Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining ijrosini taʼminlash, Oʻzbekiston Respublikasi Vazirlar Mahkamasining 2024-yil 9-fevraldagi 79- sonli qaroriga asosan, Qumqoʻrgʻon tumanida 2025-2026-yillarning kuzgi-qishgi mavsumi uchun ajratilgan cheklangan suv limitini tasdiqlash toʻgʻrisida tuman “Suv yetkazib berish xizmati” davlat muassasasining xatini inobatga olib, Oʻzbekiston Respublikasinig “Mahalliy davlat hokimiyati toʻgʻrisida”gi Qonunining 6,24-moddalariga muvofiq xalq deputatlari Qumqoʻrgʻon tuman Kengashi qaror qiladi:

1. Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli Qarori ijro uchun rahbarlikka olinsin.

2. Qumqoʻrgʻon tumani Suv yetkazib berish xizmati davlat muassasasining tegishli tashkilotlar bilan birgalikda tumanda 2025-2026-yillarning kuzgi-qishgi mavsumi uchun ajratilgan cheklangan suv limitini tasdiqlash toʻgʻrisida tuman “Suv yetkazib berish xizmati” davlat muassasasi direktori J. Eshtemirovning taklifi maʼlumot uchun qabul qilinsin.

3. 2025-2026 yillarning kuzgi-qishqi mavsumi uchun oʻrnatilgan cheklangan suv miqdori limiti 1-2-3-4-5-ilovaga muvofiq tasdiqlansin;

4. Tuman hokimining qishloq va suv xoʻjaligi masalalari boʻyicha oʻrinbosari O. Shernazarov, Qishloq xoʻjaligi boʻlimi J.Rahmonov, tuman Suv yetkazib berish xizmati davlat muassasa direktori J. Eshtemirovlarga;

belgilangan limitlar asosida isteʼmolchilarga suv yetkazibberish;

oʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish choralarini koʻrsin.

5. Mazkur qaror “Qumqoʻrgʻon sadosi” gazetasida, ommaviy axborot vositalarida eʼlon qilinsin hamda hokimlikning rasmiy veb-saytiga joylashtirilsin.

6. Mazkur qaror ijrosini nazorat qilish xalq deputatlari tuman Kengashining Agrar, suv xoʻjaligi va ekologiya masalalari boʻyicha doimiy komissiyasi zimmasiga yuklalin.

7. Ushbu qaror qabul qilingan kundan kuchga kiradi.