Ózbekstan Respublikasınıń 2024-jıl 24-dekabrdegi “2025-jıl ushın Ózbekstan Respublikasınıń Mámleketlik byudjeti haqqında”ǵı ÓRN-1011-sanlı Nızamınıń 13-statyası, Ózbekstan Respublikası Prezidentiniń 2025-jıl 11-marttaǵı PQ-100-sanlı qararınıń hámde Ózbekstan Respublikası Ministrler Kabinetiniń 2025-jıl 24-maydaǵı 03/1-866-sanlı tapsırmasınıń orınlanıwın támiyinlew maqsetinde ıssılıq támiynatı xızmetleri ushın byudjet mákemeleri, basqa kótere satıp alıwshı kárxanalar hám jeke tutınıwshılar ushın jańa tariflerdi belgilew boyınsha “Kommunallıq ıssılıq támiynatı” hámde “Taqıyatas ıssılıq tarmaqları” JSHJniń usınıs xatların hámde Ekonomika hám finans ministrliginiń 2025-jıl 3-iyundaǵı 06-59-sanlı hám 2025-jıl 31-iyuldaǵı 06-254-sanlı, Básekilikti rawajlandırıw hám tutınıwshılar huqıqların qorǵaw komitetiniń 03-11/1158-sanlı xatların inabatqa alıp, Qaraqalpaqstan Respublikası Ministrler Keńesi qarar etedi:

1. Issılıq támiynatı kárxanaları tárepinen ıssılıq energiyası hám ıssı suw jetkerip beriw xızmetin kórsetiw boyınsha jańa tarifler qosımshaǵa muwapıq tastıyıqlansın.

2. “Kommunallıq ıssılıq támiynatı” JSHJ (T.Berdekeshov), “Taqıyatas ıssılıq tarmaqları” JSHJ (S.Xudayberganov), Nókis qalası (A.Daniyarov), Taqıyatas rayonı (K.Aytbayev) menen birgelikte ıssılıq energiyası hám issı suw jetkerip beriw xızmetleriniń jańa bahaları (tarifleri) boyınsha tutınıwshılar menen keń túsinik jumısların alıp barsın.

3. Qaraqalpaqstan Respublikası Qurılıs hám úy-jay kommunal xojalıǵı ministrligi (Q.Aytbayev) hámde Qaraqalpaqstan Respublikası teleradio kompaniyası (K.Bekbawliev) menen birgelikte ıssılıq hám issı suw támiynatı xızmetleriniń jańa tariflerin eńgiziw haqqında ǵalaba xabar qurallarında rásmiy túrde járiyalanıwın támiyinlesin.

4. “Kommunallıq ıssılıq támiynatı” JSHJ hámde “Taqıyatas ıssılıq tarmaqları” JSHJ tárepinen kórsetiletuǵın ıssılıq hám issı suw támiynatı xızmetleri ushın jańa tarifler ǵalaba xabar qurallarında rásmiy túrde járiyalanǵan kúnnen baslap, on bes kúnnen keyin kúshke kirgizilsin.

5. Usı qarardıń orınlanıwın qadaǵalaw Qaraqalpaqstan Respublikası Ministrler Keńesi Baslıǵınıń orınbasarı T.Yusupovqa júklensin.