Soʻnggi yillarda mamlakatimizda amalga oshirilayotgan keng qamrovli islohotlar doirasida suv xoʻjaligi sohasida davlat boshqaruvi samaradorligini oshirish, suv resurslarini boshqarish tamoyillari va tizimini takomillashtirish borasida chora-tadbirlar amalga oshirilmoqda. Bugungi kunda suv resurslaridan foydalanish samaradorligini oshirish, suvdan foydalanish madaniyatini yuksaltirish orqali aholi ongida shakllangan “suv - tekin” tushunchasidan voz kechish hamda suvni tejaydigan sugʻorish texnologiyalarini kengaytirish borasida bir qator ishlar amalga oshirilmoqda.

Sugʻoriladigan yerlarning meliorativ holatini yaxshilash, suv resurslaridan foydalanish samaradorligini oshirish, ularning hisobini yuritish tizimini takomillashtirish, shuningdek, suv xoʻjaligi tashkilotlarining moddiy-texnik bazasini mustahkamlash boʻyicha ishlar izchil davom etmoqda.

Suv resurslarini boshqarish va suv xoʻjaligi obyektlaridan foydalanish tizimini yanada takomillashtirish, irrigatsiya va melioratsiya loyihalarini amalga oshirish samaradorligini taʼminlash, suv xoʻjaligini boshqarish sohasida bozor tamoyillari va mexanizmlarini joriy etish, shuningdek, ushbu sohada ilm-fanni rivojlantirish borasida ham bir qator ishlar amalga oshirilmoqda.

Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori ijrosini taʼminlash maqsadida Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-, 24-moddalariga asosan xalq deputatlari tuman Kengashi qaror qiladi:

1. Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori ijro uchun qabul qilinsin.

2. Oʻzbekiston Respublikasi Prezidentining 2024-yil 5-yanvar kungi PQ-5-sonli qarori 7-bandida Qoraqalpogʻiston Respublikasi Suv xoʻjaligi vazirligi va Qoraqalpogʻiston Respublikasi Qishloq xoʻjaligi vazirligi, irrigatsiya tizimlari havza boshqarmalari hamda hududiy qishloq xoʻjaligi boshqarmalari har yili 1-aprelga qadar vegetatsiya davri uchun va 1-oktabrga qadar kuz-qish davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan limit doirasida ishlab chiqadi va tasdiqlash uchun xalq deputatlari tuman Kengashlariga kiritishi belgilanganligi maʼlumot uchun qabul qilinsin.

3. Belgilansinki:

Ulugʻnor tumani boʻyicha 2025-2026 yillarning kuzgi-qishki mavsumida iqtisodiyot tarmoqlariga ajratilgan cheklangan suv miqdori 1-ilovaga muvofiq;

Ulugʻnor tumani boʻyicha 2025-2026 yillarning kuzgi-qishki mavsumida suv manbalaridan olinadigan cheklangan suv miqdori 2-ilovaga muvofiq;

Ulugʻnor tumanning 2025-2026 yillarda novegetatsiya mavsumi uchun sugʻorishga ajratilgan cheklangan suv limiti taqsimoti 3-ilovagamuvofiq;

Ulugʻnor tumanning 2025-2026 yillarda novegetatsiya mavsumi uchun sanoat texnik ehtiyojlari (PTN) taksimoti 4-ilovaga muvofiq;

Ulugʻnor tumanning 2025-2026 yillar novegetatsiya mavsumi uchun cheklangan suv limiti taqsimoti 5-ilovaga muvofiq;

Ulugʻnor tumani qishloq xoʻjaligi ekinlari gʻalla maydonlarining 2025-2026 yillarda novegetatsiya mavsumi uchun cheklangan suv limiti taqsimoti 6-ilovaga muvofiq;

Ulugʻnor tumani qishloq xoʻjaligi ekinlari sabzovat va boshqa ekin maydonlarining 2025-2026 yillarda novegetatsiya mavsumi uchun cheklangan suv limiti taqsimoti 7-ilovaga muvofiq;

Ulugʻnor tumani qishloq xoʻjaligi ekinlari beda maydonlarining 2025-2026 yillarda novegetatsiya mavsumi uchun cheklangan suv limiti taqsimoti 8-ilovaga muvofiq;

Ulugʻnor tumani qishloq xoʻjaligi ekinlari bogʻ va tok maydonlarining 2025-2026 yillarda novegetatsiya mavsumi uchun cheklangan suv limiti taqsimoti 9-ilovaga muvofiq;

Ulugʻnor tumani qishloq xoʻjaligi ekinlari tomorqa maydonlarining 2025-2026 yillar novegetatsiya mavsumi uchun cheklangan suv limiti taqsimoti 10-ilovaga muvofiq;

Ulugʻnor tumanida baliqchilik fermer xoʻjaliklarning 2025-2026 yillarda novegetatsiya mavsumi uchun cheklangan suv limiti taqsimoti 11-ilovaga muvofiq

Ulugʻnor tumanida fermer xoʻjaliklari boʻyicha 2025-2026 yillarning kuz-qish mavsumida shoʻrlangan yerlarni yuvish rejalari 12-ilovaga muvofiq tasdiqlansin.

4. Tuman hokimligi manfaatdor tashkilotlar bilan birgalikda sugʻorish tarmoqlarini xatlovdan oʻtkazish hamda ularning tegishliligi boʻyicha balansga berilishi va kadastr hujjatlari rasmiylashtirilishi choralarini koʻrsin.

5. Ulugʻnor tumani suv yetkazib berish xizmati davlat muassasasi rahbari A. Xaydarovga:

belgilangan limitlar asosida isteʼmolchilarga suv yetkazib berish;

tuman hududida suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

amalga oshirilgan ishlar yuzasidan tuman Kengashiga har yarim yillikda hisobot berish vazifalari yuklatilsin.

6. Mazkur qaror ijrosini nazorat qilish xalq deputatlari Ulugʻnor tumani Kengashining Agrar, suv xoʻjaligi va ekologiya masalalari boʻyicha doimiy komissiyasi raisi X. Xamidov zimmasiga yuklatilsin.

7. Ushbu qaror qabul qilingan kundan eʼtiboran kuchga kiradi.