Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining ijrosini taʼminlash, Oʻzbekiston Respublikasi Vazirlar Mahkamasining 2024-yil 9-fevraldagi 79-sonli qarorining 5-ilovasiga asosan Toʻrtkoʻl tumanida 2025-2026-yillarning kuz-qish mavsumi uchun ajratilgan cheklangan suv limitini tasdiqlash toʻgʻrisida tuman Suv yetkazib berish xizmati davlat muassasasi direktori M.Ibadullayevning taklifini tinglab va muhokama qilib Oʻzbekiston Respublikasining “Mahalliy davlat hokimyati toʻgʻrisida”gi Qonunining 6 va 24-moddalariga asosan xalq deputatlari Toʻrtkoʻl tumani Kengashi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori ijro uchun rahbarlikka olinsin.

2. Toʻrtkoʻl tumani Suv yetkazib berish xizmati davlat muassasasining tegishli tashkilotlar bilan birgalikda tumanda 2025-2026-yillarning kuz-qish mavsumi uchun ajratilgan cheklangan suv limitini tasdiqlash toʻgʻrisida tuman Suv yetkazib berish xizmati davlat muassasasi direktori M.Ibadullayevning taklifi maʼlumot uchun qabul qilinsin.

3. Toʻrtkoʻl tumani boʻyicha 2025-2026-yillar kuz-qish mavsumi uchun ajratilgan cheklangan suv olish limitlari:

Toʻrtkoʻl tumanidagi kanallar boʻyicha 2025-2026 yillar kuz-qish davrida ajratilgan cheklangan suv miqdori 1-ilovaga;

Toʻrtkoʻl tumanidagi hududlar boʻyicha 2025-2026 yillar kuz-qish davrida ajratilgan cheklangan suv miqdori 2-ilovaga;

Toʻrtkoʻl tumanidagi suv isteʼmolchilari boʻyicha 2025-2026 yillar kuz-qish davrida ajratilgan cheklangan suv miqdori 3-ilovaga asosan tasdiqlansin.

4. Tuman hokimining qishloq va suv xoʻjaligi masalalalri boʻyicha oʻrinbosari — qishloq xoʻjaligi boʻlimi boshligʻi (J. Xudaybergenov), Suv yetkazib berish xizmati davlat muassasasi direktori (M.Ibadullayev)larga:

ajratilgan suv olish limitlari doirasida irrigatsiya tizimi tuman suv yetkazib berish xizmati alohida ahamiyatga ega boʻlgan suv obyektlarining suv manbalari, iqtisodiyot tarmoqlari va har bir suvdan foydalanuvchi va suv isteʼmolchilar kesimida ularning suvga boʻlgan talablari asosida belgilangan suv olish limitlarini tasdiqlab, har bir suvdan foydalanuvchi va suv isteʼmolchilariga yetkazsin;

suv istemolchilari bilan ularga ajratilgan suv olish limitlari doirasida suvdan foydalanish yoki suv isteʼmoli toʻgʻrisidagi shartnomalarning tuzilishi hamda ularni belgilangan tartibda roʻyxatdan oʻtkazilishini taʼminlasin;

suvdan foydalanish yoki suv isteʼmoli toʻgʻrisidagi shartnomani tuzishda:

suv olish joylarini suvni boshqarish va hisobga olish (aholi tomorqa yerlari bundan mustasno) vositalari bilan jihozlash;

suv olish limitlari asosida suvdan foydalanish yoki suv isteʼmolining tasdiqlangan rejasi (kommunal-maishiy suv taʼminotidagi fuqarolar bundan mustasno);

suvdan maxsus foydalanish yoki suvni maxsus isteʼmol qilish uchun berilgan ruxsatnomalarning boʻlishi majburiy talab hisoblanishi eʼtiborga olinsin;

suv resurslarini samarali boshqarish maqsadida barcha suv olish nuqtalaridagi gidropostlarning mavjudligi va sifatli taʼmirlanganligini koʻrib chiqib, mavjud kamchiliklarni zudlik bilan bartaraf etsin hamda har bir suv olish inshootlari jihozlanishini taʼminlasin;

suvni samarali boshqarish va ulardan maqsadli hamda tejamli foydalanish boʻyicha oʻquv seminar va tushuntirish ishlarini olib borsin;

har bir suv olish inshooti, nasos stansiyasi boʻyicha suvning ikki (uch) tomonlama kundalik hisob jurnali, hisobi va hisobotini belgilangan tartibda olib borishini taʼminlasin.

5. Tuman hokimining qishloq va suv xoʻjaligi masalalari boʻyicha oʻrinbosari — qishloq xoʻjaligi boʻlimi boshligʻi (J. Xudaybergenov), tuman Suv yetkazib berish xizmati davlat muassasa direktori (M. Ibadullayev) bilan hamkorlikda suvdan maqsadli va samarali foydalanish vazifasi yuklatilsin.

6. Suv yetkazib berish xizmati davlat muassasasi joylarda suv resurslarini samarali boshqarish va ulardan maqsadli foydalanish boʻyicha monitoring olib borilishini hamda mavjud kamchiliklarni bartaraf etish boʻyicha zarur choralar koʻrish va suv yetishmovchiligining oldini olish boʻyicha masʼul etib belgilansin.

7. Ushbu qarorning bajarilishini taʼminlash vazifasi Suv yetkazib berish xizmati davlat muassasa direktori (M. Ibadullayev) va qaror ijrosini nazorat qilish xalq deputatlari tuman Kengashining Agrar, suv xoʻjaligi va ekologiya masalalari boʻyicha doimiy komissiyasi raisi (Sh. Kilichov) zimmalariga yuklatilsin.

8. Tuman hokimligining Axborot xizmati rahbari (M. Bekchanova)ga mazkur qarorni tuman hokimligining rasmiy veb-saytiga joylashtirish va ommaviy axborot vositalarida eʼlon qilish vazifasi yuklansin.

9. Ushbu qaror rasmiy eʼlon qilingan kundan kuchga kiradi.