"Xalıqtıń bántligi haqqında"ǵı Ózbekstan Respublikası Nızamınıń 9-babı hám Ministrler Kabinetiniń 2017-jıl 5-dekabrdegi 965-sanlı qararı menen tastıyıqlanǵan "Sociallıq qorǵawǵa mútáj, jumıs tabıwda qıyınshılıqqa ushırap atırǵan hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń az sanın belgilew hám rezervke qoyıw tártibi haqqında"ǵı Rejege tiykarlanıp 2026-jıl ushın jumıs orınların bántlep qoyıw maqsetinde, "Jergilikli mámleketlik hákimiyat haqqında"ǵı Ózbekstan Respublikası Nızamınıń 6 hám 24-statyalarına tiykarlanıp xalıq deputatları Kegeyli rayonlıq Keńesi sheshim etedi:

1. Tómendegiler:

a) Ózbekstan Respublikası Prezidentiniń "Ózbekstan Respublikasında jergilikli mámleketlik hákimiyat wákillikli uyımları jumısın 2030-jılǵa shekem rawajlandırıw koncepciyasın tastıyıqlaw haqqında"ǵı 2025-jıl 23-iyundaǵı PP-98-sanlı Pármanına tiykarlanıp sociallıq qorǵawǵa mútáj, jumıs tabıwda qıynalıp atırǵan hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń az sanın belgilew hám rezervke qoyıw wákillikleri Xalıq deputatları jergilikli Keńeslerine ótkerilgenligi;

b) Ózbekstan Respublikası Prezidentiniń "Miynet qatnasıqları hám kásipke tayarlaw sistemasın jetilistiriw jáne jumıs beriwshilerdi xoshametlewge baylanıslı qosımsha ilajlar haqqında"ǵı 2025-jı l4-avgusttaǵı PP-126-sanlı Pármanına tiykarlanıp:

xojalıq júrgiziwshi subektler tek ǵana mayıplıǵı bolǵan shaxslar, shańaraqlıq (turmıslıq) zorlıqtan jábirlengen shaxslar, kámbaǵal shańaraqlar reestrindegi shańaraqlardıń aǵzaları, alternativ jaylastırıw túrlerinde tárbiyalanǵan jetimler, ata-ana qaramaǵınan ayırılǵan shaxslar ushın jumıs orınlarınıń májbúriy rezervleri qáliplestiriliwi, bunda májbúriy rezervlew xızmetkerlerdiń ulıwma sanınıń 3 procentinen aspawı hám xızmetkerleriniń sanı 100 den aslam bolǵan shólkemlerge qollanılıwı;

byudjet shólkemleri hám mámleketlik úlesi 50 procentten joqarı bolǵan kárxanalar tek ǵana mayıplıǵı bolǵan shaxslar, shańaraqlıq (turmıslıq) zorlıqtan jábirlengen shaxslar, kámbaǵal shańaraqlar reestrindegi shańaraqlardıń aǵzaları, alternativ jaylastırıw túrlerinde tárbiyalanǵan jetimler, ata-ana qaramaǵınan ayırılǵan shaxslar, jazanı orınlaw mákemelerinen azat etilgen jáne adam sawdasınan jábirlengen shaxslar ushın jumıs orınlarınıń májbúriy rezervleri qáliplestiriletuǵını, bunda májbúriy rezervlew xızmetkerler ulıwma sanınıń 7 procentinen aspawı hám xızmetkerleri sanı 20 dan aslam bolǵan shólkemlerge qollanılatuǵını belgilengenligi basshılıq hám orınlaw ushın qabıl etilsin.

Kegeyli rayonlıq Kámbaǵallıqtı qısqartıw hám bántlikke kómeklesiw bólimi hám Kegeyli rayonlıq "Insan" sociallıq xızmetler orayınıń Kegeyli rayonı aymaǵındaǵı shólkemler boyınsha 2026-jılı xalıqtıń sociallıq járdemge mútáj kategoriyaları ushın jumıs orınların belgilew haqqındaǵı tómendegi usınısları maqullansın:

xızmetkerler sanı 20 dan aslam bolǵan mámleketlik shólkemlerde májbúriy rezervlenetuǵın jumıs orınlarınıń sanı xızmetkerler ulıwma sanınıń jeti procentinen aspaǵan muǵdarda jáne xızmetkerler sanı 100 den artıq bolǵan xojalıq júrgiziwshi subektlerde (mámleketlik úlesi 50 procentten joqarı bolǵan kárxanalar buǵan kirmeydi) májbúriy rezervlenetuǵın jumıs orınlarınıń sanı xızmetkerler ulıwma sanınıń úsh procentinen aspaǵan muǵdarda kelesi jıl ushın 30 jumıs ornın rezervke qoyıw, sonıń ishinde:

mayıplıǵı bolǵan shaxslar ushın 10 procent (3 adam);

shańaraqlıq (turmıslıq) zorlıqtan jábirlengen shaxslar ushın 6,6 procent (2 adam);

kámbaǵal shańaraqlar reestrindegi shańaraqlardıń aǵzaları ushın 56,7 procent (17 adam);

alternativ jaylastırıw túrlerinde tárbiyalanǵan jetim hám ata-ana qaramaǵınan ayırılǵan shaxslar ushın 23,4 procent (7 adam);

jazanı orınlaw mákemelerinen azat etilgen shaxslar ushın 3,3 procent (1 adam) muǵdarında jumıs orınlarınıń májbúriy rezervleri qáliplestiriledi.

3. 2026-jılı xalıqtıń sociallıq járdemge mútáj kategoriyaların jumısqa jaylastırıw maqsetinde tómendegiler:

mámleketlik shólkemler (byudjet shólkemleri hám mámleketlik úlesi 50 procentten joqarı bolǵan kárxanalar) tárepinen májbúriy rezervlestiriletuǵın jumıs orınlarınıń mánzilli dizimi 1-qosımshaǵa muwapıq;

xızmetkerleriniń dizimdegi ortasha jıllıq sanı júzden aslamdı quraytuǵın xojalıq júrgiziwshi subektler (mámleketlik úlesi 50 procentten joqarı bolǵan kárxanalar buǵan kirmeydi) tárepinen májbúriy rezervlestiriletuǵın jumıs orınlarınıń mánzilli dizimi 2-qosımshaǵa muwapıq tastıyıqlansın.

4. Kárxanalar, shólkemler hám mákemeler basshıları:

rezervke qoyılatuǵın jumıs orınları ulıwma sanınıń keminde jigirma bes procenti muǵdarında rezervke qoyılatuǵın jumıs orınlarınıń tayarlıǵın jıldıń baslanıwınan keminde on kún aldın támiyinlewi, sonday-aq, bul haqqında jıldıń baslanıwına shekem Kegeyli rayonı Kámbaǵallıqtı qısqartıw hám bántlikke kómeklesiw bólimin xabardar etedi;

jumıs orınlarınıń qalǵan bólegin rezervke qoyıw shólkem (jumıs beriwshi) tárepinen kalendar jıldıń birinshi sheregi dawamında támiyinleniwi, bul haqqında Kegeyli rayonı Kámbaǵallıqtı qısqartıw hám bántlikke kómeklesiw bólimin birinshi sherek juwmaqlanǵannan soń, 10 kúnnen keshiktirmey xabardar etedi;

jumısqa jaylastırıw haqqında Kegeyli rayonı Kámbaǵallıqtı qısqartıw hám bántlikke kómeklesiw bólimine hár ayda, esap beriw ayınan keyingi aydıń 5-sánesine shekem málimleme usınadı.

Rezervke qoyılatuǵın jumıs orınların saqlaw shártleri Ózbekstan Respublikasınıń "Xalıqtıń bántligi haqqında"ǵı Nızamınıń 40-statyasına muwapıq belgilengen tártipte ámelge asırıladı.

5. Ózbekstan Respublikası Prezidentiniń "Xalıqtı isbilermenlikke tartıw hám bántligin támiyinlew ushın finanslıq járdemler ajıratıw sistemasın jetilistiriwge baylanıslı qosımsha ilajlar haqqında"ǵı 2025-jıl 14-fevraldaǵı PQ-64-sanlı qararına muwapıq xalıqtıń sociallıq járdemge mútáj kategoriyalarınan bolǵan shaxslardı jumıs orınlarınıń belgilengen eń az sanınan artıq muǵdarda jumısqa qabıl etiw ushın jumıs beriwshilerge - hár bir xızmetker ushın 12 ay dawamında hár ayda bazalıq esaplaw muǵdarınıń 2 esesi muǵdarında subsidiya qarjıların tólep berilsin.

6. Ózbekstan Respublikasınıń "Xalıqtıń bántligi haqqında"ǵı Nızamı 3-, 13-, 34-, 38-, 39-, 40-, 41-statyalarına tiykarlanıp xalıqtıń sociallıq járdemge mútáj kategoriyalarına eń az muǵdardaǵı jumıs orınların jaratıw boyınsha qabıl etilgen usı qarardı orınlamaǵanı ushın jumıs beriwshiler nızamshılıqta belgilengen tártipte juwapkershilikke tartıladı.

7. Ózbekstan Respublikası Ministrler Kabinetiniń 2017-jıl 5-dekabrdegi 965-sanlı qararı menen tastıyıqlanǵan "Sociallıq qorǵawǵa mútáj, jumıs tabıwda qıyınlasıp atırǵan hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń az sanın belgilew hám rezervke qoyıw tártibin bunnan bılay da jetilistiriw ilajları haqqında"ǵı Rejeniń 21-bánti, 2-bólimine tiykarlanıp, mútájler ushın jumıs orınların rezervke qoyıw boyınsha Kegeyli rayonlıq Keńesiniń qararı orınlanbaǵanı ushın járiyma tólew shólkemdi rezervke qoyılatuǵın jumıs orınlarınıń belgilengen sanın jaratıw boyınsha minnetlemeden azat etpeydi.

8. Kegeyli rayonı Kámbaǵallıqtı qısqartıw hám bántlikke kómeklesiw bólimi S.Seytibaev:

bes kún múddette usı qarardıń nusqasın 1 hám 2-qosımshalarda kórsetilgen shólkemlerdiń basshılarına jetkersin hám usı qarardıń orınlanıwı ústinen qadaǵalawdı támiyinlesin.

xalıqtıń sociallıq járdemge mútáj kategoriyaları ushın jumıs orınlarınıń eń az sanın belgilew boyınsha xalıq deputatları Kegeyli rayonlıq Keńesiniń usı qararı orınlanbaǵanda, sonday-aq olardı jumısqa qabıl etiwdiń tiykarsız túrde biykarlanǵanı ushın shólkemlerdiń lawazımlı shaxslarına nızam hújjetlerinde belgilengen tártipte hákimshilik juwapkershilikke tartıw támiyinlensin.

9. Kegeyli rayonı hákiminiń 2024 jılı 9-oktyabr kúngi 2025-jılda sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilew haqqında» 241-13-184-Q/24-salı sheshimi óz kúshin joytqan dep esaplansın.

10. Usı qarar ǵalaba xabar qurallarında járiyalansın hám hákimliktiń rásmiy veb-saytına jaylastırılsın.

11. Usı qarardıń orınlanıwın qadaǵalaw Xalıq deputatları rayonlıq Keńesiniń sociallıq taraw, jaslar siyasatı, mádeniyat hám sport máseleleri boyınsha turaqlı komissiyası (A.Allaniyazova)na júkletilsin

12. Usı qarar qabıl etilgen kúnnen kúshke kiredi.