Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qarararınıń orınlanıwın támiyinlew haqqında Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasına, Qaraqalpaqstan Respublikası suw xojalıǵı ministrliginiń 2025-jıl 5-noyabr kúngi 216-sanlı buyrıǵı tiykar, Qanlıkól rayonı fermer xojalıqlarında 2025-jıl suwǵarıw dáwiri ushın fermerler kesiminde egin túrlerine qarap suw limitin tastıyıqlaw haqqındaǵı Xalıq deputatları Qanlıkól rayonlıq Keńesiniń 2025-jıl 27-mart kúngi VII-8-42-13-186-K/25-sanlı sheshimine ózgeris kiritiw haqqında Qanlıkól rayonı “Suw jetkerip beriw xızmeti” mámleketlik mákemesi direktorı A. Sarsenbaevtıń málimlemesin tıńlap hám kórip shıǵıp, Ózbekstan Respublikasınıń “Jergilikli mámleketlik hákimiyat haqqında”ǵı Nızamınıń 24-statyalarına muwapıq Xalıq deputatları Qanlıkól rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararları tiykarında rayon aymaǵında suwdıń esabı hám esabatın júrgiziw jumıslarınıń orınlawı basshılıqqa alınsın.

2. Qanlıkól rayonı “Suw jetkerip beriw xızmeti” mámleketlik mákemesiniń tiyisli shólkemler menen birgelikte awıl xojalıǵına mólsherlengen jerlerdi suwǵarıw ushın paydalanılǵan suw kólemi, sonday-aq, diyxan xojalıqları hám awıl xojalıǵına mólsherlengen jerlerde suw resurslarınan paydalanǵanlıǵı ushın salıq tólemlerin belgilengen múddetlerde óndiriw ilajları haqqında hám Qaraqalpaqstan Respublikası suw xojalıǵı ministrliginiń 2025-jıl 5-noyabr kúngi 216-sanlı buyrıǵı tiykar, Qanlıkól rayonı fermer xojalıqlarında 2025-jıl suwǵarıw dáwiri ushın fermerler kesiminde egin túrlerine qarap suw limitin tastıyıqlaw haqqındaǵı Xalıq deputatları Qanlıkól rayonlıq Keńesiniń 2025-jıl 27-mart kúngi VII-8-42-13-186-K/25-sanlı sheshimine hám qosımshasına ózgeris kiritiw haqqında Qanlıkól rayonı “Suw jetkerip beriw xızmeti” mámleketlik mákemesi direktorı (A. Sarsenbaev)nıń málimlemesi maǵlıwmat ushın qabıl etilsin.

Ózbekstan Respublikası Ministrler Keńesiniń 2024-jıl 9-fevral kúngi 79-sanlı qararınıń 5-qosımshasına tiykar, Qanlıkól rayonı “Suw jetkerip beriw xızmeti” mámleketlik mekemesi usı qararǵa tiykar, Qanlıkól rayonında 2025-jıldıń suwǵarıw dáwiri ushın 214,0 mln. m³ suw muǵdarını ornına Qaraqalpaqstan Respublikası suw xojalıǵı ministrliginiń 2025-jıl 5-noyabr kúngi 216-sanlı buyrıǵı menen rayon shegarasına 265,9 mln. m³ suw muǵdarı ajratılǵanlıǵı maǵlıwmat ushın qabıl etilsin..

3. 2025-jıl suwǵarıw dáwiri ushın 214,0 mln m³ suw muǵdarına ózgeris kiritilsin hám 2025-jıl suwǵarıw dáwiri ushın rayon shegarasına 265,9 mln. m³ suw limiti ajıratılǵanı maqullansın hám 1-qosımshaǵa muwapıq tastıyıqlansın.

4. Qanlıkól rayonı hákiminiń birinshi orınbasarı w.w.a (B. Genjebaev), Qanlıkól rayonı hákiminiń awıl xojalıǵı hám suw xojalıǵı máseleleri boyınsha orınbasarı (B. Tóreshov) na, Qanlıkól rayonı mámleketlik salıq inspekciyası (A. Eshmuratov), Qanlıkól rayonı “Suw jetkerip beriw xızmeti” mámleketlik mákemesi (A. Sarsenbaev), Qanlıkól rayonı ǵaznashılıq bólimbesi (S. Awezmuratov), tiyisli mekemeler menen birgelikte:

Ózbekstan Respublikası Ministrler Keńesiniń 2024-jıl 9-fevral kúngi 79-sanlı qararınıń 5-qosımshasına tiykar fermerler kesiminde ajratılǵan suw alıw limitleri tiykarında rayon aymaǵında suwdıń esabı hám esabatın júrgiziw jumısları shólkemlestirilsin;

2025-2026-jıldıń suwǵarıw dáwiri ushın fermerler kesiminde egin túrlerine qarap jerlerdi suwǵarıw ushın belgilengen limitler tiykarında tutınıwshılarǵa suw jetkiziw ilajların kórilsın;

ózine biriktirilgen aymaqta suwdıń esabı hám esabatın júrgizsin;

suwǵarıw tarmaqları hám olardaǵı gidrotexnikalıq imaratlardı, saz jaǵdayda saqlaw, remontlaw-qayta tiklew ilajların ámelge asırsın;

5. Qanlıkól rayonı salıq inspekciyası (A. Eshmuratov) Qanlıkól rayonı “Suw jetkerip beriw xızmeti” mámleketlik mákemesi (A. Sarsenbaev) tiyisli shólkemler menen birgelikte awıl xojalıǵına mólsherlengen jerlerdi suwǵarıw ushın paydalanılǵan suw kólemi, sonday-aq, diyxan xojalıqları hám awıl xojalıǵına mólsherlengen jerlerge iye bolǵan yuridikalıq hám fizikalıq shaxslar ushın suw resurslarınan paydalanǵanlıǵı ushın salıq tólemlerin belgilengen tártipte hám múddetlerde óndiriw ilajları kórilsin.

6. Qanlıkól rayonı hákimliginiń málimleme xızmeti (M. Daryabaev), rayonlıq «Qanlıkól xabarları» gazetası (G. Ametova), rayonda 2025-2026-jıldıń suwǵarıw dáwiri ushın fermerler kesiminde egin túrlerine qarap rayon shegarasına ajıratılǵan suw limiti boyınsha ámelge asırılǵan jumıslardıń barısı haqqında rayon hákimliginiń rásmiy veb-saytı hámde ǵalaba xabar qurallarında jarıtıp barıw tapsırılsın.

7. Usı sheshimniń orınlanıwın tamiyinlew Qanlıkól rayonı hákiminiń birinshi orınbasarı w.w.a (B. Genjebaev), Qanlıkól rayonı hákiminiń awıl xojalıǵı hám suw xojalıǵı máseleleri boyınsha orınbasarı (B. Tóreshov)na júklensin.

8. Usı sheshimniń orınlanıwın qadaǵalaw Xalıq deputatları Qanlıkól rayonlıq Keńesiniń Agrar, suw xojalıǵı hám ekologiya máseleleri boyınsha turaqlı komissiyası (D. Abdullaev)na júklensin.

9. Sheshim rásmiy járiyalanġan kúnnen baslap kúshke kiredi.