“Mahalliy davlat hokimiyati toʻgʻrisida”gi, “Аholi bandligi toʻgʻrisida”gi va “Nogironligi boʻlgan shaxslarning huquqlari toʻgʻrisida”gi Oʻzbekiston Respublikasi qonunlari hamda Vazirlar Mahkamasining “Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish tartibini yanada takomillashtirish chora-tadbirlari toʻgʻrisida” 2017-yil 5-dekabrdagi 965-son qaroriga asosan, qaror qilaman:

1. Ijtimoiy muhofazaga muhtoj, ish topishda qiynalayotgan va mehnat bozorida teng sharoitlarda raqobatlasha olmaydigan shaxslar uchun ish oʻrinlarining eng kam soni belgilangan tashkilotlar roʻyxati ilovaga muvofiq tasdiqlansin.

2. Ijtimoiy muhofazaga muhtoj, ish topishda qiynalayotgan va mehnat bozorida teng sharoitlarda raqobatlasha olmaydigan shaxslar uchun ish oʻrinlarining eng kam soni belgilangan tashkilotlar, ilovada koʻrsatilgan ish oʻrinlari oʻrnatilgan tartibda zaxiraga qoʻyilsin.

3. Ushbu qaror “Namangan sadosi” gazetasida rasmiy eʼlon qilinsin hamda rasmiy eʼlon qilinganidan keyin bir kun ichida Namangan shahar hokimligining rasmiy veb-saytiga joylashtirilsin.

4. Qaror rasmiy eʼlon qilingan kundan eʼtiboran kuchga kiradi.

5. Mazkur qarorning bajarilishini nazorat qilish shahar hokimining birinchi oʻrinbosari D. Umurzaqov zimmasiga yuklatilsin.