“2021-yil uchun Oʻzbekiston Respublikasining Davlat byudjeti toʻgʻrisida”gi Oʻzbekiston Respublikasi Qonunining 13-moddasiga asosan, Vazirlar Mahkamasining “Toshkent shahri issiqlik taʼminoti tizimini davlat-xususiy sheriklik asosida rivojlantirish toʻgʻrisida” 2021-yil 22-sentabrdagi 594-son va “Yoqilgʻi energetika sohasida bozor mexanizmlarini joriy etishning qoʻshimcha chora-tadbirlar toʻgʻrisida” 2023-yil 15-sentabrdagi 475-son qarorlariga muvofiq, Oʻzbekiston Respublikasi Bosh vaziri oʻrinbosarining 2025-yil 14-maydagi 03/1-866-son topshirigʻi hamda xalq deputatlari Toshkent shahar Kengashining “Toshkent shahrida issiqlik taʼminoti xizmatlari uchun tartibga solinadigan narxlar (tariflar)ni koʻrib chiqish toʻgʻrisida” 2025-yil 22-avgustdagi VII-14-130-14-0-K/25-son qarorini ijrosini taʼminlash maqsadida qaror qilaman:

1. Xalq deputatlari Toshkent shahar Kengashining “Toshkent shahrida issiqlik taʼminoti xizmatlari uchun tartibga solinadigan narxlar (tariflar)ni koʻrib chiqish toʻgʻrisida” 2025-yil 22-avgustdagi VII-14-130-14-0-K/25-son qarori bilan “Veolia Energy Tashkent” MChJ XK tomonidan koʻrsatiladigan markazlashgan issiqlik taʼminoti xizmatlari uchun narx (tarif)lar:

bazaviy tarif QQSsiz 711 641 soʻm/Gkal;

aholi uchun QQSsiz 139 860 soʻm/Gkal;

byudjet tashkilotlariga QQSsiz 952 797 soʻm/Gkal;

boshqa ulgurji xizmatlar koʻrsatuvchi tashkilotlarga QQSsiz 342 296 soʻm/Gkal miqdorida narx (tarif)lar qoʻllanilishi maʼqullanganligi inobatga olinsin.

2. “Veolia Energy Tashkent” MChJ XK tomonidan koʻrsatiladigan markazlashgan issiqlik taʼminoti xizmatlari uchun quyidagi narx (tarif)lar tasdiqlansin:

bazaviy tarif QQSsiz 711 641 soʻm/Gkal;

aholi uchun QQSsiz 139 860 soʻm/Gkal;

byudjet tashkilotlariga QQSsiz 952 797 soʻm/Gkal;

boshqa ulgurji xizmatlar koʻrsatuvchi tashkilotlarga QQSsiz 342 296 soʻm/Gkal.

3. Toshkent shahar hokimining birinchi oʻrinbosari (B.Xaydarov), Toshkent shahar Iqtisodiyot va moliya bosh boshqarmasi (Z.Ganiyev):

har yili Toshkent shahar mahalliy byudjeti parametrlarini shakllantirishda aholiga issiqlik energiyasi va issiq suvga pasaytirilgan tariflarni qoʻllash natijasida yuzaga keladigan zararlarni qoplash va investitsion xarajatlarni qoplash uchun zarur subsidiya mablagʻlarini nazarda tutsin;

aholiga issiqlik taʼminoti xizmatlari boʻyicha pasaytirilgan tariflar qoʻllanilishi natijasida yuzaga keladigan zararlar va investitsion xarajatlarga asoslantirilgan hisob-kitoblarga muvofiq Toshkent shahar mahalliy byudjeti hisobidan har oyda subsidiyalar ajratish orqali qoplab berilishi chorasini koʻrsin.

Bunda, subsidiya mablagʻlari “Veolia Energy Tashkent” MChJ XK va Toshkent shahar Davlat-xususiy sheriklik boʻlimi tomonidan taqdim qilinadigan hisob-kitoblarga koʻra oʻzgarmas, oʻzgaruvchan xarajatlar hamda investitsion xarajatlarga boʻlingan holda moliyalashtirib berilishi koʻzda tutilsin.

4. Toshkent shahar hokimining ayrim qarorlari ilovaga muvofiq oʻz kuchini yoʻqotgan deb hisoblansin.

5. Toshkent shahar hokimining oʻrinbosari (A.Xen), Toshkent shahar hokimligi Matbuot xizmati (G.Kasimova) mazkur qaror rasmiy eʼlon qilinishini va www.tashkent.uz veb-saytiga joylashtirilishini taʼminlasin.

6. Ushbu qaror rasmiy eʼlon qilingan kundan eʼtiboran kuchga kiradi.

7. Mazkur qarorning ijrosini nazorat qilish Toshkent shahar hokimining birinchi oʻrinbosari B.Xaydarov zimmasiga yuklansin.