«Фуқароларнинг меҳнат ҳуқуқлари кафолатлари кучайтирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги ҚТ-2-сонли қонунчилик таклифи бўйича Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг хулосасини кўриб чиқиб, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлисининг Сенати томонидан 2025 йил 4 сентябрда қонунчилик ташаббуси тартибида киритилган «Фуқароларнинг меҳнат ҳуқуқлари кафолатлари кучайтирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги ҚТ-2-сонли қонунчилик таклифининг матни Ўзбекистон Республикаси Олий Мажлисининг Сенати томонидан 2025 йил 8 сентябрда ўзгартирилиб, қайта киритилганлиги маълумот учун қабул қилинсин.

2. Ушбу қонунчилик таклифи Ўзбекистон Республикаси Олий Мажлиси Қонунчилик палатаси кўриб чиқиши учун қабул қилинсин.

3. Ушбу Қарор қабул қилинган кундан эътиборан кучга киради.