Tuman mahalliy budjeti mablagʻlarini maqsadli sarflanishini tashkil etish, xarajatlarni sohalar boʻyicha toʻgʻri taqsimlash orqali mablagʻlarning iqtisod qilinishiga erishish, kreditor qarzdorliklarga yoʻl qoʻymaslik maqsadida Oʻzbekiston Respublikasi Budjet kodeksining 28-, va 148-moddalariga asosan xalq deputatlari Shoʻrchi tumani Kengashi qaror qiladi:

1. Tuman Iqtisodiyot va moliya boʻlimining 2025-yil 04-iyuldagi tuman mahalliy budjetining xarajatlari yoyilmasiga oʻzgartirish kiritish toʻgʻrisidagi 01-01-38/23-sonli xati inobatga olinsin.

2. Tuman mahalliy budjetdan mablagʻ oluvchi budjet tashkilotlarining 2025-yil II chorak xarajatlari yoyilmasiga ilovaga muvofiq oʻzgartirishlar kiritilsin.

3. Kiritilgan oʻzgartirishlar tuman mahalliy budjetidan mablagʻ oluvchi budjet muassasalarining 2025-yil tasdiqlangan xarajatlar yoyilmasiga nisbatan 5 foiz miqdorida ekanligi eʼtirof etilsin.

4. Tuman Iqtisodiyot va moliya boʻlimi (A.Soatov) ga tuman mahalliy budjetidan mablagʻ oluvchi budjet tashkilotlarining 2025-yil II chorak xarajatlar yoyilmasiga ilovaga muvofiq oʻzgartirish kiritish vazifasi yuklatilsin.

5. Tuman hokimining birinchi oʻrinbosari (M.Chorshanbiyev), tuman Iqtisodiyot va moliya boʻlimi (A.Soatov)lar qarorning ijrosi boʻyicha amalga oshirilgan ishlar yuzasidan har oy yakuni bilan xalq deputatlari tuman Kengashiga hisobot taqdim etib borishi belgilanganligi taʼkidlab oʻtilsin.

6. Ushbu qarorning bajarilishini nazorat qilish tuman hokimining birinchi oʻrinbosarlari (M.Chorshanbiyev) hamda xalq deputatlari Shoʻrchi tumani Kengashining mahalliy budjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha doimiy komissiyasi (M.Yuldoshev) zimmasiga yuklatilsin.

7. Ushbu qaror qabul qilingan kundan kuchga kiradi.