Ózbekstan Respublikası Prezidentiniń 2024-jıl 5-yanvar kúngi “Tómengi qatlamda suw resursların basqarıw sistemasın jedellestiriw hámde suw resurıslarınan paydalanıw nátiyjeliligin asırıw haqqındaǵı” PQ-5-sanlı qararınıń 7-bóliminde “hár jılı 1-aprelge shekem vegetaciya dáwiri ushın hám 1-oktyabrge shekem gúz-qıs shor juwıw dáwiri ushın aqırǵı suwdan paydalanıwshılar kesiminde eginlerdi suwǵarıw ushın suw alıw limitleri aymaqlar kesiminde limit shegarasında bólinip, tastıyıqlaw ushın Xalq deputatları rayon Keńesine kiritiw” wazıypası belgilengen.

Joqarıdaǵılardan kelip shıǵıp Qaraqalpaqstan Respublikası Suw xojalıǵı ministirliginiń 2025-jıl 5-noyabr kúngi 216-sanlı buyrıǵına tiykar 2025-jıl jazǵı suwǵarıw máwsimi ushın Shomanay rayonına 300 mln m³ suw muǵdarı ajıratılǵan bolıp, rayon aymaǵındaǵı óz iskerligin júritip atırǵan klaster hám fermer xojalıqlar, awıl puxaraları jıyınları hám basqa da suwdan paydalanıwshılarǵa limitler bólingen.

Joqarıdaǵılardı esapqa alıp Shomanay rayonlıq “Suw jetkerip beriw xızmeti” mámleketlik mákemesiniń 2025-jıl 10-noyabr kúngi 255-sanlı xatı hám «Jergilikli hákimiyat haqqındaǵı» Ózbekstan Respublikası Nızamınıń 6, 24-statyalarına muwapıq xalıq deputatları Shomanay rayonlıq Keńesi sheshim etedı:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resurslarin basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın qabıl etilsin.

2. Shomanay rayonı «Suw jetkerip beriw xızmeti» mámleketlik mákemesiniń Shomanay rayonı boyınsha 2025-jıl vegetaciya dáwirinde suwǵarıw jumısları ushın ajıratılǵan suw limiti haqqındaǵı usınısı maqullansın hám qosımshaǵa muwapıq qayta tastıyıqlansın.

3. Shomanay rayonı «Suw jetkerip beriw xızmeti» mámleketlik mákemesi direktorı B. Xojanazarovqa:

Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında jumıslardı shólkemlestiriw;

belgilengen limitler tiykarında tutınıwshılarǵa suw jetkiziw;

ózine biriktirilgen aymaqta suwdıń esabı hám esabatın júrgiziw;

suwǵarıw tarmaqları hám olardaǵı gidrotexnikalıq imaratlardı saz jaǵdayda saqlaw, ońlaw qayta tiklew ilajların ámelge asırıw;

suw tutınıwshılarınıń talapnaması tiykarında basqa suw xojalıǵı xızmetlerin kórsetiw wazıypaları júkletilsin.

4. Usı sheshimnin orınlanıwın qadaǵalaw Xalıq deputatları Shomanay rayonlıq Kenesiniń Agrar, suw xojalıǵı hám ekologiya máseleleri boyınsha turaqlı komissiyası (A. Yusupov)na júkletilsin.