Taxtakópir rayonı «Suw jetkerip beriw xızmeti» mámleketlik mákemesiniń 2025-jıl 16-iyun kúngi 04-16/143-sanlı xatına tiykar hám de Ózbekstan Respublikası “Jergilikli mámleket hákimiyatı haqqında”ģı nızamınıń 6 hám 24-statyalarına muwapıq, xalıq deputatları Taxtakópir rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaģı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ģı PQ-5-sanlı qararı orınlaw ushın basshılıqqa alınsın.

2. Taxtakópir rayonı «Suw jetkerip beriw xızmeti» mámleketlik mákemesi direktorı P.Qallibekovtıń Xalıq deputatları Taxtakópir rayonlıq Keńesiniń 2024-jıl 18-sentyabr kúngi VI-87-167-13-189-K/24-sanlı “Rayondaģı fermer xojalıqları, klasterler hám basqa da suw tutınıwshılarına 2024-2025-jıllardaģı shor juwıw dáwirinde ajratılģan suw limiti hám haqıyqıy alınatuģın suw múģdarın tastıyıqlaw haqqında”ģı sheshimine ózgeris kiritiw tuwralı usınısı maqullansın.

3. Taxtakópir rayonında jaylasqan fermer xojalıqları, klasterler hám basqa da suw tutınıwshılarına 2024-2025-jıl gúz-qıs shor juwıw máwsimi ushın ajıratılģan suw limiti 1-qosımshaģa muwapıq qayta tastıyıqlansın.

4. Taxtakópir rayonı «Suw jetkerip xızmeti» MM direktorı (P.Qallibekov) na:

- Ózbekstan Respublikası Prezidentiniń 2024-jıl 5-yanvardaģı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ģı PQ-5-sanlı qararı tiykarında jumıslardı shólkemlestiriw;

- belgilengen limitler tiykarında tutınıwshılarģa suw jetkiziw;

- ózine biriktirilgen aymaqta suwdıń esabı hám esabatın júrgiziw;

- suwģarıw tarmaqları hám olardaģı gidrotexnikalıq imaratlardı, saz jaģdayda saqlaw, remontlaw-qayta tiklew ilajların ámelge asırıw;

- tutınıwshılar kesiminde sarıp etilgen suw kólemi haqqındaģı maģlıwmatlardı salıq shólkemlerine usınıs etip barıw;

- suw tutınıwshılarınıń talapanaması tiykarında basqa suw xojalıģı xızmetlerin kórsetiw wazıypaları júkletilsin.

5. Usı sheshimniń orınlanıwın qadaģalaw Xalıq deputaları Taxtakopir rayonlıq Keńesiniń Agrar, suw xojalıģı máseleleri hám ekologiya boyınsha turaqlı komissiyası (S.Seytnazarov)na hám rayon hákiminiń awıl hám suw xojalıģı máseleleri boyınsha orınbasarı S.Dosbergenovqa tapsırılsın.

6. Sheshim qabıl etilgen kúnnen baslap kúshke kiredi.