Ózbekstan Respublikası Prezidentiniń 2024-jıl 5-yanvardaģı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ģı PQ-5-sanlı qarararınıń orınlanıwın támiyinlew haqqında Ózbekstan Respublikası Ministrler Kabinetiniń 2024-jıl 9-fevraldaģı 79-sanlı qararınıń 5-qosımshasına tiykar, Nókis qalasında 2025-2026-jıldıń shor juwıw dáwiri ushın fermerler kesiminde egin túrlerine qarap 19,4 mln. m3 suw hámde balıq jetistiriw ushın 0,5 mln. m3 limitin tastıyıqlaw haqqında Nókis rayonı “Suw jetkerip beriw xızmeti” mámleketlik mákemesi direktorı D.Usakovtıń esabatın tıńlap hám kórip shıģıp, Ózbekstan Respublikasınıń “Jergilikli mámleketlik hákimiyat haqqında”ģı Nızamınıń 24-statyalarına muwapıq Xalıq deputatları Nókis qalalıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaģı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ģı PQ-5-sanlı qararları tiykarında qala aymaģında suwdıń esabı hám esabatın júrgiziw jumıslarınıń orınlawı basshılıqqa alınsın.

2. Nókis rayonı “Suw jetkerip beriw xızmeti” mámleketlik mákemesiniń tiyisli shólkemler menen birgelikte awıl xojalıģına mólsherlengen jerlerdi suwģarıw ushın paydalanılģan suw kólemi, sonday-aq, diyxan xojalıqları hám awıl xojalıģına mólsherlengen jerlerde suw resurslarınan paydalanģanlıģı ushın salıq tólemlerin belgilengen múddetlerde óndiriw ilajları haqqında hám Qaraqalpaqstan Respublikası suw xojalıģı ministrliginiń 2025-jıl 18-sentyabr kúngi 01-14-3-640-sanlı xatına tiykar, Nókis qalasında 2025-2026-jıldıń shor juwıw dáwiri ushın fermerler kesiminde egin túrlerine qarap 19,4 mln. m3 suw hámde balıq jetistiriw ushın 0,5 mln. m3 limitin tastıyıqlaw haqqında Nókis rayonı “Suw jetkerip beriw xızmeti” mámleketlik mákemesi direktorı (D.Usakov)nıń esabatı maģlıwmat ushın qabıl etilsin.

3. 2025-2026-jıldıń shor juwıw dáwiri ushın fermerler kesiminde egin túrlerine qarap 19,4 mln. m3 suw hámde balıq jetistiriw ushın 0,5 mln. m3 limiti maqullansın hám 1-qosımshaģa muwapıq tastıyıqlansın.

Bunda, Ózbekstan Respublikası Salıq kodeksiniń 445-statyası 4-bólimine muwapıq suwdan paydalanıw ushın belgilengen limitlerden artıqsha suw alınģanda, bunday artıqsha bólek boyınsha salıq stavkaları belgilengen salıq stavkalarınıń bes esesi muģdarında belgilenetiġınlıġı inábatqa alınsın.

4. Nókis qalası hákiminiń birinshi orınbasarı (M.Kannazarov), Nókis qalalsı hákiminiń qurılıs, kommunikaciyalar, kommunal xojalıģı, ekologiya hám kóklemzarlastırıw máseleleri boyınsha orınbasarı (A.Nietullaev), Nókis qalası mámleketlik salıq inspekciyası (A.Seytov), Nókis rayonı “Suw jetkerip beriw xızmeti” mámleketlik mákemesi (D.Usakov) menen birgelikte:

Ózbekstan Respublikası Ministrler Keńesiniń 2024-jıl 9-fevral kúngi 79-sanlı qararınıń 5-qosımshasına tiykar fermerler kesiminde ajratılģan suw alıw limitleri tiykarında qala aymaģında suwdıń esabı hám esabatın júrgiziw jumısları shólkemlestirilsin;

2025-2026-jıldıń shor juwıw dáwiri ushın fermerler kesiminde egin túrlerine qarap jerlerdiń shorın juwıw ushın belgilengen limitler tiykarında tutınıwshılarģa suw jetkiziw ilajların ámelge asırsın;

ózine biriktirilgen aymaqta suwdıń esabı hám esabatın júrgizsin;

suwģarıw tarmaqları hám olardaģı gidrotexnikalıq imaratlardı, saz jaģdayda saqlaw, remontlaw-qayta tiklew ilajların ámelge asırsın;

5. Nókis qalası salıq inspekciyası (A.Seytov) Nókis rayonı “Suw jetkerip beriw xızmeti” mámleketlik mákemesi (D.Usakov) tiyisli shólkemler menen birgelikte awıl xojalıģına mólsherlengen jerlerdi suwģarıw ushın paydalanılģan suw kólemi, sonday-aq, diyxan xojalıqları hám awıl xojalıģına mólsherlengen jerlerge iye bolģan yuridikalıq hám fizikalıq shaxslar ushın suw resurslarınan paydalanģanlıģı ushın salıq tólemlerin belgilengen tártipte hám múddetlerde óndiriw ilajları kórilsin.

6. Nókis qalası hákimliginiń málimleme xızmeti (E.Sagalatdinova), qalalıq «Paytaxt» gazetası (ģ.Berdibaev), qalada 2025-2026-jıldıń shor juwıw dáwiri ushın fermerler kesiminde egin túrlerine qarap tastıyıqlanģan suw limit boyınsha ámelge asırılıp atırģan jumıslardıń barısı haqqında qalahákimliginiń rásmiy veb-saytı hámde ģalaba xabar qurallarında jarıtıp barıw tapsırılsın.

7. Usı sheshimniń orınlanıwın tamiyinlew Nókis qalası hákiminiń birinshi orınbasarı (M.Kannazarov), Nókis qalalsı hákiminiń qurılıs, kommunikaciyalar, kommunal xojalıģı, ekologiya hám kóklemzarlastırıw máseleleri boyınsha orınbasarı (A.Nietullaev)na júklensin.

8. Usı sheshimniń orınlanıwın qadaģalaw Xalıq deputatları Nókis qalalıq Keńesiniń Agrar, suw xojalıģı hám ekologiya máseleleri boyınsha turaqlı komissiyası (K.Kalenderov)na júklensin.

9. Sheshim rásmiy járiyalanġan kúnnen baslap kúshke kiredi.