Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararına muwapıq, sonday-aq Shımbay rayonı “Suw jetkerip beriw xızmeti” mámleketlik mákemesiniń 2025-jıl 5-iyun kúngi Shımbay rayonında 2024-2025 jıllardıń gúz-qıs dáwirinde awıl xojalıǵı egislik maydanları shor juwıw ushın suw alıw limitlerin tastıyıqlaw haqqındaǵı 01/05-16-193-sanlı usınısı xatın qarap shıǵıp hám de «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń 21-statyasına muwapıq Xalıq deputatları Shımbay rayonlıq Keńesi ShEShIM ETEDI:

1. Ózbekstan Respublikası Prezidentiniń 2024 jıl 5-yanvardaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararınıń 7-bántindegi berilgen wazıypalar orınlaw ushın basshılıqqa alınsın.

2. Shımbay rayonı “Suw jetkerip beriw xızmeti” mámleketlik mákemesiniń 2025-jıl 5-iyun kúngi Shımbay rayonında 2024-2025 jıllardıń gúz-qıs dáwirinde awıl xojalıǵı egislik maydanları shor juwıw ushın suw alıw limitlerin tastıyıqlaw haqqındaǵı 01/05-16-193-sanlı usınısı maqullansın.

3. Xalıq deputatları Shımbay rayonlıq Keńesiniń 2024-jıl 4-oktyabrdegi VI-69-91-13-192-K/24-sanlı sheshimine qosımshasına ózgerisler kiritilsin.

4. Shımbay rayonı “Suw jetkerip beriw xızmeti” mámleketlik mákemesi (A.Qadirbaev), Shımbay rayonı fermer, diyxan xojalıǵı hám qıytaq jer iyeleri keńesi, tiyisli mákemeler hám shólkemler menen birgelikte:

- Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2024-2025 jıllardıń gúz-qıs dáwirinde awıl xojalıǵı eginlerin suwǵarıw hám shor juwıw ushın ajıratılǵan limitler tiykarında fermer xojalıqlarına belgilengen tártipte suwdı retlestirip jetkerip beriw boyınsha zárúr ilajlar belgilesin;

5. Rayonı hákiminiń awıl hám suw xojalıǵı máseleleri boyınsha orınbasarı I.Qayıpnazarov, “Suw jetkerip beriw xızmeti” mámleketlik mekemesi (A.Qadirbaev) hám de Shımay rayonı Awıl xojalıq bólimine 2024-2025 jıllardıń gúz-qıs dáwirinde awıl xojalıǵı eginlerin suwǵarıw hám shor juwıw ushın tastıyıqlanǵan limitke belgilengen tártipte qosımsha suw ajratıw boyınsha Ózbekstan Respublıkasí suw xojalíǵí ministrligine usınıs kiritilsin.

6. Usı sheshimniń orınlanıwın qadaǵalaw Shımbay rayonı hákiminiń awıl hám suw xojalıǵı máseleleri boyınsha orınbasarı (I.Qayıpnazarov)na hám de Xalıq deputatları Shımbay rayonlıq Keńesiniń Agrar, suw xojalıǵı máseleleri hám ekologiya boyınsha turaqlı komissiyası (O.Tolıbekov)na júklensin.

7. Usı sheshim rásmiy túrde járiyalanǵan kúnnen baslap kúshke kiredi.