Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarorining 1-bandining ikkinchi xatboshiga asosan Quyi Chirchiq tumanida Suv yetkazib berish xizmati davlat muassasasi tashkil etilgan. Endilikda Irrigatsiya va melioratsiya boʻlimi faoliyatini Quyi Chirchiq tumani Suv yetkazib berish xizmati davlat muassasasi tumandagi barcha turdagi qishloq xoʻjaligi suv isteʼmolchilariga suv yetkazib berish hamda foydalanilgan suv isteʼmoli boʻyicha soliq organlariga suv soligʻi hisoblash uchun maʼlumotlarni berib bormoqda.

Bundan tashqari Oʻzbekiston Respublikasi Vazirlar Mahkamasining 2024-yil 9-fevraldagi “Suv yetkazib berish xizmati” davlat muassasalari faoliyatini tashkil etish chora-tadbirlari toʻgʻrisida”gi 79-sonli qarorida koʻrsatib oʻtilgan yaʼni:

suv xoʻjaligi tashkilotlari tomonidan qishloq xoʻjaligi mahsulotlarini ishlab chiqaruvchilarga suv yetkazib berish xizmatlari uchun toʻlovlar bekor qilinganligi;

belgilangan limitlar asosida suv isteʼmolchilariga suv yetkazib berishligi;

oʻziga biriktirilgan hududda suvning hisobini va hisobotini yuritishligi;

sugʻorish tarmoqlari va ulardagi gidrotexnik inshootlarni himoya zonalari bilan birgalikda soz holatda saqlash, taʼmirlash-tiklash ishlarini amalga oshirishi;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borishi;

suv isteʼmolchilarining buyurtmanomasi asosida boshqa suv xoʻjaligi xizmatlarini amalga oshirishi koʻrsatilgan.

Oʻzbekiston Respublikasi Prezidentining PQ-5-sonli qarori 6-bandida:

isteʼmol qilingan suv miqdori hisobini yuritmagan (yuritishdan bosh tortgan) qishloq xoʻjaligi mahsulotlari ishlab chiqaruvchilari uchun suv soligʻi bazasi xalq deputatlari tuman Kengashlari tomonidan tasdiqlangan limitlarga nisbatan ikki barobar oshirilgan holda hisoblanishi;

2025-yildan boshlab:

suvni tejamkor sugʻorish texnologiyalari joriy qilganda hamda sugʻorish uchun olingan suv hajmi suv oʻlchash uskunalari asosida aniqlanganda suv soligʻi stavkasiga 0,5 kamaytiruvchi koyeffitsiyent qoʻllanilishi;

suvni tejamkor sugʻorish texnologiyalari joriy qilganda yoki sugʻorish uchun olingan suv hajmi suv oʻlchash uskunalari asosida aniqlanganda suv soligʻi stavkasiga 0,7 kamaytiruvchi koyeffitsiyent qoʻllanilishi;

baliqchilik uchun olingan suv hajmi suv oʻlchash uskunalari asosida aniqlanganda suv soligʻi stavkasiga 0,7 kamaytiruvchi koyeffitsiyent qoʻllanilishi belgilangan.

Yuqoridagi qarorlar ijrosini taʼminlash maqsadida 2025-yil hosili vegetatsiya davriga tumandagi jami 245 ta qishloq xoʻjaligi suv istemolchilari va boshqa suv isteʼmolchilari uchun cheklangan suv isteʼmoli limiti ishlab chiqildi. Ushbu limit 3ta ilova koʻrinishida Xalq deputatlari Quyi Chirchiq tuman Kengashi sessiyasiga jamoatchilik fikri asosida tasdiqlash uchun kiritilgan. 2025 yil hosili uchun ishlab chiqilgan suv isteʼmoli limiti xalq deputatlari Quyi Chirchiq tuman Kengashining 2025 yilning 3-iyunidagi VII-12-56-10-140-K/25-son sessiyasi qarori bilan tasdiqlangan.

Ushbu qaror boʻyicha tumanda belgilangan limit doirasida rejalashtirilgan ekinlarga oʻz vaqtida sugʻorish uchun suv yetkazib berilgan.

Jumladan gʻalla, paxta, sholi, makka, donli ekinlar, ozuqabob ekinlar, bogʻ-tokzorlar va baliqchilik xoʻjaliklariga teng taqsimlab berilgan.

Joriy yilning yozgi sugʻorish davri uchun jami 314,1 mln m³ suv yetkazib berish rejalashtirilgan boʻlib, amalda;

aprel oyi uchun 51,8 mln. m³

may oyi uchun 57,7 mln. m³

iyun oyi uchun 59,4 mln. m³

iyul oyi uchun 60,8 mln. m³

avgust oyi uchun 48,2 mln. m³

sentyabr oyi uchun 38,4 mln. m^3. rejaga nisbatan 100,7% suv sugʻorish uchun yetkazib berilgan.

Bulardan yonalishlari boʻyicha:

ekinlarni sugʻorishga 238,4 mln m³

baliqchilikka 77,3 mln m³

sanoat uchun 0,6 mln m³ suv isteʼmol qilish uchun yetkazib berilgan.

2025-2026-yillarning novegetatsiya davri uchun viloyat havza boshqarmasidan ekinlarni sugʻorish uchun cheklangan suv miqdori limiti tasdiqlangan. Ushbu tasdiqlangan limit boʻyicha Quyi Chirchiq tumani uchun jami 61,6 mln .m³ etib belgilangan. Jumladan;

ekinlarni sugʻorishga 38,4 mln m³

baliqchilikka 22,8 mln m³

sanoat uchun 0,4 mln m³ .

Ushbu limit doirasida xududlar kesimida fermer xoʻjaliklarning yer maydoni va ekin turidan kelib chiqib suv limitlari taqsimlangan.

Jumlada:

Paxtachi xududi maydoni 4322 ga, fermer va suv isteʼmolchilari soni 23 ta.

Mexnatobod xududi maydoni 3765 ga, fermer va suv isteʼmolchilari soni 8 ta.

Doʻstlik xududi maydoni 2529 ga, fermer va suv isteʼmolchilari soni 11 ta.

Yulduz xududi maydoni 1024 ga, fermer va suv isteʼmolchilari soni 9 ta.

Oʻjakent xududi maydoni 2404 ga, fermer va suv isteʼmolchilari soni 2 ta.

Abay xududi maydoni 6263 ga, fermer va suv isteʼmolchilari soni 45 ta.

Oʻzbekiston xududi maydoni 7013 ga, fermer va suv isteʼmolchilari soni 17 ta.

Toshovul xududi maydoni 2304 ga, fermer va suv isteʼmolchilari soni 15 ta.

Otajonov xududi maydoni 2590 ga, fermer va suv isteʼmolchilari soni 63 ta.

Ulugʻbek xududi maydoni 2727 ga, fermer va suv isteʼmolchilari soni 12 ta.

Guliston xududi maydoni 2417 ga, fermer va suv isteʼmolchilari soni 2 ta.

Yangi Xayot xududi maydoni 3400 ga, fermer va suv isteʼmolchilari soni 11 ta.

Beruniy xududi maydoni 4237 ga, fermer va suv isteʼmolchilari soni 16 ta.

Xamza xududi maydoni 2068 ga, fermer va suv isteʼmolchilari soni 1 ta.

Navoiy xududi maydoni 2880 ga, fermer va suv isteʼmolchilari soni 10 ta.

Jami sugʻoradigan ekin va baliqchilik xovuzlari maydoni 49940 ga.

Jami fermerlar va suv isteʼmolchilar soni 245 ta.

Quyi Chirchiq tumani boʻyicha 2025-2026-yillarning nosugʻorish mavsumiga talab etiladigan suv miqdori-61,6 mln m³.

Yuqoridagilardan kelib chiqib, Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarori ijrosini taʼminlash hamda 2025-2026-yillarning novegetatsiya davriga ekinlarni sugʻorish uchun cheklangan suv miqdori limitini tasdiqlash yuzasidan Quyi Chirchiq tuman “Suv yetkazib berish xizmati” DM rahbari J.Tashmuhamedovning hisobotini tinglab, Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarorining 4-bandiga muvofiq, Xalq deputatlari Quyi Chirchiq tuman Kengashi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarori ijrosini taʼminlash hamda 2025-2026-yillarning novegetatsiya davriga ekinlarni sugʻorish uchun cheklangan suv miqdori limitini tasdiqlash yuzasidan Quyi Chirchiq tumani Suv yetkazib berish xizmati davlat muassasasining rahbari J. Tashmuhamedovning hisoboti maʼlumot uchun qabul qilinsin.

2. Tuman hokimining qishloq va suv xoʻjaligi masalalari boʻyicha oʻrinbosari — tuman qishloq xoʻjaligi boʻlimi boshligʻi T. Saitmuradov va Quyi Chirchiq tuman “Suv yetkazib berish xizmati” davlat muassasasining rahbari J. Tashmuhamedovga:

Oʻzbekiston Respublikasi Prezidentining 2024-yil 5-yaanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarori 3-bandiga asosan:

belgilangan limitlar asosida isteʼmolchilarga suv yetkazib berish;

oʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

suv isteʼmolchilarining buyurtmanomasi asosida boshqa suv xoʻjaligi xizmatlarini koʻrsatish vazifalari yuklatilsin.

3. Quyi Chirchiq tumani "Suv yetkazib berish xizmati" DM birlamchi suvdan foydalanuvchilarga 2025-2026-yillar nosugʻorish mavsumiga ajratilgan cheklangan suv mikdori (LIMIT) 1-ilovaga muvofiq tasdiqlansin.

Quyi Chirchiq tumani "Suv yetkazib berish xizmati" DM birlamchi suvdan foydalanuvchilarga 2025-2026 yillar nosugʻorish mavsumiga kanallardan ajratilgan cheklangan suv mikdori (LIMIT) 2-ilovaga muvofiq tasdiqlansin.

Quyi Chirchiq tumani xududlar boʻyicha 2025-2026 yillarda novegetatsiya davri uchun isteʼmolchilar kesimida suv olish limiti 3-ilovaga muvofiq tasdiqlansin.

4. Mazkur qaror ijrosini nazorat qilish Agrar, qurilish, kommunal sohalar, ekologiya, sanoat va trasport masalalari boʻyicha doimiy komissisi (B. Abduraimov)ga, ijrosini taʼminlash tuman hokimining qishloq va suv xoʻjaligi masalalari boʻyicha oʻrinbosari — tuman qishloq xoʻjaligi boʻlimi boshligʻi T. Saitmuradov zimmasiga yuklansin.