Oʻzbekiston Respublikasi Prezidentining 2023-yil 21-dekabr “Oʻzbekiston mahallalari uyushmalari faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi 402-sonli qarorini ijrosini taʼminlash hamda Oʻzbekiston Respublikasi budjet kodeksining 127-moddasi, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan, xalq deputatlari Jomboy tumani Kengashining yigirma birinchi sessiyasi qaror qiladi:

1. Oʻzbekiston Respublikasi Prezidentining 2023-yil 21-dekabr “Oʻzbekiston mahallalari uyushmalari faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi 402-sonli qaroriga asosan tumandagi jismoniy shaxslardan olinadigan mol-mulk va yer soligʻi boʻyicha undirilgan mablagʻlarning (noturar joylar boʻyicha undiriladigan mol-mulk va yer soligʻi bundan mustasno) 10 foizini mahalla jamgʻarmasiga oʻtkazishdan yuzaga kelgan farqni qoplash uchun 1 518 097,0 (bir milliyard besh yuz oʻn sakkiz million toʻqson yetti ming) soʻm mablagʻ zarurligi maʼlumot uchun qabul qilinsin.

2. Oʻzbekiston mahallalar uyushmasi Jomboy tumani boʻlimi tasarrufidagi mahallalarning “Mahalla jamgʻarmasi”ga jismoniy shaxslardan olinadigan mol-mulk va yer soligʻi boʻyicha undirilgan mablagʻlarning (noturar joylar boʻyicha undiriladigan mol-mulk va yer soligʻi bundan mustasno) 10 foizini oʻtkazishdan yuzaga kelgan farqni qoplash uchun Samarqand viloyati iqtisodiyot va moliya bosh boshqarmasi bilan kelishilgan holda, xalq deputatlari Jomboy tumani Kengashining 2024-yil 27-dekabrdagi VII-5-031-7-94-K/24-sonli qarorining 1-ilovasidagi 8-bandi hamda 2-ilovasidagi 9-bandlari tuman mahalliy budjeti hisobidan Jomboy tumani mahalliy budjetining 2025-yil 4-chorak daromadlari va xarajatlarini 1 518 097,0 (bir milliyard besh yuz oʻn sakkiz million toʻqson yetti ming) soʻm ilovaga muvofiq oshirilsin.

3. Jomboy tumani iqtisodiyot va moliya boʻlimi boshligʻining birinchi oʻrinbosari (D.Samatov) Jomboy tumani mahalliy budjetining 2025-yil 4-chorak daromadlari va xarajatlari rejalariga tegishli oʻzgartirish kiritsin.

4. Mazkur qaror bajarilishini nazorat qilish xalq deputatlari Jomboy tumani Kengashining Mahalliy budjet, tadbirkorlikni rivojlantirish va iqtisodiy islohotlar boʻyicha doimiy komissiyasi raisi (A.Toshpulatov) zimmasiga yuklatilsin.

5. Ushbu qaror qabul qilingan kundan kuchga kiradi.