Oʻzbekiston Respublikasining 2024-yil 24-dekabrdagi “Soliq va budjet siyosatining 2025-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida”gi OʻRQ-1014-sonli Qonuni bilan Oʻzbekiston Respublikasi Soliq kodeksining 445-, 452-moddalariga kiritilgan oʻzgartirishlarga muvofiq, shahar Soliq inspeksiyasining 2025-yil 17-dekabrdagi 14-16693-son xatini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6- va 24-moddalariga asosan xalq deputatlari Termiz shahar Kengashi qaror qiladi:

1. Oʻzbekiston Respublikasining 2024-yil 24-dekabrdagi “Soliq va budjet siyosatining 2025-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida”gi OʻRQ-1014-sonli Qonuni bilan Oʻzbekiston Respublikasi Soliq kodeksining 445-, 452-moddalari rahbarlik va ijro uchun qabul qilinsin.

2. Shahar Soliq inspeksiyasi hududlarning iqtisodiy rivojlanganlik darajasi hamda shahar hokimligining 2026-yil uchun belgilangan mahalliy budjet prognozidan kelib chiqib, shahar boʻyicha 2026-yilda suv resurslaridan foydalanganlik uchun soliq va yer qaʼridan foydalanganlik uchun soliq stavkalarining mutlaq miqdorlariga nisbatan kamaytiriluvchi va oshiriluvchi koeffitsiyentlarni qoʻllash boʻyicha takliflari inobatga olib:

2026-yil uchun Termiz shahar hududida yer qaridan foydanilganlik uchun soliq stavkasi 1-ilovaga hamda suv soligʻi stavkasi 2-ilovaga muvofiq tasdiqlansin.

Bunda, xalq deputatlari shahar Kengashiga ushbu qarorning 1-2-ilovalariga asosan belgilangan soliq stavkalariga nisbatan kamaytiruvchi va oshiruvchi koeffitsientlarni kelgusi yil uchun mahalliy budjet daromadlari prognozidan, shaharda iqtisodiy faollikning tiklanganligi hamda aholi va tadbirkorlarning daromadlari barqarorlashganligidan kelib chiqqan holda qoʻllashlari tavsiya etilsin.

3. Termiz shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — shahar Iqtisodiyot va moliya boʻlimi (Sh. Dusmuratov), shahar Soliq inspeksiyasi (S. Turayev) bilan birgalikda mazkur qaror oʻz vaqtida va samarali bajarilishini taʼminlash choralarini koʻrsin. Bunda:

2026-yil uchun yer qaʼridan foydalanganlik hamda suv resurslaridan foydalanganlik uchun soliqlarini oʻz vaqtida va toʻliq toʻlab borishlarini nazoratga olish;

2026-yil uchun yer qaʼridan foydalanganlik uchun hamda suv resurslaridan foydalanganlik uchun yer soligʻi va undirilgan soliqlar toʻgʻrisida xalq deputatlari shahar Kengashiga hisobot berib borish vazifasi yuklatilsin.

4. Shahar hokimligi Axborot xizmati (A. Qosimova) va “Termiz oqshomi” gazetasitahririyati (A. Radjabov)ga mazkur qarorni ijtimoiy tarmoqlar hamda shahar hokimligining rasmiy sahifalaiga yoritilishini taʼminlasin.

5. Mazkur qaror ijrosining nazorati shahar hokimining birinchi oʻrinbosari (Sh. Dusmuratov) hamda xalq deputatlari shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (A. Mustafakulov) zimmasiga yuklansin

6. Ushbu qaror tasdiqlangan kundan kuchga kiradi.