Ózbekstan Respublikasınıń “Geografiyalıq obyektlerdiń atamaları haqqında”ǵı Nızamınıń 9, 10-statyaları, Ózbekstan Respublikası Ministrler Kabinetiniń 2014-jıl 4-marttaǵı “Qalalar, posyolkalar, awıllar hám awıllardıń máhállelerin dúziw, birlestiriw, bóliw hám tamamlaw, sonıń menen birge olardıń shegaraların belgilew hám ózgertiw, olarǵa atama beriw hám olardıń atın ózgertiw tártibi haqqındaǵı Nızamdı tastıyıqlaw haqqında”ǵı 48-sanlı sheshimi, Geografiyalıq obyektlerge atama beriw hám qayta atama beriw máseleleri boyınsha Qaraqalpaqstan Respublikası Ministrler Keńesi komissiyasınıń 2025-jıl 7-maydaǵı 11-04/5-05/1347-sanlı usınısı menen ótkerilgen, Ekonomika hám qarjı ministrligi janındaǵı Kadastr agentliginiń 2025-jıl 23-may kúngi 05-19/8265-sanlı ekspertiza juwmaǵına tiykar hám Ózbekstan Respublikası «Jergilikli mámleketlik hákimiyat haqqında»ǵı Nızamınıń 6-statyası talaplarına muwapıq, Xalıq deputatları Shomanay rayonlıq Keńesi sheshim etedi:

1. Geografiyalıq obyektlerge atama beriw hám qayta atama beriw máseleleri boyınsha Ekonomika hám qarjı ministrligi janındaǵı Kadastr agentliginiń 2025-jıl 23-may kúngi 05-19/8265-sanlı ekspertiza juwmaǵına muwapıq rayon hákimliginiń Geografiyalıq obyektlerge atama beriw haqqındaǵı usınısı maqullansın.

2. Xalıq deputatları Shomanay rayonlıq Keńesiniń 2020-jıl 14-dekabr kúngi 22/85-sanlı sheshimi qosımshasına ózgeris kiritilsin.

3. Ekonomika hám qarjı ministrligi janındaǵı Kadastr agentliginiń 2025-jıl 23-may kúngi 05-19/8265-sanlı ekspertiza juwmaǵına muwapıq bolǵan kóshe atamaları dizimi 1-qosımshaǵa muwapıq tastıyıqlansın.

4. Rayon Statistika bólimi rayon hákimligi menen birgelikte:

- atama berilgen Geografiyalıq obyektlerdi mámleketlik dizimnen ótkeriw hám elektron bazanı qáliplestiriw, jumıs júrgiziw hújjetlerine tiyisli ózgertiwler kirgiziw menen baylanıslı barlıq ilajlardı ámelge asırsın.

5. Rayonlıq Ishki isler bólimi (U.Xudayberganov)ne:

- jańadan atalǵan kóshelerde jasawshı xalıqtıń puqaralıq pasportlarına, usı aymaq sáwlelendirilgen jol belgilerine tiyisli ózgertiwler kirgiziw jumısların shólkemlestirilgen túrde ámelge asırsın.

6. Rayon Qurılıs hám úy-jay kommunal xızmeti bólimi (A.Sapashov)ne:

- aymaqlarda jańa atama berilgen maydanlardıń jańa atları jazılǵan kórsetkish hám belgilerin zamanagóy dizayn tiykarında basqıshpa-basqısh ornatılıwın támiyinlesin.

7. Usı qarar “Shomanay nurı” gazetasında rásmiy daǵaza etilsin hám hákimliktiń rásmiy veb-saytına jaylastırılsın, bul qarar rásmiy daǵaza etilgen kúnnen baslap kúshke kiredi.

8. Usı sheshimniń orınlanıwın qadaǵalaw Xalıq deputatları Shomanay rayonlıq Keńesiniń Sociallıq taraw, jaslar siyasatı, mádeniyat hám sport máseleleri boyınsha turaqlı komissiyası (D.Ibadullaeva)na júklensin.