Ózbekstan Respublikasınıń "Geografiyalıq obektlerdiń atamaları haqqında"ǵı Nızamı hám Ministrler Kabinetiniń 2012-jıl 16-oktyabrdegi "Geografiyalıq obektlerdiń atamaları haqqındaǵı Ózbekstan Respublikası Nızamına muwapıq geografiyalıq obektlerdiń atamaları tarawındaǵı jumıslardı tártipke salıw ilajları haqqında"ǵı 295-sanlı qararına muwapıq, Geografiyalıq obektlerdi ataw hám qayta ataw boyınsha rayonlıq komissiya tárepinen Qanlıkól rayonındaǵı bar geografiyalıq obektler úyrenip shıǵılıp, Sırdárya wálayatı tárepinen rayonda alıp barılıp atırǵan keń kólemli jumıslardı esapqa alıp, sonday-aq, ózbek hám qaraqalpaq xalıqları arasındaǵı doslıqtı jáne de bekkemlew hám húrmet mánisinde Sarı altın máhállesindegi "Duman" kóshesine "Sırdárya doslıǵı" atamasın beriw usınısına tiykar Ózbekstan Respublikası Ekonomika hám Finans Ministrligi janındaǵı Kadastr agentligi tárepinen 2025-jıl 21-iyul kúngi 03/08-7953–sanlı ekspertiza juwmaǵı alınǵanlıǵı Ózbekstan Respublikasınıń 2011-jıl 12-oktyabrdegi “Geografik obektlerdıń atamaları haqqında”ǵı 303-sanlı nızamı talaplarına muwapıq dep tabılǵan.

Ózbekstan Respublikasınıń “Geografik obyektleriniń atamaları haqqında”ǵı 303-sanlı nızamı hámde “Jergilikli mámleket hákimiyatı haqqında”ǵı nızamnıń
6-24-statyalarına tiykarlanıp Xalıq deputatları Qanlıkól rayonlıq Keńesi ShEShIM ETEDI:

1. Ózbekstan Respublikası Ekonomika hám Finans Ministrligi janındaǵı Kadastr agentligi tárepinen 2025-jıl 21-iyul kúngi 03/08-7953–sanlı ekspertiza juwmaǵına tiykar Qanlıkól rayonı Sarı altın awıl puqaralar jıyınındaǵı "Duman" kóshesine "Sırdárya doslıǵı" atamasın beriw usınısı maqullansın.

2. Qanlıkól rayonı Statistika bólimi (A.Yusupov), Qanlıkól rayonı Salıq inspeksiyası (A.Eshmuratov), Qanlıkól rayonı Ishki isler bólimi (U.Xusainov), hámde tiyisli mákemelerge usı qararda kórsetilgen ózgerislerdi itibarǵa alıw hám tiyisli mákemelik hújjetlerge ózgrerisler kirgiziw tapsırılsın.

3. Ózbekstan máhálleler awqamı Qanlıkól rayonlıq bólimi (M.Bekbauliev)ne on kún múddet ishinde usı qarar menen atama berilip atırǵan kóshe taypası xalıq arasında keńnen túsinik beriw, latın álipbesinde jazılǵan mańlayshalardı ornatıwdı támiyinlew tapsırılsın.

4. Qanlıkól rayonı Ekonomika hám Finans bólimine kóshe taypası ataması jazılǵan mańlayshalardı tayarlaw ushın qarjı ajıratıw maselesin belgilengen tártipte sheshiw tapsırılsın.

5.Qanlıkól rayonı Geografik obyektlerdi atama beriw hám qayta atama beriw máseleleri boyınsha komissiyası (B.Sultanov) :

Usı kóshe taypası atamasın Ózbekstan Respublikası Ekonomika hám Finans Ministrligi janındaǵı Kadastr agentligine mámleketlik reestrı bazasına kiritiw ushın usınıs etilsin.

6. Usı sheshimniń orınlanıwın támiyinlew Qanlıkól rayonı hákiminiń birinshi orınbasarı, Ekonomika hám qarjı bólimi w.w.a (B.Genjebaev)ne hám Qanlıkól rayonı hákiminiń jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı (R.Qalimbetov)na júkletilsin.

7. Usı sheshimniń orınlanıwın qadaǵalaw Xalıq deputatları Qanlıkól rayonlıq Keńesiniń Sud-huqıq máseleleri hámde korrupsiyaǵa qarsı gúresiw boyınsha turaqlı komissiyasına júkletilsin.

8.Qanlıkól rayonı hákimligi Málimleme xızmeti (M.Daryabaev)ne usı sheshimdi hákimliktiń rásmiy dereklerge jaylastırıw tapsırılsın .

9. Sheshim rásmiy túrde járiyalanǵan kúnnen baslap kúshke kiredi.