Qaraqalpaqstan Respublikası Ministrler Keńesiniń 2025-jıl 15-may kúngi 01-04/5-05/1428-xatına muwapıq Bozataw rayonı máhálleler kesiminde kóshelerdiń sxematik kartaların tayarlaw barısında 8 kóshe taypaları (kóshe, tar kóshe, berk kóshe) barlıǵı anıqlanıp, usı kóshelerge atama beriw boyınsha Ózbekstan Respublikası Ekonomika hám Finans Ministrligi janındaǵı Kadastr agentligi tárepinen 2025-jıl 10-iyundaǵı 05-19-9384–sanlı ekspertiza juwmaǵı alındı.

Ekspert juwmaǵına tiykar 8 geografik obyekt ataması Ózbekstan Respublikasınıń 2011-jıl 12-oktyabrdegi “Geografik obektlerdıń atamaları haqqında”ǵı 303-sanlı nızamı talaplarına muwapıq dep tabılǵan. Usı másele boyınsha bildirilgen pikir usınıslardı inabatqa alıp, Ózbekstan Respublikasınıń “Geografik obyektleriniń atamaları haqqında”ǵı 303-sanlı nızamınıń 10-statyasına hámde “Jergilikli mámleket hákimiyatı haqqqında”ǵı nızamınıń 6-24-statyalarına tiykarlanıp Xalıq deputatları Bozataw rayonlıq Keńesi SHESHIM ETEDI:

1. Ózbekstan Respublikası Ekonomika hám Finans Ministrligi janındaǵı Kadastr agentligi tárepinen 2025-jıl 10-iyundaǵı 05-19-9384–sanlı ekspertiza juwmaǵı na tiykar 8 kóshe taypaları (kóshe, tar kóshe, berk kóshe) atamaları qosımshaǵa muwapıq tastıyıqlansın.

2. Rayonlıq Statistika bólimi (A. Tursımuratov), rayonlıq Salıq inspeksiyası (M. Tolibaev), rayonlıq Ishki isler bólimi (U. Qurbanbaeva), hámde tiyisli mákemelerge usı qararda kórsetilgen ózgerislerdi itibarǵa alıw hám tiyisli mákemelik hújjetlerge ózgrerisler kirgiziw tapsırılsın.

3. Ózbekstan máhálleler awqamı Bozataw rayonlıq bólimi (Q. Qayıpov) ne on kún múddet ishinde usı qarar menen atama berilip atırǵan kóshe taypaların xalıq arasında keńnen túsinik beriw,latın álipbesinde jazılǵan mańlayshalardı ornatıwdı támiyinlew tapsırılsın.

4. Rayonlıq Ekonomika hám Finans bólimi (R. Berdimuratov) ne kóshe taypaları atamaları jazılǵan mańlayshalardı tayarlaw ushın qarjı ajıratıw maselesin belgilengen tártipte sheshiw tapsırılsın.

5. Bozataw rayonı Geografik obyektlerdi atama beriw hám qayta atama beriw máseleleri boyınsha komissiyası (B. Ubbiniyazov):

Usı kóshe taypaları atamaların Ózbekstan Respublikası Ekonomika hám Finans Ministrligi janındaǵı Kadastr agentligine mámleketlik reestrı bazasına kiritiw ushın usınıs etilsin.

6. Usı qarardıń orınlanıwın qadaǵalaw Xalıq deputatları Bozataw rayonlıq Keńesiniń Korrupsiyaǵa qarsı gúresiw, sociyallıq taraw,jaslar siyasatı,mádeniyat hám sport máseleleri boyınsha turaqlı komissiyasına júkletilsin.

7. Bozataw rayonı hákimligi Málimleme xızmeti (R. Jangabergenov)ne usı sheshimdi hákimliktiń rásmiy veb-saytında jaylastırıw tapsırılsın.

8. Sheshim rásmiy túrde járiyalanǵan kúnnen baslap kúshke kiredi.