Oʻzbekiston Respublikasi Budjet kodeksining 27, 119, 126 va 165-moddalari va Oʻzbekiston Respublikasi Prezidentining 2017 yil 13-dekabrdagi “Mahalliy davlat hokimiyati organlarining moliyaviy erkinligini oshirish, mahalliy budjetlarga tushumlarning toʻliqligini taʼminlash boʻyicha soliq va moliya organlari javobgarligini kuchaytirishga oid qoʻshimcha chora-tadbirlar toʻgʻrisida”gi PF-5283-sonli Farmoni hamda Oʻzbekiston Respublikasi Oliy Majlis Senat Kengashining 2024-yil 29-noyabrdagi “Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbaalarini aniqlash va ulardan foydalanishni tartibga solish toʻgʻrisida” gi KQ-5-V-sonli qaroriga muvofiq tuman mahalliy budjetining 2025-yil III chorak yakuni boʻyicha daromadlar rejasining oshirib bajdarilgan qismi jami 2 323 668,3 ming soʻm (shundan, Yer uchastkalariga egalik qilish hamda ijara huquqi asosida sotishdan tushumlar 966 507,3 ming soʻm; davlat mulkini xususiylashtirishdan tushumlar 2 115,0 ming soʻm) ni tashkil etgan.

Yuqoridagilardan kelib chiqib, shuningdek Byudjet kodeksining 119, 126-moddalari, “Mahalliy davlat hokimiyati toʻgʻrisida”gi Qonuning 6 va 24-moddalari hamda Oʻzbekiston Respublikasi Oliy Majlis Senat Kengashining 2024-yil 29-noyabrdagi KQ-5-V-sonli qaroriga asosan Xalq deputatlari Furqat tumani Kengashi qaror qiladi:

1. Furqat tuman mahalliy budjetining 2025-yil III chorak ijrosi boʻyicha daromadlar rejasining oshirib bajarilgan qismi 2 323 668,3 ming soʻm (shundan, Yer uchastkalariga egalik qilish hamda ijara huquqi asosida sotishdan tushumlar 966 507,3 ming soʻm; davlat mulkini xususiylashtirishdan tushumlar 2 115,0 ming soʻm) ga tasdiqlansin.

2. Furqat tuman mahalliy budjetining 2025-yil III chorak ijrosi boʻyicha daromadlar rejasining oshirib bajarilgan qismi quyidagicha taqsimlansin:

Oʻzbekiston Respublikasi Prezidentining 12.09.2025-yiladagi PF-172 son farmoniga asosan tumanda qishloq va suv xoʻjaligi infratuzilmasini rivojlantirish xarajatlari uchun 966 507,0 ming soʻm;

“Openbudget.uz” axborot portali orqali jamoatchilik fikri asosida belgilangan tadbirlarni moliyalashtirish uchun “Fuqarolar tashabbusi jamgʻarmasi”ga 406 514,0 ming soʻm;

Tuman hokimlik binosini qoʻriqlash xizmatidan qarzdorlik uchun 115 070,0 ming soʻm;

Tumandagi MFYlarda koʻchalarni shagʻallashtirish uchun sarflanadigan yoqilgʻi xarajati uchun 114 247,0 ming soʻm;

Tumandagi 16-umumtaʼlim maktabi moddiy texnika bazasini rivojlantirish xarajatlari uchun 40 000,0 ming soʻm;

Tumandagi 34-umumtaʼlim maktabida inklyuziv taʼlimni joriy etish uchun zarur boʻladigan jixozlar sotib olish xarajatlari uchun 40 000,0 ming soʻm;

Tuman hokimligining viloyat qurilish bosh boshqarmasidan kreditor qarzdorligi uchun 44 560,0 ming soʻm;

Tuman hokimligining ish yuritish, arxiv xujjatlari va qabul qilingan tuman hokimining qarorlarini Davlat arxiviga topshirish - saqlash xarajatlari uchun 10 000,0 ming soʻm;

Oʻzbekiston Respublikasi 03.01.2025 yil kungi PQ-1 sonli qarorga asosan tuman chegara hududlaridagi avtomabil yoʻllariga transport vositalarining davlat raqami belgisini aniqlovchi 10 dona kamera sotib olish va oʻrnatish xarajati uchun 50 000,0 ming soʻm;

Jazoni ijro etish muassasalaridan chiqqan 6 nafar shaxslarga beriladigan bir martalik moddiy yordam toʻlovi uchun 14 832,0 ming soʻm;

Oʻzbekiston Respublikasi Prezidenti hamda hukumat tomonidan qabul qilingan qaror va farmonlar ijrosini taʼminlash yuzasidan xarajatlarga 521 938,3 ming soʻm;

Mahalliy budjetning qoʻshimcha manbalaridan mablagʻ oluvchilarning rahbarlari ajratilgan mablagʻlardan maqsadli va samarali foydalanilishi, shuningdek, ushbu mablagʻlarni ajratilishi uchun taqdim etiladigan barcha hujjatlarning haqqoniyligiga shaxsan javobgar ekanligi belgilab qoʼyilsin.

3. Furqat tuman hokimining birinchi oʻrinbosari M. Taniberdiev, tuman iqtisodiyot va moliya boʻlimi (S. Axmedov), tuman soliq inspeksiyasi (M. Abdumajidov) hamda masʼul tashkilot va idoralar budjet mablagʻlaridan maqsadli va samarali foydalanish, budjet intizomiga rioya etilishi ustidan nazorat va masʼuliyatni yanada kuchaytirish, 2025-yilda tuman mahalliy budjetlarga soliqlar va boshqa majburiy toʻlovlarning toʻliq tushimini taʼminlash hamda budjet daromadlar bazasini oshirish zarurligiga qaratilsin.

4. Tuman iqtisodiyot va moliya boʻlimi, tuman soliq inspeksiyasi, tegishli boʻlim va tashkilotlar hamda budjet mablagʻlari taqsimlovchilari bilan birgalikda Xalq deputatlari tuman Kengashiga mahalliy budjetning ijrosi toʻgʻrisida har chorakda axborot berib borilishini taʼminlasin.

5. Ushbu qarorning ijrosini nazorat qilish Xalq deputatlari tuman Kengashining “Mahalliy budjet, tadbirkorlikni rivojlantirish va iqtisodiy islohotlar masalalari boʻyicha” doimiy komissiyasi raisi M. Toʻychiev zimmasiga yuklatilsin.