Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı, Qaraqalpaqstan Respublikası Suw xojalıǵı ministrliginiń 2025-jıl 5-noyabrdegi 216-sanlı buyrıǵınıń orınlanıwın támiyinlew maqsetinde hámde rayonlıq “Suw jetkerip beriw xızmeti” mámleketlik mákemesiniń 2025-jıl 14-noyabr kúngi 01/03-988-sanlı xatına tiykar Ózbekstan Respublikası “Jergilikli mámleketlik hákimiyat haqqında”ǵı nızamınıń 6 hám 24-statyalarına muwapıq Xalıq deputatları Qońırat rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın qabıl etilsin.

2. Xalıq deputatları Qońıratrayonlıq Keńesiniń 2025-jıl 11-iyul kúngi “Qońırat rayonındaǵı fermer xojalıqları, klasterler hám basqa suw qarıydarlarǵa 2025-jıl vegetaciya dáwiri ushın ajıratılǵan suw limitin tastıyıqlaw haqqında”ǵı VII-14-92-13-185-K/25-sanlı sheshiminiń 1-qosımshasına ózgeris kiritiw haqqındaǵı rayonlıq “Suw jetkerip beriw xızmeti” MM direktorı Sh. Djadigerovtıń usınısı qosımshaǵa muwapıq tastıyıqlansın.

3. Qońıratrayonı «Suw jetkerip beriw xızmeti» MM direktorı Sh. Djadigerovqa:

Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında jumıslardı shólkemlestiriw;

belgilengen limitler tiykarında tutınıwshılarǵa suw jetkiziw;

ózine biriktirilgen aymaqta suwdıń esabı hám esabatın júrgiziw;

suwǵarıw tarmaqları hám olardaǵı gidrotexnikalıq imaratlardı saz jaǵdayda saqlaw, remontlaw-qayta tiklew ilajların ámelge asırıw;

tutınıwshılar kesiminde sarp etilgen suw kólemi haqqındaǵı maǵlıwmatlardı salıq shólkemlerine usınıs etip barıw;

suw tutınıwshılarınıń talapnaması tiykarında basqa suw xojalıǵı xızmetlerin kórsetiw wazıypaları júkletilsin.

4. Qońırat rayonı «Suw jetkerip beriw xızmeti» mámleketlik mákemesi (Djadigerov), Qońırat rayonı fermer, dıyqan xojalıqları hám de qıytaq jer iyeleri Keńesi tiyisli mákemeler menen birgelikte:

Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-jıldıń vegetaciya dáwiri ushın ajıratılǵan limitler tiykarında fermerler xojalıqlarına suwdı jetkerip beriw boyınsha zárúr ilájlar belgilesin.

5. Usı sheshimnin orınlanıwın qadagalaw Xalıq deputatları Qońıratrayonlıq Kenesiniń Agrar, suw xojalıǵı máseleleri hám ekologiya boyınsha turaqlı komissiyasına júkletilsin.