Oʻzbekiston Respublikasi Soliq Kodeksining 429 va 437-moddalari, Oʻzbekiston Respublikasi Prezidentining 2020-yil 3-dekabrdagi “Resurs soliqlari va mol-mulk soligʻini yanada takomillashtirish toʻgʻrisida”gi PF-6121-sonli Farmoni, Soliq kodeksining 445, 452-moddalariga kiritilayotgan oʻzgartirishlar hamda Xalq deputatlari Buxoro viloyat kengashining 2025-yil 2-dekabrdagi “Buxoro viloyati boʻyicha 2026-yilda yuridik va jismoniy shaxslardan undiriladigan ayrim soliqlarga qoʻllaniladigan koeffitsiyentlar hamda mutlaq miqdor summalarini tasdiqlash toʻgʻrisida”gi Qarori loyihasiga asosan Shofirkon tumani bo'yicha 2026-yilda yuridik va jismoniy shaxslardan undiriladigan yer soliqlarini hisoblab chiqarishda qo'llaniladigan koeffitsiyentlarni tasdiqlash maqsadida Xalq deputatlari Shofirkon tumani Kengashi, qaror qiladi:

1. Xalq deputatlari Buxoro viloyat kengashining 2025-yil 5-dekabrdagi “Buxoro viloyati bo'yicha 2026-yilda yuridik va jismoniy shaxslardan undiriladigan ayrim soliqlarga qo'llaniladigan koeffitsiyentlar hamda mutlaq miqdor summalarini tasdiqlash to'g'risida”gi Qarori loyihasiga asosan Shofirkon tumani bo'yicha yuridik shaxslarning qishloq xo'jaligida mo'ljallanmagan yerlari bazaviy soliq stavkasi 1 gektar uchun miqdori 36 040 000 so'm hamda jismoniy shaxslarga 1 kv.m uchun bazaviy soliq stavkasining miqdori 324 so'm belgilanishi maʼlumot uchun qabul qilinsin.

2. Tuman iqtisodiyot va moliya boʻlimi (N.Naimov) hamda tuman soliq inspeksiyasi (O.Muqimov)ning mahalla fuqarolar yigʻinlarining iqtisodiy rivojlanganlik darajasi hamda kelgusi yil uchun belgilangan tuman mahalliy byudjet prognozidan kelib chiqib, yuridik va jismoniy shaxslardan undiriladigan yer soliqlarini hisoblab chiqarishda kamaytiriluvchi va oshiriluvchi koyeffisiyentlarni qoʻllash yuzasidan takliflari hamda tuman soliq inspeksiyasining 2025 yil 28 dekabrdagi 18/1-11825-sonli xati orqali Mingchinor MFY hududida tabaqalashgan soliq stavkalari koeffisentlari (yaʼni yerdan kariyer sifatida foydalanuvchi yuridik shaxslar uchun oshiriluvchi 2,1 koeffisentlar, kariyer sifatida foydalanmaydigan sanoat ishlab chiqarishini tashkil qiladigan yuridik shaxslar uchun kamaytiruvchi 0,9 koeffisentlar qoʻllash) ga asosan inobatga olinsin.

3. Mahalliy soliqlar va boshqa majburiy to'lovlarning stavkalarini aniqlash uchun qonunchilikda belgilangan miqdorlar doirasida:

qishloq xo'jaligi uchun mo'ljallanmagan yerlarning 1 gektariga yuridik shaxslar bo'yicha 2026-yilda Shofirkon tumani uchun belgilangan yer solig'ining bazaviy soliq stavkalariga qo'llaniladigan koeffitsiyentlar miqdorlari mahallalar kesimida 1- ilovaga;

jismoniy shaxslar bo'yicha (dehqon xo'jaligini yuritish uchun berilgan qishloq xo'jaligiga mo'ljallagan yerlardan tashqari) 2026-yilda Shofirkon tumani uchun 1 kv.m. yerga belgilangan bazaviy soliq stavkalariga qo'llaniladigan koeffitsiyentlar miqdorlari mahallalar kesimida 2-ilovaga;

2026-yil Shofirkon tumani uchun suv resurslaridan foydalanganlik uchun soliq bo'yicha Soliq kodeksi bilan o'rnatiladigan soliq stavkalariga nisbatan qo'llaniladigan koeffitsiyentlar miqdori 3-ilovaga;

2026-yil Shofirkon tumani uchun yer qaʼridan foydalanganlik uchun soliq bo'yicha Soliq kodeksi bilan o'rnatiladigan soliq stavkalariga nisbatan qo'llaniladigan koeffitsiyentlar miqdori 4-ilovaga muvofiq tasdiqlansin.

4. Xalq deputatlari Shofirkon tumani Kengashining 2024-yil 27-dekabrdagi VII-4-025-2-41-K/24-sonli qarori 2026-yil 1-yanvardan o'z kuchini yo'qotgan deb hisoblansin.

5. Tuman hokimligi ushbu qaror bilan maʼqullangan Shofirkon tumani bo'yicha 2026-yilda yuridik va jismoniy shaxslardan undiriladigan yer soliqlarini hisoblab chiqarishda qo'llaniladigan koeffitsiyentlarni ommaviy axborot vositalarida va tuman hokimligining rasmiy vebsaytida eʼlon qilsin.

6. Mazkur qaror bajarilishining nazorati Xalq deputatlari tuman Kengashining Mahalliy byudjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari doimiy komissiyasi va tuman hokimligi zimmasiga yuklatilsin.

7. Ushbu qaror 2026-yil 1-yanvardan eʼtiboran kuchga kiradi.