Viloyat Bozorlar va savdo komplekslari uyushmasining 2025-yil 20-avgustdagi (217-son) murojaati, viloyat Iqtisodiyot va moliya bosh boshqarmasining 2025-yil 20-avgustdagi (02/02-32/428-son), viloya soliq boshqarmasining 2025 yil 24 sentabrdagi (20-145627-son) xulosalari hamda viloyat hokimi birinchi oʻrinbosari Sh.Buranovning 2025-yil 29-avgustdagi (488/01-30-son) bildirgisiga asoslanib, qaror qilaman:

1. Viloyat hokimining 2025-yil 22-fevraldagi “Viloyatdagi bozorlar va savdo komplekslari maʼmuriyati tomonidan undirib olinadigan bir martalik yigʻimlar, ijara toʻlovlari va koʻrsatiladigan xizmatlar qiymati miqdorlarini tasdiqlash toʻgʻrisida” 55-7-0-Q/25-son qaroriga ilovaga muvofiq oʻzgartirish va qoʻshimchalar kiritilsin.

2. Viloyat hokimligi axborot xizmati rahbari, matbuot kotibi (M.Ixtiyarov), viloyat hokimligi huzuridagi “Axborot-kommunikatsiya texnologiyalarini rivojlantirish markazi” DM (N.Norbekov) ushbu qarorni ommaviy axborot vositalarida chop etilishini hamda viloyat hokimligining rasmiy veb-saytiga joylashtirilishini taʼminlasin.

3. Mazkur qaror ijrosini nazorat qilish viloyat hokimining birinchi oʻrinbosari Sh.Buranov zimmasiga yuklatilsin.

4. Ushbu qaror rasmiy eʼlon qilingan kundan eʼtiboran kuchga kiradi.