“Geografiyalıq obektlerdiń atamaları haqqında”ǵı Ózbekstan Respublikasınıń Nızamı, Ózbekstan Respublikası Ministrler Kabinetiniń 2014 jıl 4-marttaǵı “Qalalar, posyolkalar, awıllar hám aymaqlardıń máhállelerin dúziw, birlestiriw, bóliw hám saplastırıw, sonday-aq, olardıń shegaraların belgilew hám olarǵa atama beriw ózgertiw tártibi haqqındaǵı Rejeni tastıyıqlaw haqqında”ǵı 48-sanlı qararınıń 7-bándine tiykar, sonday-aq, ”Ózbekstan Respublikası Prezidentiniń 2021-jıl 20-oktyabrdegi "Ózbekstan Respublikası Mámleketlik salıq komiteti janındaǵı Kadastr agentliginiń jumısın jáne de keńeytiw jetilistiriw ilajları haqqında"ǵı PQ-405-sanlı qararınıń 1-qosımshası menen "2023-2026-jıllarda Mámleketlik salıq komiteti janındaǵı kadastr agentligi uyımları hám shólkemleri jumısınıń tiykarǵı prognoz kórsetkishleri" tastıyıqlanǵanlıǵı, bunda tiykarǵı prognoz kórsetkishleriniń 7-bántinde máhálleler shegaraların belgilew tapsırması berilgenligin esapqa alıp sonday-aq “Qaraqalpaqstan Respublikasınıń hákimshilik-aymaqlıq dúzilisi haqqında”ǵı Qaraqalpaqstan Respublikası Nızamınıń 17-statyası, “Jergilikli mámleketlik hákimiyat haqqında”ǵı Qaraqalpaqstan Respublikasınıń nızamınıń 21-statyasına tiykarlanıp Xalıq deputatları Kegeyli rayonlıq Keńesi shehim etedi:

1. Kegeyli rayonı hákimshilik-aymaqlıq dúzilisi máseleleri boyınsha komissiyasınıń hámde puqaralar jıyınlarınıń rayon aymaǵındaǵı máhálleler hám awıllardıń anıq shegaraların belgilew haqqındaǵı usınısları maqullansın.

2. Kegeyli rayonı aymaǵındaǵı máhálleler hám awıllardıń anıq belgilengen shegaralarınıń táriyplemesi hámde shegaraları táriyplengen sızılmaları (kartaları) 1-32-qosımshalarǵa muwapıq tastıyıqlansın.

3. Xalıq deputatları Kegeyli rayonlıq Keńesiniń 2023-jıl 19-yanvar kúngi VI-65-10-13-184-K/23-sanlı sheshimi óz kúshin joytqan dep esaplansın.

4. Xalıq deputatları Kegeyli rayonlıq Keńesiniń bul sheshimi «Kegeyli turmısı» gazetası hám rayon háqimliginin rasmiy veb-saytında járiyalaw usınıs etilsin.

5. Usı sheshimdi tastıyıqlaw Qaraqalpaqstan Respublikası Joqarǵı Keńesinen soralsın.

6. Usı sheshimniń orınlanıwın qadaǵalaw Xalıq deputatları Kegeyli rayonlıq Keńesiniń agrar, qurılıs, kommunal tarawlar, ekologiya, sanaat hám transport máseleleri boyınsha turaqlı komissiyasına júklensin.