Ўзбекистон Республикаси Президентининг 2025 йил 8 майдаги ПФ-84-сон «Камбағал оилаларни давлат томонидан ижтимоий қўллаб-қувватлаш тизимини янада такомиллаштириш тўғрисида»ги Фармонига мувофиқ Ўзбекистон Республикаси Мактабгача ва мактаб таълими вазирлиги ҳамда Иқтисодиёт ва молия вазирлиги қарор қилади:

1. Ўзбекистон Республикаси Халқ таълими вазирлиги ҳамда Молия вазирлигининг 2016 йил 25 июлдаги 8-мҳ, 55-сон қарори (рўйхат рақами 2821, 2016 йил 23 август) (Ўзбекистон Республикаси қонун ҳужжатлари тўплами, 2016 й., 34-сон, 406-модда) билан тасдиқланган Мактабгача таълим ташкилотлари ва мактаб-интернатлардаги болалар таъминотига ҳақ тўлаш тартиби тўғрисидаги низомга иловага мувофиқ ўзгартиришлар ва қўшимча киритилсин.

2. Мазкур қарор расмий эълон қилинган кундан эътиборан кучга киради.

1. 5-бобнинг номи қуйидаги таҳрирда баён этилсин:

«5-боб. Болалар таъминоти учун тўловдан озод қилиш».

2. 19-банднинг биринчи хатбошиси қуйидаги таҳрирда баён этилсин:

«19. Мактабгача таълим ташкилотларидаги (мактаб-интернатлардаги) болалар умумий сонининг 15 фоизи доирасида «Ижтимоий ҳимоя ягона реестри» ахборот тизими орқали кам таъминланган ёки «Камбағал оилалар реестри» ахборот модули орқали камбағал деб эътироф этилган оилалар фарзандлари тўловдан озод қилинади. Бунда, биринчи навбатда ота-оналаридан бири ёки ҳар иккисига ногиронликнинг I ёхуд II гуруҳи белгиланган кам таъминланган ёки камбағал оила фарзандларига, шунингдек ўртача ойлик даромади энг паст даражада бўлган кам таъминланган ёки камбағал оила фарзандларига имтиёз берилади.».

3. 20-банднинг «а» кичик банди қуйидаги таҳрирда баён этилсин:

«а) кам таъминланган ёки камбағал оилаларнинг фарзандлари учун «Ижтимоий ҳимоя ягона реестри» ахборот тизими орқали берилган оила кам таъминланган деб эътироф этилганлиги тўғрисидаги маълумотнома ёки «Ягона миллий ижтимоий ҳимоя» ахборот тизими орқали берилган шахснинг камбағал деб эътироф этилган оиланинг аъзоси эканлиги ҳақидаги маълумотнома (оила камбағал деб эътироф этилганлиги тўғрисидаги маълумотлар);».

4. 22-банд «кам таъминланган» деган сўзлардан кейин «ёки камбағал деб эътироф этилган» деган сўзлар билан тўлдирилсин.

5. 26-банддаги «Иқтисодиёт ва молия вазирлиги ҳузуридаги» деган сўзлар «Бош прокуратураси ҳузуридаги Иқтисодий жиноятларга қарши курашиш департаментининг» деган сўзлар билан алмаштирилсин.