Oʻzbekiston Respublikasi Vazirlar Mahkamasining “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi 2012-yil 16-oktabrdagi 295-sonli qarori talablaridan kelib chiqib hamda Oʻzbekiston Respublikasi Vazirlar Mahkamasi rayosati majlisinining 117-sonli bayoni qarori ijrosini taʼminlash yuzasidan chora-tadbirlar rejasi asosida tumandagi 7 ta mahallaning chegaralari aniq belgilangan hududdagi koʻchalarni toifalarga (koʻcha, shoh koʻcha, tor koʻcha, berk koʻcha) ajratish yuzasidan davlat kadastrlari palatasi Buxoro viloyati boshqarmasi Qorovulbozor tumani filiali tomonidan aniqlangan nomsiz koʻchalarga nom berish boʻyicha takliflarni Geografik obyektlarga nom berish masalalarini muvofiqlashtiruvchi Buxoro viloyati komissiyasi hamda geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligi Ekspert komissiyasining 2025-yil 6-martdagi 05-19-3567-sonli xulosasini koʻrib chiqib, va “Geografik obyektlarning nomlari toʻgʻrisida”gi Oʻzbekiston Respublikasi Qonuni (Oʻzbekiston Respublikasi qonun hujjatlari toʻplami, 2011-y, 41-son, 448-moddasi, 2011-y, 303-son, 10-moddasi)ga asoslanib, xalq deputatlari Qorovulbozor tumani Kengashi qaror qiladi:

1. Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligi Ekspert komissiyasining 2025-yil 6-martdagi 05-19-3567-sonli geografik obyektlarga nom berish yoki ularni qayta nomlash toʻgʻrisidagi takliflarning qonun hujjatlari talablariga muvofiqligi haqidagi xulosasi maʼqullansin.

2. Kadastr agentligi Buxoro viloyati boshqarmasi Qorovulbozor tumani filiali tomonidan aniqlangan nomsiz koʻchalar ilovaga muvofiq nomlansin.

3. Ilovaning 4 bandidagi “Boʻston” mahallasi soʻzi “Boʻzachi” mahallasi deb oʻqilsin.

4. Mahallalar uyushmasi tuman boʻlimi (Gʻ.Quvatov), tuman statistika boʻlimi (F.Jumayev), Kadastrlar palatasi Qorovulbozor tumani filiali (R.Boqiyev)ga tegishli davlat roʻyxatidan oʻtkazish idoralari bilan birgalikda mazkur qarordan kelib chiqib hisobotlarga belgilangan tartibda oʻzgartirishlar kiritish topshirilsin.

5. Mazkur qaror ijrosini nazorat qilish xalq deputatlari Qorovulbozor tumani Kengashining Korrupsiyaga qarshi kurashish va xavfsizlik masalalari boʻyicha doimiy komissiyasi (G.Nasirova) zimmasiga yuklatilsin.