Ózbekstan Respublikası Prezidentiniń 2024-jıl 5-yanvarkúngi “Tómengi buwında suw resursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararına muwapıq, sonday-aq Qaraózek rayonlıq “Suw jetkerip beriw xızmeti” mámleketlik mákemesiniń Qaraózek rayonında 2025-2026-jıllarda gúz-qıs máwsimlerinde awıl xojalıǵı eginlerin suwǵarıw hám shor juwıw ushın suw alıw limitlerin tastıyıqlaw haqqındaǵı usınısın kórip shıǵıp hámde «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń 21-statyasına muwapıq Xalıq deputatları Qaraózek rayonlıq Keńesi shehim etedi.

1. Ózbekstan Respublikası Prezidentiniń 2024-jıl 5-yanvar kúngi “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararınıń 7-bántindegi berilgen wazıypalar orınlaw ushın basshılıqqa alınsın.

2. Qaraózek rayonı “Suw jetkerip beriw xızmeti” mámleketlik mákemesiniń 01/04-05-161-sanlı Qaraózek rayonında 2025-2026-jıllarda gúz-qıs máwsimlerinde awıl xojalıǵı eginlerin suwǵarıw hám shor juwıw ushın suw alıw limitlerin tastıyıqlaw haqqındaǵı usınısı maqullansın.

3. Qaraózek rayonı 2025-2026-jıllarda gúz-qıs máwsimlerinde awıl xojalıǵı eginlerin suwǵarıw hám shor juwıw ushın suw alıw limitleri qosımshaǵa muwapıq tastıyıqlansın.

4. Qaraózek rayonı “Suw jetkerip beriw xızmeti” mámleketlik mákemesi (B. Aytbaev), tiyisli mákemeler hám shólkemler menen birgelikte:

Ózbekstan Respublikası Prezidentiniń 2024-jıl 5-yanvar kúngi PQ-5-sanlı qararına tiykar 2025-2026-jıllarda gúz-qıs dáwirinde awıl xojalıǵı eginlerin suwǵarıw hám shor juwıw ushın ajıratılǵan limitler tiykarında fermerler xojalıqlarına suwdı retlestirip jetkerip beriw boyınsha zárúr ilajlar belgilesin;

islengen jumıslar haqqında Xalıq deputatları Qaraózek rayonlıq Keńesine jazba túrde maǵlıwmat beriw tapsırılsın.

5. Usı sheshimniń orınlanıwın qadaǵalaw Xalıq deputatları Qaraózek rayonlıq Keńesiniń agrar, suw xojalıǵı máseleleri hám ekologiya boyınsha turaqlı komissiyasına júklensin.