Oʻzbekiston Respublikasining “Geografik obyektlarning nomlari toʻgʻrisida”gi Qonuni hamda Oʻzbekiston Respublikasi Vazirlar Mahkamasining 2012-yil 16-oktabrdagi Geografik obyektlarning nomlari sohasida ishlarni tartibga solish chora- tadbirlari haqida”gi 295-sonli qaroriga, Xorazm viloyati hokimlig huzuridagi Geografik obyektlarga nomlash va qayta nomlash masalalari boʻyicha ekspert komissiyasining 2025-yil 24-noyabrdagi 05-19-20689-sonli ekspert xulosasiga asosan xalq deputatlari Xonqa tumani Kengashi qaror qiladi:

1. Geografik obyektlarni nomlash va qayta nomlash masalalari boʻyicha viloyat komissiyasining yigʻilish bayoni rahbarlik va ijro uchun qabul qilinsin.

2. Xonqa tumanidagi nom beriladigan koʻchalar roʻyxati ilovaga muvofiq tasdiqlansin.

3. Xonqa tumani hokimi oʻrinbosari, geografik obyektlarga nom berish masalalarini muvofiqlashtiruvchi tuman komissiyasi raisi, tuman iqtisodiyot va moliya boʻlimi (J. Roʻzmetov), Kadastrlar palatasi Xonqa tumani boʻlimi (E. Roʻzmetov)larga bir hafta muddatda Xonqa tumani hududidagi nomlari oʻzgargan koʻchalarning nomlarini lotin yozuvida peshlavhalarga yozib hamda raqamlab, ularni belgilangan tartibda oʻrnatish vazifasi yuklatilsin.

4. Xonqa tumani hokimligi axborot xizmati rahbari (Sh. Xojaniyazov), “Xonqa hayoti” gazetasi bosh muharriri (M. Sapayeva)larga ushbu qarorni hokimlik veb-sayti va gazeta sahifasida chop etish vazifasi yuklatilsin.

5. Ushbu qarorning ijrosini nazorat qilish Ijtimoiy soha, yoshlar siyosati, madaniyat va sport masalalari boʻyicha doimiy komissiyasi A. Bekchanova zimmalariga yuklatilsin.

6. Ushbu qaror eʼlon qilingan kundan boshlab kuchga kiradi.