"Xalıqtıń bántligi haqqında"ģı Ózbekstan Respublikası Nızamınıń 9-babı hám Ministrler Kabinetiniń 2017-jıl 5-dekabrdegi 965-sanlı qararı menen tastıyıqlanģan "Sociallıq qorģawģa mútáj, jumıs tabıwda qıynalıp atırģan hám miynet bazarında teń shártlerde básekilese almaytuģın shaxslardı jumısqa jaylastırıw ushın jumıs orınlarınıń eń az sanın belgilew hám rezervke qoyıw tártibi haqqında"ģı Rejege tiykarlanıp 2026- jıl ushın jumıs orınların bántlep qoyıw maqsetinde, "Jergilikli mámleketlik hákimiyat haqqında"ģı Ózbekstan Respublikası Nızamınıń 6 hám 24-statyalarına tiykarlanıp xalıq deputatları Taxtakópir rayonlıq Keńesi sheshim etedi:

1)Tómendegiler:

a) Ózbekstan Respublikası Prezidentiniń "Ózbekstan Respublikasında jergilikli mámleketlik hákimiyat wákillikli uyımları jumısın 2030-jılģa shekem rawajlandırıw koncepciyasın tastıyıqlaw haqqında"ģı 2025-jıl 23-iyundaģı PP-98-sanlı Pármanına tiykarlanıp sociallıq qorģawģa mútáj, jumıs tabıwda qıynalıp atırģan hám miynet bazarında teń shártlerde básekilese almaytuģın shaxslardı jumısqa jaylastırıw ushın jumıs orınlarınıń eń az sanın belgilew hám rezervke qoyıw wákillikleri Xalıq deputatları jergilikli Keńeslerine ótkerilgenligi;

b) Ózbekstan Respublikası Prezidentiniń "Miynet qatnasıqları hám kásipke tayarlaw sistemasın jetilistiriw jáne jumıs beriwshilerdi xoshametlewge baylanıslı qosımsha ilajlar haqqında"ģı 2025-jıl 4-avgusttaģı PP-126-sanlı Pármanına tiykarlanıp: xojalıq júrgiziwshi subektler tek ģana mayıplıģı bolģan shaxslar, shańaraqlıq (turmıslıq) zorlıqtan jábirlengen shaxslar,kámbaģalshańaraqlar reestrindegi shańaraqlardıń aģzaları, alternativ jaylastırıw túrlerinde tárbiyalanģan jetimler, ata-ana qaramaģınan ayırılģan shaxslar ushın jumıs orınlarınıń májbúriy rezervleri qáliplestiriliwi bunda májbúriy rezervlew xızmetkerlerdiń ulıwma sanınıń 3 procentinen aspawı hám xızmetkerleriniń sanı 100 den aslam bolģan shólkemlerge qollanılıwı;

byudjet shólkemleri hám mámleketlik úlesi 50 procentten joqarı bolģan kárxanalar tek ģana mayıplıģı bolģan shaxslar, shańaraqlıq (turmıslıq) zorlıqtan jábirlengen shaxslar, kámbaģal shańaraqlar reestrindegi shańaraqlardıń aģzaları, alternativ jaylastırıw túrlerinde tárbiyalanģan jetimler, ata-ana qaramaģınan ayırılģan shaxslar, jazanı orınlaw mákemelerinen azat etilgen jáne adam sawdasınan jábirlengen shaxslar ushın jumıs orınlarınıń májbúriy rezervleri qáliplestiriletuģını, bunda májbúriy rezervlew xızmetkerler ulıwma sanınıń 7 procentinen aspawı hám xızmetkerleri sanı 20 dan aslam bolģan shólkemlerge qollanılatuģını belgilengenligi basshılıq hám orınlaw ushın qabıl etilsin.

2. Taxtakópir rayonlıq Kámbaģallıqtı qısqartıw hám bántlikke kómeklesiw bólimi hám Taxtakópir rayonlıq "Insan" sociallıq xızmetler orayınıń Taxtakópir rayonı aymaģındaģı shólkemler boyınsha 2026-jılı xalıqtıń sociallıq járdemge mútáj kategoriyaları ushın jumıs orınların belgilew haqqındaģı tómendegi usınısları maqullansın:

- xızmetkerler sanı 20 dan aslam bolģan mámleketlik shólkemlerde májbúriy rezervlenetuģın jumıs orınlarınıń sanı xızmetkerler ulıwma sanınıń jeti procentinen aspaģan muģdarda jáne xızmetkerler sanı 100 den artıq bolģan xojalıq júrgiziwshi subektlerde (mámleketlik úlesi 50 procentten joqarı bolģan kárxanalar buģan kirmeydi) májbúriy rezervlenetuģın jumıs orınlarınıń sanı xızmetkerler ulıwma sanınıń úsh procentinen aspaģan muģdarda kelesi jıl ushın 34 jumıs ornın rezervke qoyıw, sonıń ishinde:

- mayıplıģı bolģan shaxslar ushın 12,5 procent (4 adam);

- shańaraqlıq (turmıslıq) zorlıqtan jábirlengen shaxslar ushın 6,5 procent (2 adam);

- kámbaģal shańaraqlar reestrindegi shańaraqlardıń aģzaları ushın 68,5 procent (24 adam);

- alternativ jaylastırıw túrlerinde tárbiyalanģan jetim hám ata-ana qaramaģınan ayırılģan shaxslar ushın 6,5 procent (2 adam);

- jazanı orınlaw mákemelerinen azat etilgen shaxslar ushın 6,5 procent (2 adam);

3. 2026-jılı xalıqtıń sociallıq járdemge mútáj kategoriyaların jumısqa jaylastırıw maqsetinde tómendegiler:

- mámleketlik shólkemler (byudjet shólkemleri hám mámleketlik úlesi 50 procentten joqarı bolģan kárxanalar) tárepinen májbúriy rezervlestiriletuģın jumıs orınlarınıń mánzilli dizimi 1-qosımshaģa muwapıq; mámleketlik shólkemlerde májbúriy rezervlenetuģın jumıs orınlarınıń sanı xızmetkerler ulıwma sanınıń jeti procentinen aspaģan muģdarda jáne xızmetkerler sanı 100 den artıq bolģan xojalıq júrgiziwshi subektlerde (mámleketlik úlesi 50 procentten joqarı bolģan kárxanalar buģan kirmeydi) májbúriy rezervlenetuģın jumıs orınlarınıń mánzilli dizimi 2-qosımshaģa muwapıq tastıyıqlansın.

4. Kárxanalar, shólkemler hám mákemeler basshıları:

- rezervke qoyılatuģın jumıs orınları ulıwma sanınıń keminde jigirma bes procenti muģdarında rezervke qoyılatuģın jumıs orınlarınıń tayarlıģın jıldıń baslanıwınan keminde on kún aldın támiyinlewi, sonday-aq, bul haqqında jıldıń baslanıwına shekem Taxtakópir rayonı Kámbaģallıqtı qısqartıw hám bántlikke kómeklesiw bólimin xabardar etedi;

- jumıs orınlarınıń qalģan bólegin rezervke qoyıw shólkem (jumıs beriwshi) tárepinen kalendar jıldıń birinshi sheregi dawamında támiyinleniwi, bul haqqında Taxtakópir rayonı Kámbaģallıqtı qısqartıw hám bántlikke kómeklesiw bólimin birinshi sherek juwmaqlanģannan soń, 10 kúnnen keshikpey xabardar etedi;

- jumısqa jaylastırıw haqqında Taxtakópir rayonı Kámbaģallıqtı qısqartıw hám bántlikke kómeklesiw bólimine hár ayda, esap beriw ayınan keyingi aydıń 5-sánesine shekem málimleme usınadı. Rezervke qoyılatuģın jumıs orınların saqlaw shártleri Ózbekstan Respublikasınıń "Xalıqtıń bántligi haqqında"ģı Nızamınıń 40-statyasına muwapıq belgilengen tártipte ámelge asırıladı.

5. Ózbekstan Respublikası Prezidentiniń "Xalıqtı isbilermenlikke tartıw hám bántligin támiyinlew ushın finanslıq járdemler ajıratıw sistemasın jetilistiriwge baylanıslı qosımsha ilajlar haqqında"ģı 2025-jıl 14-fevraldaģı PQ-64-sanlı qararına muwapıq xalıqtıń sociallıq járdemge mútáj kategoriyalarınan bolģan shaxslardı jumıs orınlarınıń belgilengen eń az sanınan artıq muģdarda jumısqa qabıl etiw ushın jumıs beriwshilerge - hár bir xızmetker ushın 12 ay dawamında hár ayda bazalıq esaplaw muģdarınıń 2 esesi muģdarında subsidiya qarjıların tólep berilsin.

6. Ózbekstan Respublikasınıń "Xalıqtıń bántligi haqqında"ģı Nızamı 3-, 13-, 34-, 38-, 39-, 40-, 41-statyalarına tiykarlanıp xalıqtıń sociallıq járdemge mútáj kategoriyalarına eń az muģdardaģı jumıs orınların jaratıw boyınsha qabıl etilgen usı qarardı orınlamaģanı ushın jumıs beriwshiler nızamshılıqta belgilengen tártipte juwapkershilikke tartıladı.

7. Ózbekstan Respublikası Ministrler Kabinetiniń 2017-jıl 5-dekabrdegi 965-sanlı qararı menen tastıyıqlanģan "Sociallıq qorģawģa mútáj, jumıs tabıwda qıyınlasıp atırģan hám miynet bazarında teń shártlerde básekilese almaytuģın shaxslardı jumısqa jaylastırıw ushın jumıs orınlarınıń eń kem sanın belgilew hám rezervke qoyıw tártibin bunnan bılay da jetilistiriw ilajları haqqında"ģı Rejeniń 21-bánti, 2-bólimine tiykarlanıp, mútájler ushın jumıs orınların rezervke qoyıw boyınsha Taxtakópir rayonlıq Keńesiniń qararı orınlanbaģanı ushın járiyma tólew shólkemdi rezervke qoyılatuģın jumıs orınlarınıń belgilengen sanın jaratıw boyınsha minnetlemeden azat etpeydi.

- bes kún múddette usı shehsimniń nusqasın 1-2-qosımshasında kórsetilgen shólkemler basshılarına jetkersin hám sheshimniń orınlanıwı ústinen qadaģalawdı támiyinlesin.

Xalıqtıń sociallıq járdemge mútáj kategoriyaları ushın jumıs orınlarınıń eń az sanın belgilew boyınsha xalıq deputatları Taxtakópir rayonlıq Keńesiniń usı qararı orınlanbaģanda, sonday-aq olardı jumısqa qabıl etiw tiykarsız túrde biykarlanģanı ushın shólkemlerdiń lawazımlı shaxslarına nızam hújjetlerinde belgilengen tártipte hákimshilik juwapkershilikke tartıw támiyinlensin.

9. Usı sheshim ģalaba xabar qurallarında járiyalansın hám hákimliktiń rásmiy veb-saytına jaylastırılsın.

10. Usı sheshimniń orınlanıwın támiyinlew rayon hákiminiń birinshi orınbasarı Q.Dawletovqa júklensin.

11. Usı sheshimniń orınlanıwın qadaģalaw Xalıq deputatları rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyasınıń baslıģı S.Kayrzaevaģa júklensin.

12. Usı sheshim qabıl etilgen kúnnen kúshke kiredi.