Oʻzbekiston Respublikasi Prezidentining 2025-yil 27-yanvardagi “Qoraqalpogʻiston Respublikasida tadbirkorlikni yanada qoʻllab-quvvatlash hamda aholi faravonligini taʼminlash uchun yangi imkoniyatlarni yaratish boʻyicha qoʻshimcha chora-tadbirlar toʻgʻrisida”gi PF-10-son Farmoni 5-bandi ijrosini taʼminlash maqsadida Qoraqalpogʻiston Respublikasi Vazirlar Kengashi qaror qiladi:

1. Oʻzbekiston Respublikasi Prezidentining 2025-yil 27-yanvardagi “Qoraqalpogʻiston Respublikasida tadbirkorlikni yanada qoʻllab-quvvatlash hamda aholi faravonligini taʼminlash uchun yangi imkoniyatlarni yaratish boʻyicha qoʻshimcha chora-tadbirlar toʻgʻrisida”gi PF-10-son Farmoni 5-bandi topshiriqlari ijro uchun rahbarlikka olinsin.

2. Oʻzbekiston Respublikasi Prezidentining mazkur Farmoni bilan 2025 — 2027-yillarda Qoraqalpogʻiston Respublikasi Vazirlar Kengashiga oʻzining qarori asosida oʻrmon fondi va qishloq xoʻjaligiga moʻljallangan yerlar tarkibidagi sugʻorilmaydigan yer uchastkalarining (yaylovlar, suv yetib bormaydigan, unumdorligi past boʻlgan yerlarning) yer fondi toifasini oʻzgartirish boʻyicha, istisno tariqasida vakolat berilganligi maʼlumot uchun qabul qilinsin.

3. Quyidagilar:

2025 — 2027-yillarda Qoraqalpogʻiston Respublikasi hududida oʻrmon fondi va qishloq xoʻjaligiga moʻljallangan yerlar tarkibidagi sugʻorilmaydigan yer uchastkalarining (yaylovlar, suv yetib bormaydigan, unumdorligi past boʻlgan yerlarning) yer fondi toifasini oʻzgartirish masalalarini koʻrib chiqish boʻyicha komissiyasi tarkibi 1-ilovaga muvofiq;

2025 — 2027-yillarda Qoraqalpogʻiston Respublikasi hududida oʻrmon fondi va qishloq xoʻjaligiga moʻljallangan yerlar tarkibidagi sugʻorilmaydigan yer uchastkalarining (yaylovlar, suv yetib bormaydigan, unumdorligi past boʻlgan yerlarning) yer fondi toifasini oʻzgartirish boʻyicha vaqtincha tartibi 2-ilovaga muvofiq tasdiqlansin.

4. Mazkur qarorning ijrosini nazorat qilishni oʻz zimmamda qoldiraman.