Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararına muwapıq, sonday-aq Kegeyli rayonlıq “Suw jetkerip beriw xızmeti” mámleketlik mákemesiniń 2025-jıl 23-sentyabrdegi 01/1-16-135-sanlı Kegeyli rayonında 2025-2026-jıllarda gúz-qıs dáwirinde shor juwıw ushın suw alıw limitlerin tastıyıqlaw haqqındaǵı usınıs xatın qarap shıǵıp hámde «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń 21-statyasına muwapıq Xalıq deputatları Kegeyli rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararınıń 7-bántindegi berilgen wazıypalar orınlaw ushın basshılıqqa alınsın.

2. Kegeyli rayonı “Suw jetkerip beriw xızmeti” mámleketlik mákemesiniń 2025 jıl 23-sentyabrdegi 01/1-16-135-sanlı Kegeyli rayonında 2025-2026-jıllarda gúz-qıs dáwirinde shor juwıw ushın suw alıw limitlerin tastıyıqlaw haqqındaǵı usınısı maqullansın.

3. Kegeyli rayonı 2025-2026-jıllarda gúz-qıs dáwirinde shor juwıw ushın suw alıw limitleri qosımshaǵa muwapıq tastıyıqlansın.

4. Kegeyli rayonı “Suw jetkerip beriw xızmeti” mámleketlik mákemesi (K.Temirxanov), tiyisli mákemeler hám shólkemler menen birgelikte:

- Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-2026-jıllarda gúz-qıs dáwirinde shor juwıw ushın ajıratılǵan limitler tiykarında fermerler xojalıqlarına suwdı retlestirip jetkerip beriw boyınsha zárúr ilajlar belgilesin;

5. Usı sheshimniń orınlanıwın qadaǵalaw Xalıq deputatları Kegeyli rayonlıq Keńesiniń agrar, suw xojalıǵı máseleleri hám ekologiya boyınsha turaqlı komissiyasına hámde Kegeyli rayonı hákiminiń awıl hám suw xojalıǵı máseleleri boyınsha orınbasarına júklensin.

6. Sheshim qabıl etilgen kúnnen baslap kúshke kiredi.