Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarorida Qoraqalpogʻiston Respublikasi suv xoʻjaligi vazirligi va qishloq xoʻjaligi vazirligi, irrigatsiya tizimlari havza boshqarmalari hamda hududiy qishloq xoʻjaligi boshqarmalari tomonidan vegetatsiya hamda kuz-qish davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan limit doirasida ishlab chiqishi va tasdiqlash uchun xalq deputatlari tuman Kengashlariga kiritilishi belgilangan.

Shuningdek, Vazirlar Mahkamasining 2013-yil 19-martdagi 82-sonli qarorining 1-ilovasi bilan tasdiqlangan “Oʻzbekiston Respublikasida suvdan foydalanish va suv isteʼmoli tartibi toʻgʻrisida” gi nizomning 37-bandida suvdan foydalanish va suv isteʼmol qilishning belgilangan davri tugagandan keyin ikki oy muddatda vakolatli tashkilotlar tomonidan, manbalardagi suvning haqiqiy miqdori hisobga olingan holda, oʻtgan davr uchun suv olishning uzil-kesil limitlari tasdiqlanadi deb koʻrsatilgan boʻlib, mazkur Nizom asosida Suv xoʻjaligi vazirligi 2025-yilning vegetatsiya (sugʻorish) davrida ajratilgan suv olish limitlari 2025-yil 30-oktabrdagi 187-sonli buyrugʻi bilan sugʻorish davriga ajratilgan limitlar qayta taqsimlangan.

Oʻzbekiston Respublikasi “Mahalliy davlat hokimiyati toʻgʻrisida”gi qonunining 6- va 24-moddalari hamda Oʻzbekiston Respublikasi Suv kodeksining 20-, 68-69-moddalariga muvofiq xalq deputatlari tuman Kengashi qaror qiladi:

1. Yangiariq tuman “Suv yetkazib berish xizmati” davlat muassasasi direktori N.Otajanovning xalq deputatlari Yangiariq tumani Kengashining 2025-yil 29-apreldagi “2025-yilning yozgi sugʻorish davrida tumanda suvdan samarali foydalanish toʻgʻrisida”gi VII-9-61-12-179-K/25-sonli qarorining 1-ilovasiga oʻzgartirish kiritish va suv isteʼmolchilarga 2025-yil vegetatsiya davrida yetkazib berish uchun tasdiqlangan 106710,0 ming m³ suv limitini, 8626,0 ming m³ suv limitga oshirib, jami 115336,0 ming m³ suv limiti qilib oʻzgartirish kiritish toʻgʻrisidagi axboroti maʼlumot uchun qabul qilinsin.

2. Xalq deputatlari Yangiariq tumani Kengashining 2025-yil 29-apreldagi “2025-yilning yozgi sugʻorish davrida tumanda suvdan samarali foydalanish toʻgʻrisida”gi VII-9-61-12-179-K/25-sonli qarorining 1-ilovasiga mazkur qarorning ilovasi bilan oʻzgartirish kiritilsin hamda Yangiariq tumanidagi suv isteʼmolchilarning limitlari 2025-yil vegetatsiya davri uchun jami 115336,0 ming m³ suv qilib belgilansin.

3. Yangiariq tumani “Suv yetkazib berish xizmati” davlat muassasasi direktori N. Otajanov mazkur qarordan kelib chiqib, suv isteʼmolchilari bilan 2025-yil vegetatsiya davri uchun tuzilgan shartnomalarga qonunchilikda belgilangan tartibda oʻzgartirish kiritish ishlarini amalga oshirsin hamda yakuni boʻyicha xalq deputatlari tuman Kengashiga axborot kiritsin.

4. Ushbu qarorning ijrosini taʼminlash tuman hokimining qishloq va suv xoʻjaligi masalalari boʻyicha oʻrinbosari E. Xudoyberganov va xalq deputatlari tuman Kengashining agrar, suv xoʻjaligi va ekologiya masalalari boʻyicha doimiy komissiyasi raisi A. Allaberganov zimmalariga yuklatilsin.

5. Mazkur qaror “Yangiariq ovozi” gazetasi va tuman hokimligining rasmiy veb-saytida eʼlon qilinsin.

6. Mazkur qaror rasmiy eʼlon qilingan kundan eʼtiboran kuchga kiradi.