Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qarararınıń orınlanıwın támiyinlew maqsetinde Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasına tiykar rayonda 2025-2026-jıldıń shor juwıw dáwiri ushın suw limitin tastıyıqlaw haqqında Moynaq rayonı “Suw jetkerip beriw xızmeti” mámleketlik mákemesi direktorı N.Babanazarovtıń málimlemesin tıńlap hám kórip shıǵıp, Ózbekstan Respublikası “Jergilikli mámleketlik hákimiyat haqqında”ǵı Nızamınıń 6, 24-statyalarına muwapıq Xalıq deputatları Moynaq rayonlıq Keńes sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın basshılıqqa alınsın.

2. Moynaq rayonı “Suw jetkerip xızmeti” MM direktorı N.Babanazarovtıń Moynaq rayonında 2025-2026 jıllardıń shor juwıw dáwiri ushın suw alıw limitlerin tastıyıqlaw haqqındaǵı usınısı maqullansın.

3. Moynaq rayonında jaylasqan fermer hám awıl xojalıǵı eginlerin jetistiriwshi xojalıqlarǵa 2025-2026-jıllarda shor juwıw dáwiri ushın ajıratılǵan sheklengen suw limiti 1-qosımshaǵa, Moynaq rayonında jaylasqan balıqshılıq xojalıqlarına 2025-2026-jıllarda shor juwıw dáwiri ushın ajıratılǵan sheklengen suw limiti 2-qosımshaǵa, Moynaq rayonında kommunal xızmetlerge 2025-2026-jıllarda shor juwıw dáwiri ushın ajıratılǵan sheklengen suw limiti 3-qosımshaǵa muwapıq tastıyıqlansın.

4. Moynaq rayonı “Suw jetkerip xızmeti” MM direktorı N.Babanazarovqa:

Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında jumıslardı shólkemlestiriw;

belgilengen limitler tiykarında tutınıwshılarǵa suw jetkiziw;

ózine biriktirilgen aymaqta suwdıń esabı hám esabatın júrgiziw;

suwǵarıw tarmaqları hám olardaǵı gidrotexnikalıq imaratlardı saz jaǵdayda saqlaw, remontlaw, qayta tiklew ilajların ámelge asırıw;

tutınıwshılar kesiminde sarp etilgen suw kólemi haqqındaǵı maǵlıwmatlardı salıq shólkemlerine usınıs etip barıw;

suw tutınıwshılarınıń talapnaması tiykarında basqa suw xojalıǵı xızmetlerin kórsetiw wazıypaları júkletilsin.

5. Usı sheshimnin orınlanıwın qadaǵalaw Xalıq deputatları rayonlıq Kenesiniń Agrar, suw xojalıǵı máseleleri hám ekologiya boyınsha turaqlı komissiyasına júkletilsin. 6. Sheshim qabıl etilgen kúnnen baslap kúshke kiredi.