Ózbekstan Respublikası Prezidentiniń 2024 jıl 9-yanvar kúngi “Tómengi buwında suw resursların basqarıw sistemasın jetilistiriw hám suw resurslarınan paydalanıw natiyjeliligin arttırıw ilajları haqqında”ǵı PQ-5-sanlı qararı hám de Ózbekstan Respublikası Ministrler Kabinetiniń 2024-jıl 9-fevral kúngi “Suw jetkerip beriw xızmeti” mámleketlik mákemeleriniń jumısın shólkemlestiriw ilajları haqqında”ǵı 79-sanlı qararına muwapıq Moynaq rayonı “Suw jetkerip beriw xızmeti” mámleketlik mákemesiniń 2025-jıl 10-noyabr kúngi 10-06/231-sanlı Moynaq rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin qayta tastıyıqlaw haqqındaǵı usınıs xatın qarap shıǵıp hám de “Jergilikli mámleketlik hákimiyat haqqında”ǵı Qaraqalpaqstan Respublikası Nızamınıń 21-statyasına muwapıq Xalıq deputatları Moynaq rayonlıq Keńesi sheshim etedi;

1. Ózbekstan Respublikası Prezidentiniń 2024-jıl 5-yanvar kúngi PQ-5-sanlı qararı hám Ózbekstan Respublikası Ministrler Kabinetiniń 2024-jıl 9-fevral kúngi 79-sanlı qararında berilgen wazıypalar orınlaw ushın basshılıqqa alınsın.

2. Moynaq rayonı “Suw jetkerip beriw xızmeti” mámleketlik mákemesiniń 2025-jıl 10-noyabr kúngi 10-06/231-sanlı Moynaq rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı usınısı maqullansın.

3. Xalıq deputatları Moynaq rayonlıq Keńesiniń 2025-jıl 14-aprel kúngi VII-11-53-13-187-K/25-sanlı sheshimine ózgeris hám qosımshalar kiritilsin.

4. Moynaq rayonında jaylasqan fermer hám awıl xojalıǵı eginlerin jetistiriwshi xojalıqlar ushın 2025-jıl suwǵarıw (vegetaciya) dáwiri ushın ajıratılǵan sheklengen suw limiti 1-qosımshaǵa, Moynaq rayonında jaylasqan balıqshılıq xojalıqları ushın 2025-jıl suwǵarıw (vegetaciya) dáwiri ushın kengash.gov.uz VII-25-144-13-187-K/25 ajıratılǵan sheklengen suw limiti 2-qosımshaǵa, Moynaq rayonında kommunal xızmetler ushın 2025-jıl suwǵarıw (vegetaciya) dáwiri ushın ajıratılǵan sheklengen suw limiti 3-qosımshaǵa muwapıq qayta tastıyıqlansın.

5. Moynaq rayonı “Suw jetkerip beriw xızmeti” mámleketlik mákemesi baslıǵı N. Babanazarov:

qosımsha limitlerinen tısqarı suw muǵdarın ajıratıw boyınsha Qaraqalpaqstan Respublikası Suw xojalıǵı ministrligine usınıs kiritsin.

6. Moynaq rayonı hákiminiń awıl hám suw xojalıǵı máseleleri boyınsha orınbasarı R. Tlewbergenov, “Suw jetkerip beriw xızmeti” mámleketlik mákemesi (N. Babanazarov) tiyisli mákemeler menen birgelikte:

egislik jer maydanları ushın ajıratılatuǵın suw limitlerin tutınıwshılarǵa óz waqtında jetkerip beriw;

suwdı únemlewshi texnologiyalar haqqında suwdan paydalanıwshı tutınıwshılarǵa úgit-násiyat jumısların alıp barsın.

islengen jumıslar haqqında Xalıq deputatları Moynaq rayonlıq Keńesine jazba túrde maǵlıwmat beriw tapsırılsın.

7. Usı sheshimniń orınlanıwın qadaǵalaw rayon hákiminiń awıl hám suw xojalıǵı máseleleri boyınsha orınbasarı R. Tlewbergenov hám de Xalıq deputatları Moynaq rayonlıq Kenesiniń Agrar, suw xojalıǵı hám ekologiya boyınsha turaqlı komissiyası (T. Shukirberdiyev)na júklensin.

8. Usı sheshim rásmiy túrde járiyalanǵan kúnnen baslap kúshke kiredi.