Oʻzbekiston Respublikasining 2011-yil 12-oktabrdagi “Geografik obyektlarning nomlari toʻgʻrisida”gi OʻRQ-303-sonli Qonuni, Oʻzbekiston Respublikasi Vazirlar Mahkamasining 2014-yil 4-martdagi 48-son qarori bilan tasdiqlangan “Shaharlar, shaharchalar, qishloqlar va ovullarning mahallalarini tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisida”gi Nizomga muvofiq Beruniy tumani hokimining 2025-yil 16-oktabrdagi 2437-sonli taklifini inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonuni 6-,24-moddalariga asosan Xalq deputatlari Beruniy tuman Kengashi qaror qiladi:

1. Beruniy tumani Shobboz mahalla fuqarolar yigʻinining 2025-yil 4-iyul kungi 1-son, Doʻstlik mahalla fuqarolar yigʻinining 2025-yil 12-iyul kungi 15-son, Navoiy mahalla fuqarolar yigʻinining 2025-yil 18-iyuldagi 18-son iltimosnomalari, Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 30-sentabrdagi 05-19-16891-son yigʻilish bayoni hamda xulosasini eʼtiborga olib, tuman hokimining taklifi inobatga olinsin.

2. Beruniy tumanidagi quyidagi mahalla fuqarolar yigʻinlari nomi:

“Navoiy” mahalla fuqarolar yigʻini — “Serquyosh” mahalla fuqarolar yigʻini deb;

“Doʻstlik” mahalla fuqarolar yigʻini — “Ziyokor” mahalla fuqarolar yigʻini deb;

“Shobboz” mahalla fuqarolar yigʻini — “Yangi Oʻzbekiston” mahalla fuqarolar yigʻini deb oʻzgartirilsin.

3. Mazkur qaror nusxasi va mahalla fuqarolar yigʻinlari nomlari oʻzgartirilganligi toʻgʻrisidagi tegishli hujjatlar Geografik obyektlar nomlarining davlat reyestriga kiritish uchun Kadastr agentligiga taqdim etilsin.

4. Ushbu qaror tuman “Xalq minbari” gazetasida nashr qilinsin va tuman hokimligining rasmiy veb-saytiga joylashtirilsin.

5. Mazkur qaror bajarilishini nazorat qilish Xalq deputatlari Beruniy tumani Kengashining “Mahalliy budjet, tadbirkorlikni rivojlantirish va iqtisodiy islohotlar masalalari boʻyicha” doimiy komissiyasi zimmasiga yuklatilsin.

6. Ushbu Qarоr qabul qilingan kundan kuchga kiradi.