“Mahalliy davlat hokimiyati toʻgʻrisida”gi (Oʻzbekiston Respublikasi Oliy Kengashining Axborotnomasi, 1993 y., 9-son, 320-modda), “Aholi bandligi toʻgʻrisida”gi (Qonun hujjatlari maʼlumotlari milliy bazasi, 20.10.2020 y., 03/20/642/1396-son; 02.04.2021 y., 03/21/681/0264-son;), “Nogironligi boʻlgan shaxslarning huquqlari toʻgʻrisida”gi (Qonun hujjatlari maʼlumotlari milliy bazasi, 15.10.2020 y., 03/20/641/1389-son) Oʻzbekiston Respublikasi qonunlariga hamda Oʻzbekiston Respublikasi Prezidentining 2025-yil 4-avgustdagi “Mehnat munosabatlari va rfsbga tayorlash tizimini takomillashtirish hamda ish beruvchilarni ragʼbatlantirishga oid qoʼshimcha chora-tadbirlar toʼgʼrisida”gi PF-126-Farmoni (Qonunchilik maʼlumotlari milliy bazasi, 08.08.2025-y., 06/25/126/0704-son), Oʻzbekiston Respublikasi Vazirlar Mahkamasining 2017-yil 5-dekabrdagi “Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish tartibini yanada takomillashtirish chora-tadbirlari toʻgʻrisida”gi 965-son qaroriga (Qonun hujjatlari maʼlumotlari milliy bazasi, 11.12.2017 y., 09/17/965/0393-son) asosan tumanda ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni (keyingi oʻrinlarda muhtojlar deb ataladi) ish bilan taʼminlash maqsadida, qaror qilaman:

1. Shovot tumanida 2026-yil uchun muhtojlarni ishga joylashtirish maqsadida, ish oʻrinlarini band qiladigan korxonalar, muassasalar va tashkilotlar roʻyxati 1-ilovaga muvofiq tasdiqlansin.

2. Ushbu qarorning 1-ilovasida koʻrsatilgan korxonalar, muassasalar va tashkilotlarda xodimlarning roʻyxat boʻyicha oʻrtacha sonidan kelib chiqqan holda 110 kishini tashkil etadigan ish oʻrni 100 foiz miqdorida, shu jumladan;

Nogironligi boʻlgan shaxslar uchun 3 foiz (3 kishi);

kambagʻal oilalar reyestridagi oilalarning aʼzolari uchun 92 foiz (103kishi);

muqobil joylashtirish shakllarida tarbiyalangan yetim vaota-ona qaramogʻidan mahrum boʻlgan shaxslar uchun 1foiz (1 kishi);

oilaviy (maishiy) zoʻravonlikdan jabrlangan shaxslar uchun 1 foiz (1kishi);

jazoni ijro etish muassasalaridan ozod qilingan shaxslar uchun 2 foiz (3 kishi) miqdorida ish oʻrinlarining majburiy zaxiralari shakllantiriladi.

3. Ushbu toifa shaxslar uchun ish oʻrinlari xodimlar tomonidan oʻzlarining mehnat majburiyatlarini toʻsiqlarsiz bajarishini taʼminlaydigan sanitariya-gigiena normalari va mehnat sharoitlariga muvofiq boʻlishi kerak.

4. Korxonalar, muassasalar va tashkilotlarda muhtojlarni ishga joylashtirish uchun band qilingan kasb va lavozimlar roʻyxati 2-ilovaga muvofiq tasdiqlansin.

5. Muhtojlar uchun ish oʻrinlarini band qilib qoʻyish boʻyicha mazkur qaror ijrosini bajarmagan korxonalar, muassasalar va tashkilotlarning mansabdor shaxslariga nisbatan davlat huquq mehnat inspektori tomonidan Oʻzbekiston Respublikasi Maʼmuriy javobgarlik toʻgʻrisidagi Kodeksning 50-moddasi talablariga muvofiq jarima solinadi.

6. Shovot tuman Kambagʼallikni qisqartirish va bandlikka koʻmaklashish boʼlimi bir hafta muddatda ushbu qarorni 1-ilovada koʻrsatilgan korxona, tashkilot va muassasalar rahbarlari eʼtiboriga yetkazsin.

7. Ushbu qaror 2026-yil 1-yanvardan kuchga kirishi munosabati bilan tuman hokimining 2025-yil 11-noyabrdagi 762-12-177-Q/24-son qarori oʻz kuchini yoʻqotgan deb hisoblansin.

8. Ushbu qaror tuman hokimligining rasmiy nashri hisoblangan “Shovot istiqboli” gazetasida eʼlon qilinsin.

9. Tuman hokimligining axborot xizmati boʻlimi (S. Yuldoshev) tuman hokimligi bosh yuriskonsulti bilan hamkorlikda (Z. Raximov);

mazkur qarorni tuman hokimligining shovot tuman.uz rasmiy veb-saytiga joylashtirsin;

Shovot tuman kambagʻalikni qisqartirish va bandlikka koʻmaklashish boʻlimi bilan birgalikda ushbu qarorning mazmun mohiyatini aholiga tushintirish ishlarini olib borsinlar.

10. Mazkur qarorning ijrosini taʼminlash tuman hokimining birinchi oʻrinbosari M. Abdolniyazov hamda qaror ijrosini nazorat qilish Shovot tuman Kambagʼallikni qisqartirish va bandlikka koʻmaklashish boʼlimi boshligʼi (U. Babajanov)lar zimmasiga yuklatilsin.