Бундан буён матнда томонлар деб юритилувчи, Мустақил Давлатлар Ҳамдўстлигига аъзо давлатлар-давлатлар ҳукуматлари,

Мустақил Давлатлар Ҳамдўстлигига аъзо давлатлар-давлат пенитенциар хизмат раҳбарлари Кенгашини тузиш тўғрисидаги 2015 йил 16 октябрдаги Келишувининг қоидаларини ҳисобга олган ҳолда,

Ушбу Битим иштирокчилари-давлатларнинг пенитенциар хизматларини юқори даражадаги кадрлар билан таъминлаш заруриятидан келиб чиққан ҳолда, замонавий дунёнинг чақириқ ва таҳдидларига жавоб бера оладиган, ушбу соҳада ўзаро ҳамкорликнинг самарали механизмларини яратиш истагини билдириб, қуйидагиларга келишдилар:

Ушбу Келишувда қуйидаги тушунчалардан фойдаланилади:

ваколатли органлар — ушбу Келишувда иштирок этувчи давлатларнинг қонун ҳужжатларига мувофиқ жиноий жазоларни ижро этиш соҳасида бошқарув ва назорат функцияларини амалга ошириш ваколатига эга бўлган давлат органлари;

юборувчи Давлат — ушбу Келишувга аъзо давлат бўлиб, пенитенциар хизмат ходимларини ушбу Келишувга аъзо бошқа давлатларнинг таълим муассасаларида ўқитиш учун юборади;

таълим ташкилоти — олий таълимнинг муассасаси ёки кадрлар тайёрлаш амалга ошириладиган қўшимча касбий таълим ташкилоти;

талабалар — олий таълим ёки қўшимча касбий таълим дастурларни ўзлаштирадиган курсант ва тингловчилар;

кадрлар тайёрлаш — бу Келишувда иштирок етувчи давлатларнинг пенитенциар хизматлари ходимларини олий таълимнинг таълим дастурлари — бакалавриат, мутахассислик, магистратура дастурлари, илмий ва илмий-педагогик кадрлар учун қўшимча ёки қўшимча касбий дастурлар бўйича ўқитиш жараёни;

қабул қилувчи давлат — ушбу Келишувга аъзо давлат бўлиб, ушбу Келишув иштирокчиси бўлган бошқа давлатларнинг пенитенциар хизматлари ходимларини ўз таълим муассасаларида ўқитиш учун қабул қилади.

Томонлар ушбу Келишувга мувофиқ, Келишувга аъзо давлатларнинг миллий қонунчилиги ва халқаро шартномаларига асосан ваколатли органлар орқали кадрлар тайёрлашда ҳамкорлик қиладилар.

Томонларнинг ҳар бири ушбу Келишувнинг кучга кириши учун зарур бўлган давлат ички тартиб-қоидаларининг бажарилиши тўғрисида билдиришнома юборишда, ушбу Келишувни амалга ошириш учун масъул бўлган ваколатли органлар рўйхати тўғрисида депозитарийни хабардор қилади.

Томонлар ваколатли органлар рўйхатидаги ўзгаришлар тўғрисида дипломатик каналлар орқали имкон қадар қисқа муддатларда депозитарийни хабардор қилади.

Қабул қилувчи давлат таълим муассасаларининг таълим дастурларига мувофиқ, махфийлик тартибини, тарқатилиши чекланган расмий маълумотлар ва қабул қилувчи давлатнинг махфий маълумотларининг сақланишини таъминлаш билан боғлиқ чекловларни ҳисобга олган ҳолда кадрларни тайёрлашни амалга оширилади.

Ўқув жараёни рус тилида ташкил этилади:

а) қабул қилувчи давлат талабалари билан биргаликда;

б) алоҳида (махсус факультетларда, курсларда, гуруҳларда).

Қабул қилувчи давлат юборувчи давлатнинг илтимосига биноан, ўқув жараёнини қабул қилувчи давлатнинг расмий тилида ташкил этиши мумкин.

Кадрлар тайёрлаш қабул қилувчи Давлат томонидан ўрнатилган пуллик ёки квоталар бўйича имтиёзли ёки бепул асосда, молиявий ва бошқа ўқитиш турларини белгилайдиган шартномаларга мувофиқ амалга оширилади. Бунда юборувчи давлат талабаларининг пул таъминоти (стипендияси) қабул қилувчи давлат талабаларининг пул таъминоти (стипендияси)дан паст бўлмаслиги керак.

Кадрларни имтиёзли асосда тайёрлашда юборувчи давлат талабаларини ўқитиш харажатлари қабул қилувчи давлатнинг ваколатли органи томонидан, юборувчи давлат талабаларини таъминоти учун — юборувчи давлатнинг ваколатли органи томонидан амалга оширилади.

Кадрларни бепул асосда тайёрлашда юборувчи давлат талабаларини ўқитиш ва таъминоти харажатлари қабул қилувчи давлатнинг ваколатли органи томонидан амалга оширилади.

Юборувчи давлатнинг талабаларини жойлаштириш қабул қилувчи давлатнинг ваколатли органи томонидан қабул қилувчи давлатнинг миллий қонунчилигида белгиланган тартибда ташкил этилади.

Томонларнинг Келишувни амалга ошириш харажатлари ушбу Келишувда иштирок этувчи давлатларнинг ваколатли органларига ўз функцияларини бажариш учун тақдим этиладиган миллий бюджет маблағлари доирасида, шунингдек, миллий қонунчиликда белгиланган тартибда Томонлар жалб қилган бюджетдан ташқари (уларнинг хўжалик юритувчи субъектлари) маблағлари ҳисобидан амалга оширилади.

Юборувчи давлатнинг ваколатли органи ўқиш учун аризаларни қабул қилувчи давлатнинг ваколатли органига ўқув йилининг 1 январигача тақдим этади.

Қабул қилувчи давлатнинг ваколатли органи ўқув йилининг 1 майига қадар юборувчи давлатнинг ваколатли органини ўқиш квоталари тўғрисида, шунингдек имтиёзли ёки бепул асосдалиги ҳамда таълим ташкилотлари, таълим дастурлари ва ҳар бир таълим дастури учун ажратилган жойлар сони кўрсатилган ҳолда хабардор қилади.

Қабул қилувчи давлатнинг ваколатли органи, зарур бўлганда, ўқитиш учун номзодларни танлаш бўйича тавсияларни (талабларни) аниқлайди.

Ўқишга номзодларни танлаш, уларни тиббий кўрикдан ўтказиш ва кириш имтиҳонлари таълим ташкилотларига қабул қилиш шартлари ва қабул қилувчи давлатнинг тавсиялари асосида юборувчи давлат томонидан амалга оширилади.

Юборувчи давлат кириш имтиҳонларини, қоида тариқасида, юборувчи давлат ҳудудида қабул қилувчи давлат вакиллари иштирокида ўтказади.

Шу билан бирга, қабул қилувчи давлат вакилларини қабул қилиш билан боғлиқ барча харажатлар жўнатувчи давлат ҳисобидан амалга оширилади.

Юборувчи ва қабул қилувчи давлатларнинг келишувига биноан ўқишга номзодлар учун қабул қилувчи давлатнинг таълим муассасаларида тайёргарлик курслари ташкил этилади.

Ушбу Келишув Томонларнинг ҳар бири унинг кучга кириши учун зарур бўлган давлат ички тартиб-қоидаларини амалга оширилганлиги тўғрисида депозитарийни учинчи маротаба хабардор қилган кундан бошлаб 30 кун ўтгач кучга киради.

Ушбу Келишув, зарур бўлган давлат ички тартиб-қоидаларини кечроқ амалга оширган Томонлар учун депозитарийни тегишли тартибда хабардор қилган кундан бошлаб 30 кун ўтгач кучга киради.

Ушбу Келишув кучга киргандан сўнг, мустақил давлатлар Ҳамдўстлигига аъзо ҳар қандай давлат унга қўшилиши учун очиқдир, давлатлар Келишувга аъзо бўлишга доир ҳужжатни депозитарийга юбориб унга қўшилишлари мумкин.

Ушбу Келишувга аъзо бўлаётган давлат учун депозитарий томонидан қўшилганлиги тўғрисидаги ҳужжат олинган кундан бошлаб 30 кун ўтгач кучга киради.

Томонларнинг келишувига биноан ушбу Келишувга унинг ажралмас қисми бўлган тегишли баённома билан расмийлаштириладиган ўзгартиш ва қўшимчалар киритилиши мумкин.

Ушбу Келишувни қўллаш ёки талқин қилишдан келиб чиқадиган Томонлар ўртасидаги низолар, манфаатдор томонлар ўртасида маслаҳат ва музокаралар ёхуд Томонлар келишилган бошқача тартибда ҳал қилинади.

Мазкур Битим Томонларнинг давлатлари иштирокчилар бўлган бошқа халқаро шартномалардан келиб чиқадиган ҳуқуқ ва мажбуриятларига дахл қилмайди (Адлия вазирлиги таклифи асосида).

Ушбу Келишув номаълум муддатга тузилади. Томонларнинг ҳар бири ушбу Келишувни бекор қилиш санасидан камида 6 ой олдин, Ушбу Келишувнинг амал қилиш муддати давомида юзага келган молиявий ва бошқа мажбуриятларни ҳал қилгандан сўнг, ушбу Келишувдан чиқиш ҳуқуқига эга.

Москва шаҳрида 2024 йил 12 декабрда, битта асл нусхада қабул қилинди. Асл нусхаси Мустақил Давлатлар Ҳамдўстлиги Ижроия қўмитасида сақланади, у ушбу Келишувни имзолаган ҳар бир давлатга тасдиқланган нусхасини юборади.