Oʻzbekiston mahallalari uyushmasi viloyat boshqarmasining 2025-yil 3-iyuldagi 01/160 va 01/161-sonli xatlarini inobatga olib hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24-moddalariga asosan xalq deputatlari viloyat Kengashi qaror qiladi:

1. “Xalq deputatlari Qashqadaryo viloyati Kengashining 2025-yil 20-maydagi VII-11-86-4-0-K/25-sonli qaroriga oʻzgartirish va qoʻshimchalar kiritish toʻgʻrisidagi Oʻzbekiston mahallalari uyushmasi viloyat boshqarmasi boshligʻi O. Ravshanovning maʼruzasi maʼlumot uchun qabul qilinsin.

2. “Xalq deputatlari Qashqadaryo viloyati Kengashining 2025-yil 20-maydagi VII-11-86-4-0-K/25-sonli qarori ilovasining 27, 33, 49, 50-bandlari oʻzgartirilib ilovaga muvofiq tasdiqlansin hamda mazkur qaror ilovasining 53-bandi toʻliq chiqarib tashlansin va raqamlar ketma-ketligi ushbu oʻzgartirishlar kiritilgandan keyingi holatida qaytadan joylashtirilishi inobatga olinsin.

3. Ushbu qaror rasman eʼlon qilingan kundan eʼtiboran kuchga kiradi.

4. Mazkur qaror ijrosini nazorat qilish xalq deputatlari viloyat Kengashining Korrupsiyaga qarshi kurashish va xavfsizlik masalalari boʻyicha doimiy komissiyasi raisi I.Xalilov hamda viloyat hokimining oʻrinbosari A.Qobilov zimmasiga yuklansin.