahalliy budjetning qoʻshimcha manbalari hisobidan “marksheydrlik” xizmatlaridan foydalanish lozimligi alohida belgilab qoʻyilsin.

16. Majburiy ijro byurosi shahar boʻlimi, shahar soliq inspeksiyasi (S. Raimov) bilan hamkorlikda soliqlar va boshqa majburiy toʻlovlar boʻyicha mavjud soliq qarzdorliklarini budjetga undirish yuzasidan tegishli choralar koʻrib borsin hamda choraklar yakuni bilan soliq qarzdorliklarining chorak boshiga nisbatan kamayib borishi boʻyicha barcha kompleks chora-tadbirlar koʻrish vazifasi yuklatilsin.

17. Shahar Kambagʻallikni qisqartirish va bandlik boʻlimi jismoniy shaxslarning yer va mol-mulk soliqlari boʻyicha joriy hisoblangan soliqlarni hamda ushbu soliqlardan mavjud soliq qarzdorliklarini undirish yuzasidan soliq organlariga amaliy yordam koʻrsatsin.

18. Kengashning mahalliy budjet, iqtisodiy islohotlarni amalga oshirish, investisiyalar va tadbirkorlikni rivojlantirish masalalari boʻyicha doimiy komissiyasi:

mahalliy budjetning qoʻshimcha manbalaridan foydalanish toʻgʻrisidagi hokimlik tomonidan taqdim etilgan takliflari asosida budjet qonunchiligiga toʻliq rioya etilgan holda Kengash qaror loyihasini ishlab chiqilishiga;

Kengash qarori asosida mahalliy budjetning qoʻshimcha manbalari hisobidan ajratilgan mablagʻlarni samarali va maqsadli foydalanishi ustidan nazorat oʻrnatishga va natijalari boʻyicha tavsiyalar berishga monitoring qilishga;

mahalliy budjet xarajatlarining qonunchilikda belgilangan qismining jamoatchilik fikri asosida shakllantirilgan tadbirlarni moliyalashtirishga yoʻnaltirilishida ishtirok etadi va ushbu mablagʻlarning maqsadli sarflanishi ustidan nazoratni amalga oshirishga masʼul etib belgilansin.

19. Shahar hokimligi:

Shahr budjeti jami xarajatlarining qonunchilikda belgilangan qismi hamda shakllangan qoʻshimcha mablagʻlarining kamida 30 foizini jamoatchilik fikri asosida shakllantiriladigan tadbirlarni moliyalashtirish uchun “Fuqarolar tashabbusi jamgʻarmasi”ga yoʻnaltirsin.

Bunda, shahar xalq deputatlari, Yoshlar ishlar agentligi, shahar hokimligi huzuridagi Jamoatchilik kengashlari hamda hokim yordamchilari budjet jarayonida fuqarolarning faol ishtirokini taʼminlash maqsadida aholiga keng targʻibot-tashviqot ishlarini olib borishga maʼsul etib belgilansin;

mahalliy budjetlarning qoʻshimcha manbalari hisobidan xarid qilingan tovarlar va xizmatlar, qurilish, rekonstruksiya qilish va taʼmirlash ishlari olib borilayotgan obʼyektlar roʻyxati, shuningdek qurilish-taʼmirlash ishlarining moliyalashtirilishi toʻgʻrisidagi maʼlumotlar har chorak yakunlariga koʻra, keyingi chorak birinchi oyining 10 sanasiga qadar majburiy tartibda shahar hokimligi rasmiy veb-saytlariga joylashtirib borilsin.

20. Shahar hokimining birinchi oʻrinbosari N. Zoyirov, xalq deputatlari shahar Kengashi kotibiyati, tegishli korxona va tashkilotlar rahbarlari:

mahalliy budjet daromad va xarajatlarining prognoz koʻrsatkichlari bajarilishi hamda soliq bazasini kengaytirish yuzasidan koʻrilgan chora-tadbirlar;

ajratilgan budjet mablagʻlaridan maqsadli va samarali foydalanishi yuzasidan erishilgan natijalar boʻyicha Kengashga bir chorakda kamida bir marotaba hisobot kiritib borsin.

21. Shahar hokimligi Qonunda belgilangan ayrim soliqlar va toʻlov stavkalari, soliq solish tartiblari hamda boshqa maʼlumotlarni ommaviy axborot vositalarida yoritilishini taʼminlasin.

22. Mazkur qarorni shahar ommaviy-axborot tarmoqlarida rasmiy eʼlon qilinsin hamda shahar hokimligining rasmiy veb-saytiga joylashtirilsin.

23. Ushbu qaror rasmiy eʼlon qilingan kundan boshlab kuchga kiradi.

24. Mazkur qaror bajarilishini nazorat qilish xalq deputatlari shahar Kengashining Mahalliy budjet, iqtisodiy islohotlar, agrar, qurilish, kommunal sohalar, ekologiya, sanoat va transport masalalari boʻyicha doimiy komissiya va shahar hokimligi zimmasiga yuklatilsin.