Ózbekstan Respublikası Prezidentiniń 2024-jıl 5-yanvardaģı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ģı PQ-5-sanlı qararı hám Qaraqalpaqstan Respublikası Ministrler Keńesiniń 2025-jıl 12-maydaģı "Qaraqalpaqstan Respublikasında salı eginin aqılģa muwapıq jaylastırıw hámde azıq-awqat ónimleri támiynatınıń turaqlılıģına erisiw is-ilajları haqqında"ģı 237-13-0-Q/25-sanlı qararlarınıń orınlanıwın támiyinlew maqsetinde hám de Ózbekstan Respublikası “Jergilikli mámleketlik hákimiyat haqqında”ģı nızamınıń 6 hám 24-statyalarına muwapıq Xalıq deputatları Nókis qalalıq Keńesi sheshim etedi:

1. Nókis rayonı “Suw jetkerip beriw xızmeti” mámleketlik mákemesiniń usınısı maģlıwmat ushın qabıl etilsin.

2. Nókis rayonı Suw jetkerip beriw xızmeti mámleketlik mákemesiniń tiyisli shólkemler menen birgelikte qalada 2025-jıl vegetaciya dáwirinde suwģarıw jumısları ushın ajıratılģan sheklengen suw limitlerin tastıyıqlaw haqqında Nókis rayonı Suw jetkerip beriw xızmeti mámleketlik mákemesi direktorı D.Usakovtıń usınısı maģlıwmat ushın qabıl etilsin.

3. 2025-jıl ushın vegetaciya dáwirinde suwģarıw jumısları ushın ajıratılģan sheklengen suw limitlerin tastıyıqlaw qosımshaģa muwapıq tastıyıqlansın.

4. Tómendegiler:

– tastıyıqlanģan mánzilli dizimnen artıqsha hám dizimnen tısqarı egilgen maydanları hám artıqsha alınģan suw muģdarları boyınsha qala hákiminiń orınbasarı (A.Nietullaev) hám Nókis rayonlıq “Suw jetkerip beriw xızmeti” MM (D.Usakov) juwapker ekenligi eskertilsin hám de nızam buzılıwlarına jol qoyģan xojalıq júrgiziwshi subyektlerge nızamshılıqta belgilengen tártipte jer ijarası shártnamasın biykarlawģa shekemgi qatań ilajlar kórilsin.

5. Usı sheshimnin orınlanıwın qadagalaw Xalıq deputatları qalalıq Kenesiniń Agrar, suw xojalıģı hám ekologiya máseleleri boyınsha turaqlı komissiyasına júkletilsin.