«Ноширлик фаолияти тўғрисида»ги Ўзбекистон Республикаси Қонунига қўшимчалар ва ўзгартириш киритиш ҳақида»ги ҚЛ-101-сонли Ўзбекистон Республикаси қонуни лойиҳаси бўйича Ўзбекистон Республикаси Олий Мажлиси Қонунчилик палатаси Инновацион ривожланиш ва ахборот технологиялари масалалари қўмитасининг хулосасини кўриб чиқиб, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлиси Қонунчилик палатасининг депутатлари З. Миргазиева, Н. Тилаволдиев, А. Назиркулов ва Г. Халмуратова томонидан 2025 йил 13 июнда киритилган «Ноширлик фаолияти тўғрисида»ги Ўзбекистон Республикаси Қонунига қўшимча ва ўзгартиришлар киритиш тўғрисида»ги ҚЛ-101-сонли Ўзбекистон Республикаси қонуни лойиҳасининг матни мазкур депутатлар томонидан ўзгартирилиб, «Ноширлик фаолияти тўғрисида»ги Ўзбекистон Республикаси Қонунига қўшимчалар ва ўзгартириш киритиш ҳақида» деган янги ном билан 2025 йил 2 июлда қайта киритилганлиги маълумот учун қабул қилинсин.

2. Ушбу қонун лойиҳаси Ўзбекистон Республикаси Олий Мажлиси Қонунчилик палатаси кўриб чиқиши учун қабул қилинсин.

3. Ушбу Қарор қабул қилинган кундан эътиборан кучга киради.