Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24-moddalari, Budjet kodeksining 27, 99-moddalari, “2026-yil uchun Oʻzbekiston Respublikasining Davlat budjeti toʻgʻrisida”gi 2025-yil 25-dekabrdagi OʻRQ-1105-son Qonuniga va xalq deputatlari Navoiy viloyat Kengashining 2025-yil 29-dekabrdagi VII-22-165-5-0-K/25-sonli qaroriga muvofiq hamda Iqtisodiyot va moliya bosh boshqarmasining 2025-yil 29-dekabrdagi 01-12/20-01-38/3537-sonli xatini inobatga olib, xalq deputatlari Navoiy shahar qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat budjeti toʻgʻrisida”gi Qonuni hamda xalq deputatlari Navoiy viloyat Kengashining 2025-yil dekabr oyidagi qarori (keyingi oʻrinlarda qaror deb yuritiladi) rahbarlik va ijro uchun qabul qilinsin.

2. Qarorga muvofiq, Navoiy shahar budjetining 2026-yilgi daromadlari 178 362 736,0 ming.soʻm va xarajatlari esa 178 362 736,0 ming.soʻmga maʼlumot uchun qabul qilinganligi shuningdek Navoiy shahar budjetining shaxsiy gʻazna hisobvaragʻida turgan budjet mablagʻlarining eng kam miqdori 1 711 283,0 ming.soʻm etib belgilanganligi inobatga olinsin.

3. 2026-yil uchun Navoiy shahrini rivojlantirishning asosiy makroiqtisodiy koʻrsatkich prognoz moʻljallari 1-ilovaga muvofiq, 2026-yil uchun shahar mahalliy budjeti daromadlari prognozi 2-ilovaga muvofiq maʼlumot uchun qabul qilinsin.

4. Quyidagilar:

2026-yil uchun shahar budjetidan budjet mablagʻlarini taqsimlovchilarga ajratiladigan mablagʻlarning cheklangan miqdorlari 3-ilovaga muvofiq;

2026-yil uchun shahar budjetiga umumdavlat soliqlaridan ajratmalar normativlari 4-ilovaga muvofiq tasdiqlansin. Bunda, ajratmalar normativlari boʻyicha shahar mahalliy budjeti bilan shahar budjetining taqsimotini oʻrnatilgan tartibda Navoiy shahar boʻyicha Gʻaznachilik xizmati boʻlimi tomonidan amalga oshirilishi belgilab qoʻyilsin.

5. 2026-yil uchun shahar mahalliy budjetining daromadlari va xarajatlarining prognozi 5-ilovaga muvofiq maʼlumot uchun qabul qilinsin.

6. 2026-yil uchun shaharning shahar budjeti shaxsiy gʻazna hisob varaqlarida turgan budjet mablagʻlarining yoʻl qoʻyiladigan eng kam miqdori 1 711 283,0 ming.soʻm hamda shahar budjeti shaxsiy gʻazna hisobvaraqlarida turgan budjet mablagʻlarining yoʻl qoʻyiladigan eng kam miqdori 6-ilovaga muvofiq belgilansin.

7. Shahar budjeti zaxira jamgʻarmasi hajmi 2026-yil uchun 2 026 312,0 ming.soʻm miqdorida belgilansin.

Bunda, zaxira jamgʻarmasi mablagʻlarini amaldagi budjet qonunchiligiga muvofiq, budjet tizimi budjetlari shakllantirilayotganda oldindan nazarda tutib boʻlmaydigan xarajatlarni, shuningdek ijtimoiy-iqtisodiy beqarorlik yuzaga kelgan vaziyatlarda amalga oshirilishi zarur boʻlgan tadbirlarni moliyalashtirish uchun yoʻnaltirilishi taʼminlansin.

8. Shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Oʻ. Haqberdiyev, shahar Iqtisodiyot va moliya boʻlimi (N. Tuxtayev), shahar soliq inspektsiyasi (F. Ergashev) bilan birgalikda 2026-yil mahalliy budjeti uchun belgilangan koʻrsatkichlarni oʻz vaqtisda va samarali bajarilishini taʼminlash choralarini koʻrsin.

9. Hududiy budjet mablagʻlarini taqsimlovchilar har chorak yakuni bilan budjet mablagʻlarini samarali va maqsadli sarflanganligi, xarajatlarning amaliy natijalari yuzasidan xalq deputatlari shahar Kengashiga hisobot berib borsinlar.

Bunda, hududiy budjet mablagʻlarini taqsimlovchilar:

budjetdan ajratilgan mablagʻlardan maqsadli va samarali foydalanish, xususan ish haqi va unga tenglashtirilgan toʻlovlar, oziq-ovqat, dori-darmon, kommunal xizmatlar va davlat dasturlari uchun belgilangan xarajatlarni toʻliq rejalashtirilishi va oʻz vaqtida toʻlanishi;

oʻzlarining va tasarrufidagi tashkilotlarning xarajatlar smetasi va shtat jadvallari hamda daromadlar va xarajatlar smetalarining toʻgʻri tuzilishi;

budjetdan ajratilgan mablagʻlarning maqsadli sarflanishi va maqsadli indikatorlarning toʻliq bajarilishi;

tasarrufidagi tizim tashkilotlariga budjetdan ajratiladigan mablagʻlarning toʻgʻri taqsimlanishi;

oʻz tasarrufidagi tizimda budjet intizomiga amal qilinishi ustidan nazorat qilinishini;

budjet jarayonining ochiqligini taʼminlash maqsadida rasmiy veb-saytlarda maʼlumotlarni joylashtirib borilishini taʼminlasinlar.

10. Mazkur qaror tegishli tahririyatlar va ommaviy axborot vositalarida yoritilishi tavsiya etilsin hamda shahar hokimligining rasmiy veb-saytiga joylashtirilsin.

11. Mazkur qaror bajarilishini nazorat qilish xalq deputatlari Navoiy shahar Kengashining mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari doimiy komissiyasi (A. Mirzayev) hamda shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Oʻ. Haqberdiyev zimmasiga yuklatilsin.