Oʻzbekiston Respublikasining “Geografik obyektlarning nomlari toʻgʻrisida”gi Qonuni, Oʻzbekiston Respublikasi Vazirlar Mahkamasining 2012-yil 16-oktyabrdagi “Geografik obyektlarning nomlari sohasidagi ishlarni tartibga solish chora-tadbirlari haqida”gi 295-sonli qarori hamda Oʻzbekiston Respublikasi davlat soliq qoʻmitasi huzuridagi Kadastr agentligi direktorining oʻrinbosari, geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish ekspert komissiyasi raisi T.M.Abdullayevning 2025-yil 6-oktabrdagi 05-19-17298-sonli ekspert xulosasiga hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari Kogon shahar Kengashi qaror qiladi:

1. Iqtisodiyot va moliya vazirligi huzuridagi kadastr agentligi, Geofrafik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish ekspert komissiyasining 2025-yil 6-oktabrdagi 05-19-17298-sonli Ekspertiza xulosasi maʼlumot uchun qabul qilinsin.

2. Kogon shahridagi Geografik obyekt (qabriston)ga nom berish toʻgʻrisidagi taklifi ilovaga muvofiq maʼqullansin.

3. Shahar qurilish boʻlimi boshligʻi (M. Xolov), Davlat kadastrlar palatasi Kogon shahar filiali boshligʻi (A. Abdullayev), shahar soliq inspektsiyasi boshligʻi (K. Axmadova), shahar statistika boʻlimi boshligʻi (J. Aʼzamov), shahar davlat xizmatlari markazi rahbari (J. Kamalov) va boshqa tegishli mutasaddi davlat organlari bilan birgalikda Qonun hujjatlariga muvofiq deb topilgan ziyoratgoh, qabriston, istirohat bogʻlari nomlari boʻyicha ish yuritish hujjatlariga tegishli oʻzgartirish va qoʻshimchalar kiritish bilan boʻliq barcha tadbirlarni amalga oshirish vazifasi yuklatilsin.

4. “Kogon hayoti” gazetasi tahriririyati (Z. Xalilova) hamda shahar hokimligi axborot xizmati rahbariga:

Oʻzbekiston Respublikasi “Geografik obyektlarning nomlari toʻgʻrisida”gi hamda “Davlat tili toʻgʻrisida”gi Qonunlari talablari asosida ushbu olib borilgan ishlarni ommaviy-axborot vositalarida yoritib borish tavsiya etilsin.

5. Ushbu qarorning ijrosini nazorat qilish xalq deputatlari shahar Kengashining ijtimoiy soha, yoshlar siyosati, madaniyat va sport masalalari boʻyicha doimiy komissiyasi raisi D. Raximova zimmasiga yuklatilsin.

6. Ushbu qaror qabul qilingan kundan eʼtiboran kuchga kiradi.