Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararına muwapıq, Qaraqalpaqstan Respublikası Suw xojalıǵı Ministrliginiń 2025-jıl 17-sentyabr kúngi 185-sanlı buyrıǵına tiykarlanıp Bozataw rayonlıq “Suw jetkerip beriw xızmeti” mámleketlik mákemesiniń 2025-jıl 22-sentyabrdegi 01/01-342-sanlı Bozataw rayonında 2025-2026-jıllarda gúz-qıs dáwirinde shor juwıw ushın suw alıw limitlerin tastıyıqlaw haqqındaǵı usınıs xatın qarap shıǵıp, «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń 21-statyasına muwapıq Xalıq deputatları Bozataw rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvarьdaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararınıń 7-bántindegi berilgen wazıypalar orınlaw ushın basshılıqqa alınsın.

2. Bozataw rayonı “Suw jetkerip beriw xızmeti” mámleketlik mákemesiniń 22-sentyabrdegi 01/01-342-sanlı Bozataw rayonında 2025-2026-jıllarda gúz-qıs dáwirinde shor juwıw ushın suw alıw limitlerin tastıyıqlaw haqqındaǵı usınısı maqullansın.

3. Bozataw rayonı 2025-2026-jıllarda gúz-qıs dáwirinde shor juwıw ushın suw alıw limitleri qosımshaǵa muwapıq tastıyıqlansın.

4. Bozataw rayonı “Suw jetkerip beriw xızmeti” mámleketlik mákemesi (I. Artıqbaev), tiyisli mákemeler hám shólkemler menen birgelikte:

Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-2026-jıllarda gúz-qıs dáwirinde shor juwıw ushın ajıratılǵan limitler tiykarında fermerler xojalıqlarına suwdı retlestirip jetkerip beriw boyınsha zárúr ilajlar belgilesin;

5. Usı sheshimniń orınlanıwın qadaǵalaw Xalıq deputatları Bozataw rayonlıq Keńesiniń agrar, suw xojalıǵı máseleleri hám эkologiya boyınsha turaqlı komissiyasına hámde Bozataw rayonı hákiminiń awıl hám suw xojalıǵı máseleleri boyınsha orınbasarına júklensin.

6. Sheshim qabıl etilgen kúnnen baslap kúshke kiredi.