Oʻzbekiston Respublikasi “Mahalliy davlat hokimiyati toʻgʻrisida”gi Qonuni 6-, 21-1-moddalari, “Yoʻl harakati toʻgʻrisida”gi Qonuni hamda Oʻzbekiston Respublikasi Prezidentining 2023-yil 26-iyuldagi “Toshkent shahrida davlat va tadbirkorlik subyektlari oʻrtasida oʻzaro manfaatli hamkorlik asosida investitsiya loyihalarini amalga oshirish va shahar infratuzilmasini yaxshilash boʻyicha huquqiy eksperimentni oʻtkazish chora-tadbirlari toʻgʻrisida” PQ-236-son qaroriga muvofiq, Toshkent shahrida transport vositalarining pulli toʻxtab turish joylarini tashkil etishning hududiy zonalariga bevosita yaqin joylashgan turar joylarda yashovchi fuqarolarning huquqlari va qonuniy manfaatlarini taʼminlash maqsadida, qaror qilaman:

1. Toshkent shahar hokimining “Toshkent shahrida transport vositalarining pulli toʻxtab turish joylari faoliyatini yanada takomillashtirish chora-tadbirlari toʻgʻrisida” 2024-yil 16-oktabrdagi 731-14-0-Q/24-son qaroriga ilovaga muvofiq oʻzgartirish va qoʻshimchalar kiritilsin.

2. Toshkent shahar hokimligi matbuot xizmati (G. Kasimova) “Toshkent Invest kompaniyasi” AJ (B. Shakirov) bilan birgalikda мазкур qaror rasmiy eʼlon qilinishini va www.toshkent.uz veb-saytiga joylashtirilishini, shuningdek, uning maqsadi hamda unda belgilangan vazifalar haqida keng jamoatchilikni xabardor etib borishni taʼminlasin.

3. Ushbu qaror imzolangandan soʻng kuchga kiradi hamda ushbu qarordagi nazarda tutilgan tartib-qoidalar 2026-yil 1-fevraldan kuchga kiradi.

4. Toshkent shahar hokimining oʻrinbosari (Sh. Raxmanov) belgilangan tartibda vakolatli organlar bilan hamkorlikda rezident avtoturargoh ruxsatnomalarini berishning maʼmuriy reglamentini qabul qilish boʻyicha chora-tadbirlarni amalga oshirsin.

5. Mazkur qarorning ijrosini nazorat qilish Toshkent shahar hokimining oʻrinbosari Sh.Raxmanov zimmasiga yuklansin.